Sri Ayyappa Shodasopachara Puja 1 PDF English

Sri Ayyappa Shodasopachara Puja 1 English Lyrics

|| Sri Ayyappa Shodasopachara Puja 1 ||

punaḥ saṅkalpam –
pūrvokta evaṃ guṇa viśeṣaṇa viśiṣṭāyāṃ śubha tithau śrī pūrṇā puṣkalāmbā sameta hariharaputra ayyappa svāminaḥ anugrahaprasāda siddhyarthaṃ puruṣasūkta sahita rudrasūkta vidhānena śrīhariharaputra ayyappa svāminaḥ prītyarthaṃ dhyāna āvāhanādi ṣoḍaśopacāra pūjāṃ kariṣye ||

prāṇapratiṣṭha –
oṃ asu̍nīte̱ puna̍ra̱smāsu̱ cakṣu̱:
puna̍: prā̱ṇami̱ha no̎ dhehi̱ bhoga̎m |
jyokpa̍śyema̱ sūrya̍mu̱ccara̎nta̱
manu̍mate mṛ̱ḍayā̎ naḥ sva̱sti |
a̱mṛta̱ṃ vai prā̱ṇā a̱mṛta̱māpa̍:
prā̱ṇāne̱va ya̍thāsthā̱namupa̍hvayate ||
āvāhito bhava sthāpito bhava |
suprasanno bhava varado bhava ||
svāmin sarvajagannātha yāvatpūjā’vasānakam |
tāvattvaṃ prītibhāvena bimbe’smin sannidhiṃ kuru ||

dhyānam –
āśyāmakomala viśālatanuṃ vicitra-
-vāsovasānamaruṇotpala vāmahastam |
uttuṅgaratnamakuṭaṃ kuṭilāgrakeśaṃ
śāstāramiṣṭavaradaṃ śaraṇaṃ prapadye ||
tejomaṇḍalamadhyagaṃ trinayanaṃ divyāmbarālaṅkṛtaṃ
devaṃ puṣpaśarekṣukārmukalasanmāṇikyapātrābhayam |
bibhrāṇaṃ karapaṅkajairmadagajaskandhādhirūḍhaṃ vibhuṃ
śāstāraṃ śaraṇaṃ vrajāmi satataṃ trailokyasammohanam ||
oṃ śrīhariharaputra ayyappa svāmine namaḥ dhyāyāmi |

āvāhanam –
sa̱hasra̍śīrṣā̱ puru̍ṣaḥ |
sa̱ha̱srā̱kṣaḥ sa̱hasra̍pāt |
sa bhūmi̍ṃ vi̱śvato̍ vṛ̱tvā |
atya̍tiṣṭhaddaśāṅgu̱lam ||
nama̍ste rudra ma̱nyava̍ u̱tota̱ iṣa̍ve̱ nama̍: |
nama̍ste astu̱ dhanva̍ne bā̱hubhyā̍mu̱ta te̱ nama̍: ||
bhavodbhavaṃ śivātītaṃ bhānukoṭisamaprabham |
āvāhayāmi bhūteśaṃ bhavānīsutamuttamam ||
oṃ śrīhariharaputra ayyappa svāmine namaḥ āvāhayāmi |

āsanam –
puru̍ṣa e̱vedagṃ sarvam̎ |
yadbhū̱taṃ yacca̱ bhavyam̎ |
u̱tāmṛ̍ta̱tvasyeśā̍naḥ |
ya̱danne̍nāti̱roha̍ti ||
yā ta̱ iṣu̍: śi̱vata̍mā śi̱vaṃ ba̱bhūva̍ te̱ dhanu̍: |
śi̱vā śa̍ra̱vyā̍ yā tava̱ tayā̍ no rudra mṛḍaya ||
anekahārasamyuktaṃ nānāmaṇivirājitam |
ratnasiṃhāsanaṃ deva prītyarthaṃ pratigṛhyatām ||
oṃ śrīhariharaputra ayyappa svāmine namaḥ āsanaṃ samarpayāmi |

