|| সর্প সূক্তম্ ||
নমো॑ অস্তু স॒র্পেভ্যো॒ যে কে চ॑ পৃথি॒বী মনু॑ ।
যে অং॒তরি॑ক্ষে॒ যে দি॒বি তেভ্যঃ॑ স॒র্পেভ্যো॒ নমঃ॑ ।
যে॑ঽদো রো॑চ॒নে দি॒বো যে বা॒ সূর্য॑স্য র॒শ্মিষু॑ ।
যেষা॑ম॒প্সু সদঃ॑ কৃ॒তং তেভ্যঃ॑ স॒র্পেভ্যো॒ নমঃ॑ ।
যা ইষ॑বো যাতু॒ধানা॑নাং॒-যেঁ বা॒ বন॒স্পতী॒গ্ম্॒ রনু॑ ।
যে বা॑ঽব॒টেষু॒ শের॑তে॒ তেভ্যঃ॑ স॒র্পেভ্যো॒ নমঃ॑ ।
ই॒দগ্ম্ স॒র্পেভ্যো॑ হ॒বির॑স্তু॒ জুষ্টম্᳚ ।
আ॒শ্রে॒ষা যেষা॑মনু॒যংতি॒ চেতঃ॑ ।
যে অং॒তরি॑ক্ষং পৃথি॒বীং ক্ষি॒যংতি॑ ।
তে ন॑স্স॒র্পাসো॒ হব॒মাগ॑মিষ্ঠাঃ ।
যে রো॑চ॒নে সূর্য॒স্যাপি॑ স॒র্পাঃ ।
যে দিবং॑ দে॒বীমনু॑স॒ন্চরং॑তি ।
যেষা॑মাশ্রে॒ষা অ॑নু॒যংতি॒ কামম্᳚ ।
তেভ্য॑স্স॒র্পেভ্যো॒ মধু॑মজ্জুহোমি ॥ 2 ॥
নি॒ঘৃষ্বৈ॑রস॒মাযু॑তৈঃ ।
কালৈর্হরিত্ব॑মাপ॒ন্নৈঃ ।
ইংদ্রাযা॑হি স॒হস্র॑যুক্ ।
অ॒গ্নির্বি॒ভ্রাষ্টি॑বসনঃ ।
বা॒যুশ্বেত॑সিকদ্রু॒কঃ ।
সং॒বঁ॒থ্স॒রো বি॑ষূ॒বর্ণৈঃ᳚ ।
নিত্যা॒স্তেঽনুচ॑রাস্ত॒ব ।
সুব্রহ্মণ্যোগ্ম্ সুব্রহ্মণ্যোগ্ম্ সু॑ব্রহ্মণ্যোগ্ম্ ॥ 3 ॥
ওং শাংতিঃ শাংতিঃ শাংতিঃ ॥
Found a Mistake or Error? Report it Now
