|| ಶ್ರೀ ಚಂಡಿಕಾ ದಳ ಸ್ತುತಿಃ ||
ಓಂ ನಮೋ ಭಗವತಿ ಜಯ ಜಯ ಚಾಮುಂಡಿಕೇ, ಚಂಡೇಶ್ವರಿ, ಚಂಡಾಯುಧೇ, ಚಂಡರೂಪೇ, ತಾಂಡವಪ್ರಿಯೇ, ಕುಂಡಲೀಭೂತದಿಙ್ನಾಗಮಂಡಿತ ಗಂಡಸ್ಥಲೇ, ಸಮಸ್ತ ಜಗದಂಡ ಸಂಹಾರಕಾರಿಣಿ, ಪರೇ, ಅನಂತಾನಂದರೂಪೇ, ಶಿವೇ, ನರಶಿರೋಮಾಲಾಲಂಕೃತವಕ್ಷಃಸ್ಥಲೇ, ಮಹಾಕಪಾಲ ಮಾಲೋಜ್ಜ್ವಲ ಮಣಿಮಕುಟ ಚೂಡಾಬದ್ಧ ಚಂದ್ರಖಂಡೇ, ಮಹಾಭೀಷಣಿ, ದೇವಿ, ಪರಮೇಶ್ವರಿ, ಗ್ರಹಾಯುಃ ಕಿಲ ಮಹಾಮಾಯೇ, ಷೋಡಶಕಲಾಪರಿವೃತೋಲ್ಲಾಸಿತೇ, ಮಹಾದೇವಾಸುರ ಸಮರನಿಹತರುಧಿರಾರ್ದ್ರೀಕೃತ ಲಂಭಿತ ತನುಕಮಲೋದ್ಭಾಸಿತಾಕಾರ ಸಂಪೂರ್ಣ ರುಧಿರಶೋಭಿತ ಮಹಾಕಪಾಲ ಚಂದ್ರಾಂಸಿ ನಿಹಿತಾ ಬದ್ಧ್ಯಮಾನ ರೋಮರಾಜೀ ಸಹಿತ ಮೋಹಕಾಂಚೀ ದಾಮೋಜ್ಜ್ವಲೀಕೃತ ನವ ಸಾರುಣೀ ಕೃತ ನೂಪುರಪ್ರಜ್ವಲಿತ ಮಹೀಮಂಡಲೇ, ಮಹಾಶಂಭುರೂಪೇ, ಮಹಾವ್ಯಾಘ್ರಚರ್ಮಾಂಬರಧರೇ, ಮಹಾಸರ್ಪಯಜ್ಞೋಪವೀತಿನಿ, ಮಹಾಶ್ಮಶಾನ ಭಸ್ಮಾವಧೂಳಿತ ಸರ್ವಗಾತ್ರೇ, ಕಾಳಿ, ಮಹಾಕಾಳಿ, ಕಾಲಾಗ್ನಿ ರುದ್ರಕಾಳಿ, ಕಾಲಸಂಕರ್ಷಿಣಿ, ಕಾಲನಾಶಿನಿ, ಕಾಳರಾತ್ರಿ, ರಾತ್ರಿಸಂಚಾರಿಣಿ, ಶವಭಕ್ಷಿಣಿ, ನಾನಾಭೂತ ಪ್ರೇತ ಪಿಶಾಚಾದಿ ಗಣ ಸಹಸ್ರ ಸಂಚಾರಿಣಿ, ಧಗದ್ಧಗೇತ್ಯಾ ಭಾಸಿತ ಮಾಂಸಖಂಡೇ, ಗಾತ್ರವಿಕ್ಷೇಪ ಕಲಕಲ ಸಮಾನ ಕಂಕಾಲ ರೂಪಧಾರಿಣಿ, ನಾನಾವ್ಯಾಧಿ ಪ್ರಶಮನಿ, ಸರ್ವದುಷ್ಟಶಮನಿ, ಸರ್ವದಾರಿದ್ರ್ಯನಾಶಿನಿ, ಮಧುಮಾಂಸ ರುಧಿರಾವಸಿಕ್ತ ವಿಲಾಸಿನಿ, ಸಕಲಸುರಾಸುರ ಗಂಧರ್ವ ಯಕ್ಷ ವಿದ್ಯಾಧರ ಕಿನ್ನರ ಕಿಂಪುರುಷಾದಿಭಿಃ ಸ್ತೂಯಮಾನಚರಿತೇ, ಸಕಲಮಂತ್ರತಂತ್ರಾದಿ ಭೂತಾಧಿಕಾರಿಣಿ, ಸರ್ವಶಕ್ತಿ ಪ್ರಧಾನೇ, ಸಕಲಲೋಕಭಾವಿನಿ, ಸಕಲ ದುರಿತ ಪ್ರಕ್ಷಾಳಿನಿ, ಸಕಲಲೋಕೈಕ ಜನನಿ, ಬ್ರಹ್ಮಾಣಿ ಮಾಹೇಶ್ವರಿ ಕೌಮಾರಿ ವೈಷ್ಣವಿ ಶಂಖಿನಿ ವಾರಾಹಿ ಇಂದ್ರಾಣಿ ಚಾಮುಂಡಿ ಮಹಾಲಕ್ಷ್ಮೀ ರೂಪೇ, ಮಹಾವಿದ್ಯೇ, ಯೋಗಿನಿ, ಯೋಗೇಶ್ವರಿ, ಚಂಡಿಕೇ, ಮಹಾಮಾಯೇ, ವಿಶ್ವೇಶ್ವರರೂಪಿಣಿ, ಸರ್ವಾಭರಣಭೂಷಿತೇ, ಅತಲ ವಿತಲ ನಿತಲ ಸುತಲ ರಸಾತಲ ತಲಾತಲ ಪಾತಾಲ ಭೂಲೋಕ ಭುವರ್ಲೋಕ ಸುವರ್ಲೋಕ ಮಹರ್ಲೋಕ ಜನೋಲೋಕ ತಪೋಲೋಕ ಸತ್ಯಲೋಕ ಚತುರ್ದಶ ಭುವನೈಕ ನಾಯಿಕೇ, ಓಂ ನಮಃ ಪಿತಾಮಹಾಯ ಓಂ ನಮೋ ನಾರಾಯಣಾಯ ಓಂ ನಮಃ ಶಿವಾಯೇತಿ ಸಕಲಲೋಕಜಾಜಪ್ಯಮಾನೇ, ಬ್ರಹ್ಮ ವಿಷ್ಣು ಶಿವ ದಂಡ ಕಮಂಡಲು ಕುಂಡಲ ಶಂಖ ಚಕ್ರ ಗದಾ ಪರಶು ಶೂಲ ಪಿನಾಕ ಟಂಕಧಾರಿಣಿ, ಸರಸ್ವತಿ, ಪದ್ಮಾಲಯೇ, ಪಾರ್ವತೀ, ಸಕಲ ಜಗತ್ಸ್ವರೂಪಿಣಿ, ಮಹಾಕ್ರೂರೇ, ಪ್ರಸನ್ನರೂಪಧಾರಿಣಿ, ಸಾವಿತ್ರಿ, ಸರ್ವಮಂಗಳಪ್ರದೇ, ಮಹಿಷಾಸುರಮರ್ದಿನಿ, ಕಾತ್ಯಾಯನಿ, ದುರ್ಗೇ, ನಿದ್ರಾರೂಪಿಣಿ, ಶರ ಚಾಪ ಶೂಲ ಕಪಾಲ ಕರವಾಲ ಖಡ್ಗ ಡಮರುಕಾಂಕುಶ ಗದಾ ಪರಶು ಶಕ್ತಿ ಭಿಂಡಿವಾಲ ತೋಮರ ಭುಶುಂಡಿ ಮುಸಲ ಮುದ್ಗರ ಪ್ರಾಸ ಪರಿಘ ದಂಡಾಯುಧ ದೋರ್ದಂಡ ಸಹಸ್ರೇ, ಇಂದ್ರಾಗ್ನಿ ಯಮ ನಿರ‍ೃತಿ ವರುಣ ವಾಯು ಕುಬೇರೇಶಾನ ಪ್ರಧಾನಶಕ್ತಿ ಹೇತುಭೂತೇ, ಚಂದ್ರಾರ್ಕವಹ್ನಿನಯನೇ, ಸಪ್ತದ್ವೀಪ ಸಮುದ್ರೋಪರ್ಯುಪರಿ ವ್ಯಾಪ್ತೇ, ಈಶ್ವರಿ, ಮಹಾಸಚರಾಚರ ಪ್ರಪಂಚಾಂತರುಧಿರೇ, ಮಹಾಪ್ರಭಾವೇ, ಮಹಾಕೈಲಾಸ ಪರ್ವತೋದ್ಯಾನ ವನಕ್ಷೇತ್ರ ನದೀತೀರ್ಥ ದೇವತಾದ್ಯಾಯತನಾಲಂಕೃತ ಮೇದಿನೀ ನಾಯಿಕೇ, ವಸಿಷ್ಠ ವಾಮದೇವಾದಿ ಸಕಲ ಮುನಿಗಣ ವಂದ್ಯಮಾನ ಚರಣಾರವಿಂದೇ, ದ್ವಿಚತ್ವಾರಿಂಶದ್ವರ್ಣ ಮಾಹಾತ್ಮ್ಯೇ, ಪರ್ಯಾಪ್ತ ವೇದವೇದಾಂಗಾದ್ಯನೇಕ ಶಾಸ್ತ್ರಾಧಾರಭೂತೇ, ಶಬ್ದ ಬ್ರಹ್ಮಮಯೇ, ಲಿಪಿ ದೇವತೇ, ಮಾತೃಕಾದೇವಿ, ಚಿರಂ ಮಾಂ ರಕ್ಷ ರಕ್ಷ, ಮಮ ಶತ್ರೂನ್ ಹುಂಕಾರೇಣ ನಾಶಯ ನಾಶಯ, ಮಮ ಭೂತ ಪ್ರೇತ ಪಿಶಾಚಾದೀನುಚ್ಚಾಟಯ ಉಚ್ಚಾಟಯ, ಸ್ತಂಭಯ ಸ್ತಂಭಯ, ಸಮಸ್ತ ಗ್ರಹಾನ್ವಶೀಕುರು ವಶೀಕುರು, ಸ್ತೋಭಯ ಸ್ತೋಭಯ, ಉನ್ಮಾದಯೋನ್ಮಾದಯ, ಸಂಕ್ರಾಮಯ ಸಂಕ್ರಾಮಯ, ವಿಧ್ವಂಸಯ ವಿಧ್ವಂಸಯ, ವಿಮರ್ದಯ ವಿಮರ್ದಯ, ವಿರಾಧಯ ವಿರಾಧಯ ವಿದ್ರಾವಯ ವಿದ್ರಾವಯ, ಸಕಲಾರಾತೀನ್ಮೂರ್ಧ್ನಿ ಸ್ಫೋಟಯ ಸ್ಫೋಟಯ, ಮಮ ಶತ್ರೂನ್ ಶೀಘ್ರಂ ಮಾರಯ ಮಾರಯ, ಜಾಗ್ರತ್ಸ್ವಪ್ನ ಸುಷುಪ್ತ್ಯವಸ್ಥಾಸ್ವಸ್ಮಾಂಛತ್ರುಮೃತ್ಯು ಜ್ವರಾದಿ ನಾನಾ ರೋಗೇಭ್ಯೋ ನಾನಾಭಿಚಾರೇಭ್ಯಃ ಪರಕರ್ಮ ಪರಮಂತ್ರ ಪರಯಂತ್ರ ಪರತಂತ್ರ ಪರಮಂತ್ರೌಷಧ ಶಲ್ಯಶೂನ್ಯ ಕ್ಷುದ್ರೇಭ್ಯಃ ಸಮ್ಯಗ್ರಕ್ಷ ರಕ್ಷ, ಓಂ ಶ್ರೀಂ ಹ್ರೀಂ, ಮಮ ಸರ್ವಶತ್ರು ಪ್ರಾಣಸಂಹಾರ ಕಾರಿಣಿ ಹುಂ ಫಟ್ ಸ್ವಾಹಾ |
|| ಇತಿ ಶ್ರೀ ಚಂಡಿಕಾ ದಳ ಸ್ತುತಿಃ ||
Found a Mistake or Error? Report it Now