pādyam –
e̱tāvā̍nasya mahi̱mā |
ato̱ jyāyāg̍śca̱ pūru̍ṣaḥ |
pādo̎’sya̱ viśvā̍ bhū̱tāni̍ |
tri̱pāda̍syā̱mṛta̍ṃ di̱vi ||
yā te̍ rudra śi̱vā ta̱nūragho̱rā’pā̍pakāśinī |
tayā̍ nasta̱nuvā̱ śanta̍mayā̱ giri̍śantā̱bhicā̍kaśīhi ||
bhūtanātha namaste’stu narakārṇavatāraka |
pādyaṃ gṛhāṇa deveśa mama saukhyaṃ vivardhaya ||
oṃ śrīhariharaputra ayyappa svāmine namaḥ pādayoḥ pādyaṃ samarpayāmi |

arghyam –
tri̱pādū̱rdhva udai̱tpuru̍ṣaḥ |
pādo̎’sye̱hā”bha̍vā̱tpuna̍: |
tato̱ viṣva̱ṅvya̍krāmat |
sā̱śa̱nā̱na̱śa̱ne a̱bhi ||
yāmiṣu̍ṃ giriśanta̱ haste̱ bibha̱rṣyasta̍ve |
śi̱vāṃ gi̍ritra̱ tāṃ ku̍ru̱ mā hig̍ṃsī̱: puru̍ṣa̱ṃ jaga̍t ||
jyeṣṭharūpa namastubhyaṃ bhasmoddhūlitavigraham |
jaitrayātravibhūta tvaṃ gṛhāṇārghyaṃ mayārpitam ||
oṃ śrīhariharaputra ayyappa svāmine namaḥ hastayoḥ arghyaṃ samarpayāmi |

ācamanīyam –
tasmā̎dvi̱rāḍa̍jāyata |
vi̱rājo̱ adhi̱ pūru̍ṣaḥ |
sa jā̱to atya̍ricyata |
pa̱ścādbhūmi̱matho̍ pu̱raḥ ||
śi̱vena̱ vaca̍sā tvā̱ giri̱śācchā̍ vadāmasi |
yathā̍ na̱: sarva̱mijjaga̍daya̱kṣmagṃ su̱manā̱ asa̍t ||
janārdanāya devāya samastajagadātmane |
nirmalajñānarūpāya gṛhāṇācamanaṃ vibho ||
oṃ śrīhariharaputra ayyappa svāmine namaḥ mukhe ācamanaṃ samarpayāmi |

pañcāmṛta snānam –
oṃ śrī hariharaputrāya namaḥ kṣīreṇa snapayāmi |
oṃ śrī hariharaputrāya namaḥ dadhyena snapayāmi |
oṃ śrī hariharaputrāya namaḥ ājyena snapayāmi |
oṃ śrī hariharaputrāya namaḥ madhunā snapayāmi |
oṃ śrī hariharaputrāya namaḥ ikṣurasena snapayāmi |
oṃ śrī hariharaputrāya namaḥ nārikela jalena snapayāmi |
oṃ śrī hariharaputrāya namaḥ saugandhikā jalena snapayāmi |
oṃ śrī hariharaputrāya namaḥ karpūrikā jalena snapayāmi |
oṃ śrī hariharaputrāya namaḥ gaṅgā jalena snapayāmi |

śuddhodaka snānam –
yatpuru̍ṣeṇa ha̱viṣā̎ |
de̱vā ya̱jñamata̍nvata |
va̱sa̱nto a̍syāsī̱dājyam̎ |
grī̱ṣma i̱dhmaśśa̱raddha̱viḥ ||
adhya̍vocadadhiva̱ktā pra̍tha̱mo daivyo̍ bhi̱ṣak |
ahīgg̍śca̱ sarvā̎ñja̱mbhaya̱ntsarvā̎śca yātudhā̱nya̍: ||
tīrthodakaiḥ kāñcanakumbhasaṃsthaiḥ
suvāsitaiḥ devakṛpārasārdraiḥ |
mayārpitaṃ snānavidhiṃ gṛhāṇa
pādābjaniṣṭhyūtanadīpravāhaḥ ||
oṃ śrīhariharaputra ayyappa svāmine namaḥ śuddhodaka snānaṃ samarpayāmi |
snānānantaraṃ śuddhācamanīyaṃ samarpayāmi |

vastram –
sa̱ptāsyā̍sanpari̱dhaya̍: |
triḥ sa̱pta sa̱midha̍: kṛ̱tāḥ |
de̱vā yadya̱jñaṃ ta̍nvā̱nāḥ |
aba̍dhna̱npuru̍ṣaṃ pa̱śum ||
a̱sau yastā̱mro a̍ru̱ṇa u̱ta ba̱bhruḥ su̍ma̱ṅgala̍: |
ye ce̱māgṃ ru̱drā a̱bhito̍ di̱kṣu śri̱tāḥ sa̍hasra̱śo’vai̍ṣā̱g̱ṃ heḍa̍ īmahe ||
vidyudvilāsaramyena svarṇavastreṇasamyutam |
vastrayugmaṃ gṛhāṇedaṃ bhaktyā dattaṃ mayā prabho ||
oṃ śrīhariharaputra ayyappa svāmine namaḥ vastrayugmaṃ samarpayāmi |

upavītam –
taṃ ya̱jñaṃ ba̱rhiṣi̱ praukṣan̍ |
puru̍ṣaṃ jā̱tama̍gra̱taḥ |
tena̍ de̱vā aya̍janta |
sā̱dhyā ṛṣa̍yaśca̱ ye ||
a̱sau yo̍​’va̱sarpa̍ti̱ nīla̍grīvo̱ vilo̍hitaḥ |
u̱taina̍ṃ go̱pā a̍dṛśa̱nnadṛ̍śannudahā̱rya̍: |
u̱taina̱ṃ viśvā̍ bhū̱tāni̱ sa dṛ̱ṣṭo mṛ̍ḍayāti naḥ ||
rājitaṃ brahmasūtraṃ ca kāñcanaṃ uttarīyakam |
upavītaṃ gṛhāṇedaṃ bhaktyā dattaṃ mayā prabho ||
oṃ śrīhariharaputra ayyappa svāmine namaḥ yajñopavītaṃ samarpayāmi |

gandham –
tasmā̎dya̱jñātsa̍rva̱huta̍: |
sambhṛ̍taṃ pṛṣadā̱jyam |
pa̱śūgstāgśca̍kre vāya̱vyān̍ |
ā̱ra̱ṇyāngrā̱myāśca̱ ye ||
namo̍ astu̱ nīla̍grīvāya sahasrā̱kṣāya̍ mī̱ḍhuṣe̎ |
atho̱ ye a̍sya̱ sattvā̍no̱’haṃ tebhyo̍​’kara̱ṃ nama̍: ||
sarvabhūtapramathana sarvajña sakalodbhava |
sarvātman sarvabhūteśa sugandhaṃ sagṛhāṇa bhoḥ ||
oṃ śrīhariharaputra ayyappa svāmine namaḥ divyaśrīcandanaṃ samarpayāmi |

ābharaṇam –
tasmā̎dya̱jñātsa̍rva̱huta̍: |
ṛca̱: sāmā̍ni jajñire |
chandāg̍ṃsi jajñire̱ tasmā̎t |
yaju̱stasmā̍dajāyata ||
pra mu̍ñca̱ dhanva̍na̱stvamu̱bhayo̱rārtni̍yo̱rjyām |
yāśca̍ te̱ hasta̱ iṣa̍va̱: parā̱ tā bha̍gavo vapa ||
hiraṇyahārakeyūra graiveyamaṇikaṅkaṇaiḥ |
suhāraṃ bhūṣaṇairyuktaṃ gṛhāṇa puruṣottama ||
oṃ śrīhariharaputra ayyappa svāmine namaḥ ābharaṇaṃ samarpayāmi |

