Sri Devaraja Ashtakam PDF English

śrīmatkāñcīmuniṁ vandē kamalāpatinandanam |
varadāṅghrisadāsaṅgarasāyanaparāyaṇam

dēvarājadayāpātraṁ śrīkāñcīpūrṇamuttamam |
rāmānujamunērmānyaṁ vandē:’haṁ sajjanāśrayam

namastē hastiśailēśa śrīmannambujalōcanaḥ |
śaraṇaṁ tvāṁ prapannō:’smi praṇatārtiharācyuta || 1 ||

samastaprāṇisantrāṇapravīṇa karuṇōlbaṇa |
vilasantu kaṭākṣastē mayyasmin jagatāmpatē || 2 ||

ninditācārakaraṇaṁ nivr̥ttaṁ kr̥tyakarmaṇaḥ |
pāpīyāṁsa mamaryādaṁ pāhi māṁ varadaprabhō || 3 ||

saṁsāramarukāntārē durvyādhivyāghrabhīṣaṇē |
viṣayakṣudragulmāḍhyē tr̥ṣāpādapaśālini || 4 ||

putradāragr̥hakṣētramr̥gatr̥ṣṇāmbupuṣkalē |
kr̥tyākr̥tyavivēkāndhaṁ paribhrāntamitastataḥ || 5 ||

ajasraṁ jātatr̥ṣṇārtamavasannāṅgamakṣamam |
kṣīṇaśaktibalārōgyaṁ kēvalaṁ klēśasamśrayam || 6 ||

santaptaṁ vividhairduḥkhairdurvacai rēvamādibhiḥ |
dēvarāja dayāsindhō dēvadēva jagatpatē || 7 ||

tvadīkṣaṇasudhāsindhuvīcivikṣēpaśīkaraiḥ |
kāruṇyamārutānītaiḥ śītalairabhiṣiñca mām || 8 ||

READ WITHOUT DOWNLOAD
Sri Devaraja Ashtakam

Download this PDF