ಶಾರದಾ ಸ್ತುತಿ

|| ಶಾರದಾ ಸ್ತುತಿ ||

ಅಚಲಾಂ ಸುರವರದಾ ಚಿರಸುಖದಾಂ ಜನಜಯದಾಂ .

ವಿಮಲಾಂ ಪದನಿಪುಣಾಂ ಪರಗುಣದಾಂ ಪ್ರಿಯದಿವಿಜಾಂ .

ಶಾರದಾಂ ಸರ್ವದಾ ಭಜೇ ಶಾರದಾಂ .

ಸುಜಪಾಸುಮಸದೃಶಾಂ ತನುಮೃದುಲಾಂ ನರಮತಿದಾಂ .

ಮಹತೀಪ್ರಿಯಧವಲಾಂ ನೃಪವರದಾಂ ಪ್ರಿಯಧನದಾಂ .

ಶಾರದಾಂ ಸರ್ವದಾ ಭಜೇ ಶಾರದಾಂ .

ಸರಸೀರುಹನಿಲಯಾಂ ಮಣಿವಲಯಾಂ ರಸವಿಲಯಾಂ .

ಶರಣಾಗತವರಣಾಂ ಸಮತಪನಾಂ ವರಧಿಷಣಾಂ .

ಶಾರದಾಂ ಸರ್ವದಾ ಭಜೇ ಶಾರದಾಂ .

ಸುರಚರ್ಚಿತಸಗುಣಾಂ ವರಸುಗುಣಾಂ ಶ್ರುತಿಗಹನಾಂ .

ಬುಧಮೋದಿತಹೃದಯಾಂ ಶ್ರಿತಸದಯಾಂ ತಿಮಿರಹರಾಂ .

ಶಾರದಾಂ ಸರ್ವದಾ ಭಜೇ ಶಾರದಾಂ .

ಕಮಲೋದ್ಭವವರಣಾಂ ರಸರಸಿಕಾಂ ಕವಿರಸದಾಂ .

ಮುನಿದೈವತವಚಾ ಸ್ಮೃತಿವಿನುತಾಂ ವಸುವಿಸೃತಾಂ .

ಶಾರದಾಂ ಸರ್ವದಾ ಭಜೇ ಶಾರದಾಂ .

ಯ ಇಮಂ ಸ್ತವಮನಿಶಂ ಭುವಿ ಕಥಯೇದಥ ಮತಿಮಾನ್ .

ಲಭತೇ ಸ ತು ಸತತಂ ಮತಿಮಪರಾಂ ಶ್ರುತಿಜನಿತಾಂ .

ಶಾರದಾಂ ಸರ್ವದಾ ಭಜೇ ಶಾರದಾಂ .

Found a Mistake or Error? Report it Now