akṣatān –
akṣatān dhavalān divyān śālīyāṃstaṇḍulān śubhān |
haridrāmiśritān tubhyaṃ gṛhāṇāsurasaṃhara ||
oṃ śrīhariharaputra ayyappa svāmine namaḥ akṣatān samarpayāmi |

puṣpam –
tasmā̱daśvā̍ ajāyanta |
ye ke co̍bha̱yāda̍taḥ |
gāvo̍ ha jajñire̱ tasmā̎t |
tasmā̎jjā̱tā a̍jā̱vaya̍: ||
a̱va̱tatya̱ dhanu̱stvagṃ saha̍srākṣa̱ śate̍ṣudhe |
ni̱śīrya̍ śa̱lyānā̱ṃ mukhā̍ śi̱vo na̍: su̱manā̍ bhava ||
aghoraparamaprakhya acintyāvyaktalakṣaṇa |
anantādityasaṅkāśaṃ puṣpāṇi pratigṛhyatām ||
oṃ śrīhariharaputra ayyappa svāmine namaḥ puṣpāṇi samarpayāmi |

aṅgapūjā –
oṃ dharmaśāstre namaḥ – pādau pūjayāmi |
oṃ śilpaśāstre namaḥ – gulphau pūjayāmi |
oṃ vīraśāstre namaḥ – jaṅghe pūjayāmi |
oṃ yogaśāstre namaḥ – jānunīṃ pūjayāmi |
oṃ mahāśāstre namaḥ – ūrūṃ pūjayāmi |
oṃ brahmaśāstre namaḥ – kaṭiṃ pūjayāmi |
oṃ kālaśāstre namaḥ – guhyaṃ pūjayāmi |
oṃ śabarigirīśāya namaḥ – meḍhraṃ pūjayāmi |
oṃ satyarūpāya namaḥ – nābhiṃ pūjayāmi |
oṃ maṇikaṇṭhāya namaḥ – udaraṃ pūjayāmi |
oṃ viṣṇutanayāya namaḥ – vakṣasthalaṃ pūjayāmi |
oṃ śivaputrāya namaḥ – pārśvau pūjayāmi |
oṃ hariharaputrāya namaḥ – hṛdayaṃ pūjayāmi |
oṃ trinetrāya namaḥ – kaṇṭhaṃ pūjayāmi |
oṃ oṅkārarūpāya namaḥ – stanau pūjayāmi |
oṃ varadahastāya namaḥ – hastān pūjayāmi |
oṃ bhīmāya namaḥ – bāhūn pūjayāmi |
oṃ tejasvine namaḥ – mukhaṃ pūjayāmi |
oṃ aṣṭamūrtaye namaḥ – dantān pūjayāmi |
oṃ śubhavīkṣaṇāya namaḥ – netrau pūjayāmi |
oṃ komalāṅgāya namaḥ – karṇau pūjayāmi |
oṃ pāpavināśāya namaḥ – lalāṭaṃ pūjayāmi |
oṃ śatrunāśāya namaḥ – nāsikāṃ pūjayāmi |
oṃ putralābhāya namaḥ – cubukaṃ pūjayāmi |
oṃ gajādhipāya namaḥ – oṣṭhau pūjayāmi |
oṃ hariharātmajāya namaḥ – gaṇḍasthalaṃ pūjayāmi |
oṃ gaṇeśapūjyāya namaḥ – kavacān pūjayāmi |
oṃ cidrūpāya namaḥ – śiraḥ pūjayāmi |
oṃ sarveśāya namaḥ – sarvāṇyaṅgāni pūjayāmi |

