శుక్ర కవచం PDF తెలుగు

శుక్ర కవచం తెలుగు Lyrics

|| శుక్ర కవచం (Shukra Kavacham PDF) ||

ధ్యానం

మృణాలకుందేందుపయోజసుప్రభం
పీతాంబరం ప్రసృతమక్షమాలినమ్ ।
సమస్తశాస్త్రార్థవిధిం మహాంతం
ధ్యాయేత్కవిం వాంఛితమర్థసిద్ధయే ॥ 1 ॥

అథ శుక్రకవచం

శిరో మే భార్గవః పాతు భాలం పాతు గ్రహాధిపః ।
నేత్రే దైత్యగురుః పాతు శ్రోత్రే మే చందనద్యుతిః ॥ 2 ॥

పాతు మే నాసికాం కావ్యో వదనం దైత్యవందితః ।
వచనం చోశనాః పాతు కంఠం శ్రీకంఠభక్తిమాన్ ॥ 3 ॥

భుజౌ తేజోనిధిః పాతు కుక్షిం పాతు మనోవ్రజః ।
నాభిం భృగుసుతః పాతు మధ్యం పాతు మహీప్రియః ॥ 4 ॥

కటిం మే పాతు విశ్వాత్మా ఉరూ మే సురపూజితః ।
జానుం జాడ్యహరః పాతు జంఘే జ్ఞానవతాం వరః ॥ 5 ॥

గుల్ఫౌ గుణనిధిః పాతు పాతు పాదౌ వరాంబరః ।
సర్వాణ్యంగాని మే పాతు స్వర్ణమాలాపరిష్కృతః ॥ 6 ॥

ఫలశ్రుతిః

య ఇదం కవచం దివ్యం పఠతి శ్రద్ధయాన్వితః ।
న తస్య జాయతే పీడా భార్గవస్య ప్రసాదతః ॥ 7 ॥