|| ಶ್ರೀ ಭೂತನಾಥ ಮಾನಸಾಷ್ಟಕಂ ||
ಶ್ರೀವಿಷ್ಣುಪುತ್ರಂ ಶಿವದಿವ್ಯಬಾಲಂ
ಮೋಕ್ಷಪ್ರದಂ ದಿವ್ಯಜನಾಭಿವಂದ್ಯಮ್ |
ಕೈಲಾಸನಾಥಪ್ರಣವಸ್ವರೂಪಂ
ಶ್ರೀಭೂತನಾಥಂ ಮನಸಾ ಸ್ಮರಾಮಿ || ೧ ||
ಅಜ್ಞಾನಘೋರಾಂಧಧರ್ಮಪ್ರದೀಪಂ
ಪ್ರಜ್ಞಾನದಾನಪ್ರಣವಂ ಕುಮಾರಮ್ |
ಲಕ್ಷ್ಮೀವಿಲಾಸೈಕನಿವಾಸರಂಗಂ
ಶ್ರೀಭೂತನಾಥಂ ಮನಸಾ ಸ್ಮರಾಮಿ || ೨ ||
ಲೋಕೈಕವೀರಂ ಕರುಣಾತರಂಗಂ
ಸದ್ಭಕ್ತದೃಶ್ಯಂ ಸ್ಮರವಿಸ್ಮಯಾಂಗಮ್ |
ಭಕ್ತೈಕಲಕ್ಷ್ಯಂ ಸ್ಮರಸಂಗಭಂಗಂ
ಶ್ರೀಭೂತನಾಥಂ ಮನಸಾ ಸ್ಮರಾಮಿ || ೩ ||
ಲಕ್ಷ್ಮೀ ತವ ಪ್ರೌಢಮನೋಹರಶ್ರೀ-
-ಸೌಂದರ್ಯಸರ್ವಸ್ವವಿಲಾಸರಂಗಮ್ |
ಆನಂದಸಂಪೂರ್ಣಕಟಾಕ್ಷಲೋಲಂ
ಶ್ರೀಭೂತನಾಥಂ ಮನಸಾ ಸ್ಮರಾಮಿ || ೪ ||
ಪೂರ್ಣಕಟಾಕ್ಷಪ್ರಭಯಾವಿಮಿಶ್ರಂ
ಸಂಪೂರ್ಣಸುಸ್ಮೇರವಿಚಿತ್ರವಕ್ತ್ರಮ್ |
ಮಾಯಾವಿಮೋಹಪ್ರಕರಪ್ರಣಾಶಂ
ಶ್ರೀಭೂತನಾಥಂ ಮನಸಾ ಸ್ಮರಾಮಿ || ೫ ||
ವಿಶ್ವಾಭಿರಾಮಂ ಗುಣಪೂರ್ಣವರ್ಣಂ
ದೇಹಪ್ರಭಾನಿರ್ಜಿತಕಾಮದೇವಮ್ |
ಕುಪೇಟ್ಯದುಃಖರ್ವವಿಷಾದನಾಶಂ
ಶ್ರೀಭೂತನಾಥಂ ಮನಸಾ ಸ್ಮರಾಮಿ || ೬ ||
ಮಾಲಾಭಿರಾಮಂ ಪರಿಪೂರ್ಣರೂಪಂ
ಕಾಲಾನುರೂಪಪ್ರಕಟಾವತಾರಮ್ |
ಕಾಲಾಂತಕಾನಂದಕರಂ ಮಹೇಶಂ
ಶ್ರೀಭೂತನಾಥಂ ಮನಸಾ ಸ್ಮರಾಮಿ || ೭ ||
ಪಾಪಾಪಹಂ ತಾಪವಿನಾಶಮೀಶಂ
ಸರ್ವಾಧಿಪತ್ಯಪರಮಾತ್ಮನಾಥಮ್ |
ಶ್ರೀಸೂರ್ಯಚಂದ್ರಾಗ್ನಿವಿಚಿತ್ರನೇತ್ರಂ
ಶ್ರೀಭೂತನಾಥಂ ಮನಸಾ ಸ್ಮರಾಮಿ || ೮ ||
ಇತಿ ಶ್ರೀ ಭೂತನಾಥ ಮಾನಸಾಷ್ಟಕಮ್ |
Found a Mistake or Error? Report it Now