aṣṭottaraśatanāmāvalī –

śrī ayyappa aṣṭottaraśatanāmāvalī paśyatu ||

dhūpam –
yatpuru̍ṣa̱ṃ vya̍dadhuḥ |
ka̱ti̱dhā vya̍kalpayan |
mukha̱ṃ kima̍sya̱ kau bā̱hū |
kāvū̱rū pādā̍vucyete ||
vijya̱ṃ dhanu̍: kapa̱rdino̱ viśa̍lyo̱ bāṇa̍vāgṃ u̱ta |
ane̍śanna̱syeṣa̍va ā̱bhura̍sya niṣa̱ṅgathi̍: ||
dhūpaṃ nānāparimalaṃ yakṣakardamamiśritam |
daśāṅgadravyasamyuktaṃ aṅgīkuru mayārpitam ||
oṃ śrīhariharaputra ayyappa svāmine namaḥ dhūpaṃ āghrāpayāmi |

dīpam –
brā̱hma̱ṇo̎’sya̱ mukha̍māsīt |
bā̱hū rā̍ja̱nya̍: kṛ̱taḥ |
ū̱rū tada̍sya̱ yadvaiśya̍: |
pa̱dbhyāgṃ śū̱dro a̍jāyata ||
yā te̍ he̱tirmī̍ḍhuṣṭama̱ haste̍ ba̱bhūva̍ te̱ dhanu̍: |
tayā̱’smān vi̱śvata̱stvama̍ya̱kṣmayā̱ pari̍bbhuja ||
ghṛtavartisamāyuktaṃ vahninā yojitaṃ priyam |
dīpaṃ gṛhāṇa deveśa trailokyatimirāpaham ||
oṃ śrīhariharaputra ayyappa svāmine namaḥ dīpaṃ darśayāmi |
dhūpa dīpānantaraṃ śuddhācamanīyaṃ samarpayāmi |

naivedyam –
ca̱ndramā̱ mana̍so jā̱taḥ |
cakṣo̱: sūryo̍ ajāyata |
mukhā̱dindra̍ścā̱gniśca̍ |
prā̱ṇādvā̱yura̍jāyata ||
nama̍ste a̱stvāyu̍dhā̱yānā̍tatāya dhṛ̱ṣṇave̎ |
u̱bhābhyā̍mu̱ta te̱ namo̍ bā̱hubhyā̱ṃ tava̱ dhanva̍ne ||
sugandhān sukṛtāṃścaiva modakān ghṛta pācitān |
naivedyaṃ gṛhyatāṃ deva caṇamudgaiḥ prakalpitān ||
bhakṣyaṃ bhojyaṃ ca lehyaṃ ca coṣyaṃ pānīyameva ca |
idaṃ gṛhāṇa naivedyaṃ mayā dattaṃ mahāprabho ||
oṃ śrīhariharaputra ayyappa svāmine namaḥ naivedyaṃ samarpayāmi |

oṃ bhūrbhuva̱ssuva̍: | tatsa̍vi̱turvare̎ṇya̱ṃ bhargo̍ de̱vasya̍ dhīmahi |
dhiyo̱ yo na̍: praco̱dayā̎t ||

satyaṃ tvā ṛtena pariṣiñcāmi |
(sāyaṅkāle – ṛtaṃ tvā satyena pariṣiñcāmi)
amṛtamastu | a̱mṛ̱to̱pa̱stara̍ṇamasi |
oṃ prā̱ṇāya̱ svāhā̎ | oṃ a̱pā̱nāya̱ svāhā̎ |
oṃ vyā̱nāya̱ svāhā̎ | oṃ u̱dā̱nāya̱ svāhā̎ |
oṃ sa̱mā̱nāya̱ svāhā̎ |
madhye madhye pānīyaṃ samarpayāmi |
a̱mṛ̱tā̱pi̱dhā̱nama̍si | uttarāpośanaṃ samarpayāmi |
hastau prakṣālayāmi | pādau prakṣālayāmi |
śuddhācamanīyaṃ samarpayāmi |

tāmbūlam –
nābhyā̍ āsīda̱ntari̍kṣam |
śī̱rṣṇo dyauḥ sama̍vartata |
pa̱dbhyāṃ bhūmi̱rdiśa̱: śrotrā̎t |
tathā̍ lo̱kāgṃ a̍kalpayan ||
pari̍ te̱ dhanva̍no he̱tira̱smānvṛ̍ṇaktu vi̱śvata̍: |
atho̱ ya i̍ṣu̱dhistavā̱re a̱smanni dhe̍hi̱ tam ||
pūgīphalaiḥ sakarpūraiḥ nāgavallīdalairyutam |
muktācūrṇasamāyuktaṃ tāmbūlaṃ pratigṛhyatām ||
oṃ śrīhariharaputra ayyappa svāmine namaḥ tāmbūlaṃ samarpayāmi |

