ஶ்ரீ அம்பா³ பம்சரத்ந ஸ்தோத்ரம்

|| ஶ்ரீ அம்பா³ பம்சரத்ந ஸ்தோத்ரம் ||

அம்பா³ஶம்ப³ரவைரிதாதப⁴கி³நீ ஶ்ரீசந்த்³ரபி³ம்பா³நநா
பி³ம்போ³ஷ்டீ² ஸ்மிதபா⁴ஷிணீ ஶுப⁴கரீ காத³ம்ப³வாட்யாஶ்ரிதா ।
ஹ்ரீங்காராக்ஷரமந்த்ரமத்⁴யஸுப⁴கா³ ஶ்ரோணீநிதம்பா³ங்கிதா
மாமம்பா³புரவாஸிநீ ப⁴க³வதீ ஹேரம்ப³மாதாவது ॥ 1 ॥

கல்யாணீ கமநீயஸுந்த³ரவபு꞉ காத்யாயநீ காளிகா
காலா ஶ்யாமளமேசகத்³யுதிமதீ காதி³த்ரிபஞ்சாக்ஷரீ ।
காமாக்ஷீ கருணாநிதி⁴꞉ கலிமலாரண்யாதிதா³வாநலா
மாமம்பா³புரவாஸிநீ ப⁴க³வதீ ஹேரம்ப³மாதாவது ॥ 2 ॥

காஞ்சீகங்கணஹாரகுண்ட³லவதீ கோடீகிரீடாந்விதா
கந்த³ர்பத்³யுதிகோடிகோடிஸத³நா பீயூஷகும்ப⁴ஸ்தநா ।
கௌஸும்பா⁴ருணகாஞ்சநாம்ப³ரவ்ருதா கைலாஸவாஸப்ரியா
மாமம்பா³புரவாஸிநீ ப⁴க³வதீ ஹேரம்ப³மாதாவது ॥ 3 ॥

யா ஸா ஶும்ப⁴நிஶும்ப⁴தை³த்யஶமநீ யா ரக்தபீ³ஜாஶநீ
யா ஶ்ரீ விஷ்ணுஸரோஜநேத்ரப⁴வநா யா ப்³ரஹ்மவித்³யா(ஆ)ஸநீ ।
யா தே³வீ மது⁴கைடபா⁴ஸுரரிபுர்யா மாஹிஷத்⁴வம்ஸிநீ
மாமம்பா³புரவாஸிநீ ப⁴க³வதீ ஹேரம்ப³மாதாவது ॥ 4 ॥

ஶ்ரீவித்³யா பரதே³வதா(ஆ)தி³ஜநநீ து³ர்கா³ ஜயா சண்டி³கா
பா³லா ஶ்ரீத்ரிபுரேஶ்வரீ ஶிவஸதீ ஶ்ரீராஜராஜேஶ்வரீ ।
ஶ்ரீராஜ்ஞீ ஶிவதூ³திகா ஶ்ருதிநுதா ஶ்ருங்கா³ரசூடா³மணி꞉
மாமம்பா³புரவாஸிநீ ப⁴க³வதீ ஹேரம்ப³மாதாவது ॥ 5 ॥

அம்பா³பஞ்சகமத்³பு⁴தம் பட²தி சேத்³யோ வா ப்ரபா⁴தே(அ)நிஶம்
தி³வ்யைஶ்வர்யஶதாயுருத்தமமதிம் வித்³யாம் ஶ்ரியம் ஶாஶ்வதம் ।
லப்³த்⁴வா பூ⁴மிதலே ஸ்வத⁴ர்மநிரதாம் ஶ்ரீஸுந்த³ரீம் பா⁴மிநீம்
அந்தே ஸ்வர்க³ப²லம் லபே⁴த்ஸ விபு³தை⁴꞉ ஸம்ஸ்தூயமாநோ நர꞉ ॥ 6 ॥

இதி ஶ்ரீ அம்பா³ பஞ்சரத்ந ஸ்தோத்ரம் ।

Found a Mistake or Error? Report it Now