|| ஶ்ரீ க³ணநாத² ஸ்தோத்ரம் ||
க³ர்ப⁴ உவாச ।
நமஸ்தே க³ணநாதா²ய ப்³ரஹ்மணே ப்³ரஹ்மரூபிணே ।
அநாதா²நாம் ப்ரணாதா²ய விக்⁴நேஶாய நமோ நம꞉ ॥ 1 ॥
ஜ்யேஷ்ட²ராஜாய தே³வாய தே³வதே³வேஶமூர்தயே ।
அநாத³யே பரேஶாய சாதி³பூஜ்யாய தே நம꞉ ॥ 2 ॥
ஸர்வபூஜ்யாய ஸர்வேஷாம் ஸர்வரூபாய தே நம꞉ ।
ஸர்வாத³யே பரப்³ரஹ்மந் ஸர்வேஶாய நமோ நம꞉ ॥ 3 ॥
க³ஜாகாரஸ்வரூபாய க³ஜாகாரமயாய தே ।
க³ஜமஸ்தகதா⁴ராய க³ஜேஶாய நமோ நம꞉ ॥ 4 ॥
ஆதி³மத்⁴யாந்தபா⁴வாய ஸ்வாநந்த³பதயே நம꞉ ।
ஆதி³மத்⁴யாந்தஹீநாய த்வாதி³மத்⁴யாந்தகா³ய தே ॥ 5 ॥
ஸித்³தி⁴பு³த்³தி⁴ப்ரதா³த்ரே ச ஸித்³தி⁴பு³த்³தி⁴விஹாரிணே ।
ஸித்³தி⁴பு³த்³தி⁴மயாயைவ ப்³ரஹ்மேஶாய நமோ நம꞉ ॥ 6 ॥
ஶிவாய ஶக்தயே சைவ விஷ்ணவே பா⁴நுரூபிணே ।
மாயிநாம் மாயயா நாத² மோஹதா³ய நமோ நம꞉ ॥ 7 ॥
கிம் ஸ்தௌமி த்வாம் க³ணாதீ⁴ஶ யத்ர வேதா³த³யோ(அ)பரே ।
யோகி³ந꞉ ஶாந்திமாபந்நா அதஸ்த்வாம் ப்ரணமாம்யஹம் ॥ 8 ॥
ரக்ஷ மாம் க³ர்ப⁴து³꞉கா²த்த்வம் த்வாமேவ ஶரணாக³தம் ।
ஜந்மம்ருத்யுவிஹீநம் வை குருஷ்வ தே பத³ப்ரியம் ॥ 9 ॥
இதி ஶ்ரீமந்முத்³க³ளே மஹாபுராணே நவம க²ண்டே³ ஶ்ரீ க³ணநாத² ஸ்தோத்ரம் ॥
Found a Mistake or Error? Report it Now