nīrājanam –
vedā̱hame̱taṃ puru̍ṣaṃ ma̱hānta̎m |
ā̱di̱tyava̍rṇa̱ṃ tama̍sa̱stu pā̱re |
sarvā̍ṇi rū̱pāṇi̍ vi̱citya̱ dhīra̍: |
nāmā̍ni kṛ̱tvā’bhi̱vada̱ṉ yadāste̎ ||
nama̍ste astu bhagavanviśveśva̱rāya̍ mahāde̱vāya̍
tryamba̱kāya̍ tripurānta̱kāya̍ trikāgnikā̱lāya̍
kālāgniru̱drāya̍ nīlaka̱ṇṭhāya̍ mṛtyuñja̱yāya̍
sarveśva̱rāya̍ sadāśi̱vāya̍ śrīmanmahāde̱vāya̱ nama̍: ||
caturvartisamāyuktaṃ ghṛtena ca supūritam |
nīrājanaṃ gṛhāṇedaṃ bhūtanātha jagatpate ||
oṃ śrīhariharaputra ayyappa svāmine namaḥ nīrājanaṃ samarpayāmi |
nīrajanānantaraṃ śuddhācamanīyaṃ samarpayāmi |

mantrapuṣpam –
dhā̱tā pu̱rastā̱dyamu̍dāja̱hāra̍ |
śa̱kraḥ pravi̱dvānpra̱diśa̱ścata̍sraḥ |
tame̱vaṃ vi̱dvāna̱mṛta̍ i̱ha bha̍vati |
nānyaḥ panthā̱ aya̍nāya vidyate ||
yo ru̱dro a̱gnau yo a̱psu ya oṣa̍dhīṣu̱ yo ru̱dro
viśvā̱bhuva̍nā”vi̱veśa̱ tasmai̍ ru̱drāya̱ namo̍ astu ||
oṃ hrīṃ hariharaputrāya putralābhāya śatrunāśāya madagajavāhāya mahāśāstre namaḥ |
oṃ bhūtanāthāya vidmahe bhavaputrāya dhīmahi |
tannaḥ śāstā pracodayāt ||
oṃ śrīhariharaputra ayyappa svāmine namaḥ mantrapuṣpaṃ samarpayāmi |

pradakṣiṇam –
yānikāni ca pāpāni janmāntarakṛtāni ca |
tāni tāni praṇaśyanti pradakṣiṇa pade pade ||
pāpo’haṃ pāpakarmā’haṃ pāpātmā pāpasambhavaḥ |
trāhi māṃ kṛpayā deva śaraṇāgatavatsala ||
anyadhā śaraṇaṃ nāsti tvameva śaraṇaṃ mama |
tasmātkāruṇya bhāvena rakṣa hariharātmajā ||
oṃ śrīhariharaputra ayyappa svāmine namaḥ pradakṣiṇa namaskārān samarpayāmi |

namaskāram –
oṃ ratnābhaṃ suprasannaṃ śaśidharamakuṭaṃ ratnabhūṣābhirāmaṃ
śūlakelaṃ kapālaṃ śaramusaladhanurbāhu saṅketadhāram |
mattebhārūḍhaṃ ādyaṃ hariharatanayaṃ komalāṅgaṃ dayāluṃ
viśveśaṃ bhaktavandyaṃ śatajanavaradaṃ grāmapālaṃ namāmi ||

