|| Aarti ||
Tera Adbhut Rup Nirala,
Aaja Meri Naina Maayi Ye.
Tujhpe Tan Man Dhan Sab Warun,
Aaja Meri Naina Maayi Ye.
Sundar Bhavan Banaya Tera,
Teri Shobha Nyaari.
Nike Nike Khambhe Laage,
Adbhut Chitra Kaari,
Tera Rang Biranga Dwara.
Aaja Meri Naina Maayi Ye.
Jhanjha Aur Mirdanga Baaje,
Aur Baaje Shahnaayi.
Turai Nagada Dholak Baaje,
Tabla Shabt Sunaayi.
Tere Dware naubat Baaje.
Aaja Meri Naina Maayi Ye.
Pila Chola Jarad Kinari,
Laal Dhwaja Fehraaye.
Sir Lalon Da Mukut Viraje,
Nigaah Nahi Thahraaye.
Tera Rup Na Warna Jaaye.
Aaja Meri Naina Maayi Ye.
Paan Supaari Dhwaja,
Naariyal Bhent Tihari Laage.
Baalak Budhe Nar Naari Ki,
Bheed Khadi Tere Aage.
Teri Jai Jaikar Manaawe.
Aaja Meri Naina Maayi Ye.
Koi Gaaye Koi Bajaye,
Koi Dhyan Lagaaye.
Koi Baitha Tere Aangan Me.
Naam Ki Ter Sunaaye.
Koi Nritya Kare Tere Aage.
Aaja Meri Naina Maayi Ye.
Koi Maange Beta Beti,
Kisi Ko Kanchan Maya.
Koi Maange Jiwan Saathi,
Koi Sundar Kaya.
Bhakton Kirpa Teri Maange.
Aaja Meri Naina Maayi Ye.
Found a Mistake or Error? Report it Now
