ശിവാഷ്ടകമ് (Shiv Ashtakam Malayalam)

പ്രഭും പ്രാണനാഥം
വിഭും വിശ്വനാഥം
ജഗന്നാഥ നാഥം
സദാനംദ ഭാജാമ് ।
ഭവദ്ഭവ്യ ഭൂതേശ്വരം
ഭൂതനാഥം,
ശിവം ശംകരം
ശംഭു മീശാനമീഡേ ॥

ഗലേ രുംഡമാലം
തനൌ സര്പജാലം
മഹാകാല കാലം
ഗണേശാദി പാലമ് ।
ജടാജൂട ഗംഗോ-
ത്തരംഗൈര്വിശാലം,
ശിവം ശംകരം
ശംഭു മീശാനമീഡേ ॥

മുദാമാകരം മംഡനം
മംഡയംതം
മഹാ മംഡലം ഭസ്മ
ഭൂഷാധരം തമ് ।
അനാദിം ഹ്യപാരം
മഹാ മോഹമാരം,
ശിവം ശംകരം
ശംഭു മീശാനമീഡേ ॥

വടാധോ നിവാസം
മഹാട്ടാട്ടഹാസം
മഹാപാപ നാശം
സദാ സുപ്രകാശമ് ।
ഗിരീശം ഗണേശം
സുരേശം മഹേശം,
ശിവം ശംകരം
ശംഭു മീശാനമീഡേ ॥

ഗിരീംദ്രാത്മജാ
സംഗൃഹീതാര്ധദേഹം
ഗിരൌ സംസ്ഥിതം
സര്വദാപന്ന ഗേഹമ് ।
പരബ്രഹ്മ
ബ്രഹ്മാദിഭിര്-വംദ്യമാനം,
ശിവം ശംകരം
ശംഭു മീശാനമീഡേ ॥

കപാലം ത്രിശൂലം
കരാഭ്യാം ദധാനം
പദാംഭോജ നമ്രായ
കാമം ദദാനമ് ।
ബലീവര്ധമാനം
സുരാണാം പ്രധാനം,
ശിവം ശംകരം
ശംഭു മീശാനമീഡേ ॥

ശരച്ചംദ്ര ഗാത്രം
ഗണാനംദപാത്രം
ത്രിനേത്രം പവിത്രം
ധനേശസ്യ മിത്രമ് ।
അപര്ണാ കലത്രം
സദാ സച്ചരിത്രം,
ശിവം ശംകരം
ശംഭു മീശാനമീഡേ ॥

ഹരം സര്പഹാരം
ചിതാ ഭൂവിഹാരം
ഭവം വേദസാരം
സദാ നിര്വികാരം।
ശ്മശാനേ വസംതം
മനോജം ദഹംതം,
ശിവം ശംകരം
ശംഭു മീശാനമീഡേ ॥

സ്വയം യഃ പ്രഭാതേ
നരശ്ശൂല പാണേ
പഠേത് സ്തോത്രരത്നം
ത്വിഹപ്രാപ്യരത്നമ് ।
സുപുത്രം സുധാന്യം
സുമിത്രം കലത്രം
വിചിത്രൈസ്സമാരാധ്യ
മോക്ഷം പ്രയാതി ॥

Read in More Languages:

Found a Mistake or Error? Report it Now

ശിവാഷ്ടകമ്