śaraṇu ghoṣa –

śrī ayyappa śaraṇughoṣa paśyatu ||

śaraṇu prārthana –

|| svāmiye śaraṇaṃ ayyappa ||

bhūtanātha sadānanda sarvabhūtadayāparā |
rakṣa rakṣa mahābāho śāstāraṃ praṇamāmyaham || 1 ||
oṃ śrī svāmiye śaraṇaṃ ayyappa ||

lokavīraṃ mahāpūjyaṃ sarvarakṣākaraṃ vibhum |
pārvatī hṛdayānandaṃ śāstāraṃ praṇamāmyaham || 2 ||
oṃ śrī svāmiye śaraṇaṃ ayyappa ||

viprapūjyaṃ viśvavandyaṃ viṣṇuśambhoḥ priyaṃ sutam |
kṣipraprasādanirataṃ śāstāraṃ praṇamāmyaham || 3 ||
oṃ śrī svāmiye śaraṇaṃ ayyappa ||

mattamātaṅgagamanaṃ kāruṇyāmṛtapūritam |
sarvavighnaharaṃ devaṃ śāstāraṃ praṇamāmyaham || 4 ||
oṃ śrī svāmiye śaraṇaṃ ayyappa ||

asmatkuleśvaraṃ devaṃ asmacchatru vināśanam |
asmadiṣṭapradātāraṃ śāstāraṃ praṇamāmyaham || 5 ||
oṃ śrī svāmiye śaraṇaṃ ayyappa ||

pāṇḍyeśavaṃśatilakaṃ kerale kelivigraham | [bhāratī]
ārtatrāṇaparaṃ devaṃ śāstāraṃ praṇamāmyaham || 6 ||
oṃ śrī svāmiye śaraṇaṃ ayyappa ||

pañcaratnākhyametadyo nityaṃ śuddhaḥ paṭhennaraḥ |
tasya prasanno bhagavān śāstā vasati mānase || 7 ||
oṃ śrī svāmiye śaraṇaṃ ayyappa ||

aruṇodaya saṅkāśaṃ nīlakuṇḍaladhāriṇam |
nīlāmbaradharaṃ devaṃ vande’haṃ brahmanandanam || 8 ||
oṃ śrī svāmiye śaraṇaṃ ayyappa ||

cāpabāṇaṃ vāmahaste raupyavetraṃ ca dakṣiṇe |
vilasatkuṇḍaladharaṃ devaṃ vande’haṃ viṣṇunandanam || 9 ||
oṃ śrī svāmiye śaraṇaṃ ayyappa ||

vyāghrārūḍhaṃ raktanetraṃ svarṇamālā vibhūṣaṇam |
vīrapaṭṭadharaṃ devaṃ vande’haṃ śambhunandanam || 10 ||
oṃ śrī svāmiye śaraṇaṃ ayyappa ||

kiṅkiṇyoḍhyāṇa bhūpetaṃ pūrṇacandranibhānanam |
kirātarūpa śāstāraṃ vande’haṃ pāṇḍyanandanam || 11 ||
oṃ śrī svāmiye śaraṇaṃ ayyappa ||

bhūtabhetālasaṃsevyaṃ kāñcanādri nivāsinam |
maṇikaṇṭhamiti khyātaṃ vande’haṃ śaktinandanam || 12 ||
oṃ śrī svāmiye śaraṇaṃ ayyappa ||

yasya dhanvantarī māta pitā rudrobhiṣak namaḥ |
tvaṃ śāstāramahaṃ vande mahāvaidyaṃ dayānidhim || 13 ||
oṃ śrī svāmiye śaraṇaṃ ayyappa ||

śabari parvate pūjyaṃ śāntamānasasaṃsthitam |
bhaktaugha pāpahantāraṃ ayyappan praṇamāmyaham || 14 ||

