ശങ്കരാചാര്യ കരാവലംബ സ്തോത്രം PDF മലയാളം

ശങ്കരാചാര്യ കരാവലംബ സ്തോത്രം മലയാളം Lyrics

|| ശങ്കരാചാര്യ കരാവലംബ സ്തോത്രം ||

ഓമിത്യശേഷവിബുധാഃ ശിരസാ യദാജ്ഞാം
സംബിഭ്രതേ സുമമയീമിവ നവ്യമാലാം.

ഓങ്കാരജാപരതലഭ്യപദാബ്ജ സ ത്വം
ശ്രീശങ്കരാര്യ മമ ദേഹി കരാവലംബം|

നമ്രാലിഹൃത്തിമിരചണ്ഡമയൂഖമാലിൻ
കമ്രസ്മിതാപഹൃതകുന്ദസുധാംശുദർപ.

സമ്രാട യദീയദയയാ പ്രഭവേദ്ദരിദ്രഃ
ശ്രീശങ്കരാര്യ മമ ദേഹി കരാവലംബം|

മസ്തേ ദുരക്ഷരതതിർലിഖിതാ വിധാത്രാ
ജാഗർതു സാധ്വസലവോഽപി ന മേഽസ്തി തസ്യാഃ.

ലുമ്പാമി തേ കരുണയാ കരുണാംബുധേ താം
ശ്രീശങ്കരാര്യ മമ ദേഹി കരാവലംബം|

ശമ്പാലതാസദൃശഭാസ്വരദേഹയുക്ത
സമ്പാദയാമ്യഖിലശാസ്ത്രധിയം കദാ വാ.

ശങ്കാനിവാരണപടോ നമതാം നരാണാം
ശ്രീശങ്കരാര്യ മമ ദേഹി കരാവലംബം|

കന്ദർപദർപദലനം കിതവൈരഗമ്യം
കാരുണ്യജന്മഭവനം കൃതസർവരക്ഷം.

കീനാശഭീതിഹരണം ശ്രിതവാനഹം ത്വാം
ശ്രീശങ്കരാര്യ മമ ദേഹി കരാവലംബം|

രാകാസുധാകരസമാനമുഖപ്രസർപ-
ദ്വേദാന്തവാക്യസുധയാ ഭവതാപതപ്തം.

സംസിച്യ മാം കരുണയാ ഗുരുരാജ ശീഘ്രം
ശ്രീശങ്കരാര്യ മമ ദേഹി കരാവലംബം|

യത്നം വിനാ മധുസുധാസുരദീർഘികാവ-
ധീരിണ്യ ആശു വൃണതേ സ്വയമേവ വാചഃ.

തം ത്വത്പദാബ്ജയുഗലം ബിഭൃതേ ഹൃദാ യഃ
ശ്രീശങ്കരാര്യ മമ ദേഹി കരാവലംബം|

വിക്രീതാ മധുനാ നിജാ മധുരതാ ദത്താ മുദാ ദ്രാക്ഷയാ
ക്ഷീരൈഃ പാത്രധിയാഽർപിതാ യുധി ജിതാല്ലബ്ധാ ബലാദിക്ഷുതഃ.

ന്യസ്താ ചോരഭയേന ഹന്ത സുധയാ യസ്മാദതസ്തദ്ഗിരാം
മാധുര്യസ്യ സമൃദ്ധിരദ്ഭുതതരാ നാന്യത്ര സാ വീക്ഷ്യതേ.