श्रीसरस्वतीस्तोत्रं इन्द्रकृतम् सार्थम्

|| श्रीसरस्वतीस्तोत्रं इन्द्र कृतम् सार्थम् ||

अथ श्रीसरस्वतीस्तोत्रम् ।
भृङ्गनीलनीलाञ्जनालका, पद्मरागगाङ्गेयमौलिका ।
पूर्णचन्द्रबिम्बोज्ज्वलानना, श्रीसरस्वती मे प्रसीदतु ॥ १॥

फुल्लनेत्रपङ्केरुहान्विता, रत्नकॢप्तताटङ्कभूषिता ।
चम्पकप्रसूनाभनासिका, श्रीसरस्वती मे प्रसीदतु ॥ २॥

दर्पणप्रभागण्डमण्डला, पल्लवाधरा दन्तकुट्मला ।
मन्दहासिनी कम्बुकन्धरा, श्रीसरस्वती मे प्रसीदतु ॥ ३॥

दीर्घबाहुका चातिकोमला, रत्नकञ्चुका पीवरस्तना ।
स्वर्णमौक्तिकाकर्णभूषणा, श्रीसरस्वती मे प्रसीदतु ॥ ४॥

मञ्जुभाषणा चावलित्रयी, सुन्दरोदरा निम्ननाभिका ।
लम्बितोदराधारमेखला, श्रीसरस्वती मे प्रसीदतु ॥ ५॥

सूक्ष्ममध्यमा भूनितम्बिनी, रत्नदन्तितुण्डोरुमण्डिता ।
ब्रह्मदण्डजानुद्वयान्विता, श्रीसरस्वती मे प्रसीदतु ॥ ६॥

मारतूणिकाकारजङ्घिका, रत्नकिङ्किणी पादनूपुरा ।
कूर्मपृष्ठदेशाङ्घ्रिपृष्ठका, श्रीसरस्वती मे प्रसीदतु ॥ ७॥

गूढगुल्फलावण्यरञ्जिता, चन्द्रिकांशुका श्वेतवर्णिनी ।
बिन्दुवासिनी बैन्दवप्रिया, श्रीसरस्वती मे प्रसीदतु ॥ ८॥

कालिकारमापार्श्वसेविता, वेदवेदिता भेदनाशिनी ।
निर्मलात्मिकाद्वैतरूपिणी, श्रीसरस्वती मे प्रसीदतु ॥ ९॥

वासरालया भूसुरार्चिता, गौतमीनदीतीरवासिनी ।
ब्राह्मणप्रियापारवैभवा, श्रीसरस्वती मे प्रसीदतु ॥ १०॥

इन्द्रेणैवं कृतं स्तोत्रं ये पठन्त्यनिशं तु ते ।
सरस्वतीप्रसादेन प्रपद्यन्तेऽष्टसिद्धिकाः ॥

॥ इति श्रीसरस्वतीस्तोत्रम् ॥

• englishShri Saraswatyashtottarashata Namastotram
• sanskritश्रीसरस्वतीस्तोत्रं अगस्त्यमुनिप्रोक्तम्
• sanskritसरस्वत्यष्टोत्तरशत नामस्तोत्रम्
• hindiश्री नील सरस्वती स्तोत्रम्
• hindiनील सरस्वती स्तोत्रम् अर्थ सहित
• assameseশ্ৰী সৰস্ৱতী স্তোত্ৰম্
• bengaliশ্রী সরস্বতী স্তোত্রম্
• sanskritश्री सरस्वती स्तोत्रम्
• gujaratiશ્રી સરસ્વતી સ્તોત્રમ્
• odiaଶ୍ରୀ ସରସ୍ୱତୀ ସ୍ତୋତ୍ରମ୍
• punjabiਸ਼੍ਰੀ ਸਰਸ੍ਵਤੀ ਸ੍ਤੋਤ੍ਰਮ੍
• tamilஶ்ரீ ஸரஸ்வதீ ஸ்தோத்ரம்
• teluguశ్రీ సరస్వతీ స్తోత్రం
• kannadaಶ್ರೀ ಸರಸ್ವತೀ ಸ್ತೋತ್ರಂ
• malayalamശ്രീ സരസ്വതീ സ്തോത്രം

Found a Mistake or Error? Report it Now