smaraṇa –
svāmi śaraṇam – ayyappa śaraṇaṃ
bhagavān śaraṇam – bhagavati śaraṇaṃ
devan śaraṇam – devī śaraṇaṃ
devan pādam – devī pādaṃ
svāmi pādam – ayyappa pādaṃ
bhagavāne – bhagavatiye
īśvarane – īśvariye
devane – deviye
śaktane – śaktiye
svāmiye – ayyappo
pallikaṭṭu – śabarimalaikku
irumuḍikaṭṭu – śabarimalaikku
kattuṅkaṭṭu – śabarimalaikku
kalluṃmullum – kālikimettai
ettiviḍayyā – tūkikkaviḍayyā
dehabalandā – pādabalandā
yāraikāna – svāmiyaikāna
svāmiyaikaṇḍāl – mokṣaṅkiṭṭuṃ
svāmimāre – ayyappamāre
neyyābhiṣekam – svāmikke
karpūradīpam – svāmikke
pālābhiṣekam – svāmikke
bhasmābhiṣekam – svāmikke
tenābhiṣekam – svāmikke
candanābhiṣekam – svāmikke
pūlābhiṣekam – svāmikke
pannīrābhiṣekam – svāmikke
pambāśiśuve – ayyappā
kānanavāsā – ayyappā
śabarigirīśā – ayyappā
pandalarājā – ayyappā
pambāvāsā – ayyappā
vanpulivāhana – ayyappā
sundararūpā – ayyappā
ṣaṇmugasodara – ayyappā
mohinitanayā – ayyappā
gaṇeśasodara – ayyappā
hariharatanayā – ayyappā
anādharakṣaka – ayyappā
sadgurunāthā – ayyappā
svāmiye – ayyappo
ayyappo – svāmiye
svāmi śaraṇam – ayyappa śaraṇaṃ

maṅgalam –
śaṅkarāya śaṅkarāya śaṅkarāya maṅgalam |
śāṅkarī manoharāya śāśvatāya maṅgalam ||
guruvarāya maṅgalaṃ dattātreya maṅgalam |
rājā rāma maṅgalaṃ rāmakṛṣṇa maṅgalam ||
ayyappa maṅgalaṃ maṇikaṇṭha maṅgalam |
śabarīśa maṅgalaṃ śāstāya maṅgalam ||
maṅgalaṃ maṅgalaṃ nitya jaya maṅgalam |
maṅgalaṃ maṅgalaṃ nitya śubha maṅgalam ||

prārthana –
ariñjuṃ ariyāmaluṃ teriñjuṃ teriyāmaluṃ
nān ceyyiṃ ellāpāvaṅgalai poruttu kātturakṣikkuṃ
satyamāna ponnuṃ padineṭṭāṃ paḍiyel pasikkuṃ
villāli vīran vīramaṇikaṇṭhan kāśī rāmeśvaraṃ
pāṇḍi malayālam akkiyālaṃ
oṃ śrī harihara sutan
ānanda cittan ayyanayyappan
svāmiye śaraṇaṃ ayyappa

kṣamāprārthana –
yasya smṛtyā ca nāmoktyā tapaḥ pūjā kriyādiṣu |
nyūnaṃ sampūrṇatāṃ yāti sadyo vande tamacyutam ||
mantrahīnaṃ kriyāhīnaṃ bhaktihīnaṃ harātmaja |
yatpūjitaṃ mayā deva paripūrṇaṃ tadastu te ||

anayā dhyāna āvāhanādi ṣoḍaśopacāra pūjayā bhagavān sarvātmakaḥ hariharaputra śrī ayyappa svāmi suprīto suprasanno varado bhavatu ||

śrī ayyappa svāmi prasādaṃ śirasā gṛhṇāmi ||

udvāsanam –
ya̱jñena̍ ya̱jñama̍yajanta de̱vāḥ |
tāni̱ dharmā̍ṇi pratha̱mānyā̍san |
te ha̱ nāka̍ṃ mahi̱māna̍: sacante |
yatra̱ pūrve̍ sā̱dhyāḥ santi̍ de̱vāḥ ||
oṃ śrīhariharaputra ayyappa svāminaṃ yathāsthānaṃ praveśayāmi |

harivarāsanam – (rātri pūja anantaraṃ)

harivarāsanaṃ paśyatu ||

sarvaṃ śrī ayyappasvāmi pādārpaṇamastu |

oṃ śānti̱: śānti̱: śānti̍: ||