శ్రీ గణేశ స్తోత్రం (అగ్ని కృతం) PDF తెలుగు

శ్రీ గణేశ స్తోత్రం (అగ్ని కృతం) తెలుగు Lyrics

|| శ్రీ గణేశ స్తోత్రం (అగ్ని కృతం) ||

అగ్నిరువాచ |
నమస్తే విఘ్ననాశాయ భక్తానాం హితకారక |
నమస్తే విఘ్నకర్త్రే వై హ్యభక్తానాం వినాయక || ౧ ||

నమో మూషకవాహాయ గజవక్త్రాయ ధీమతే |
ఆదిమధ్యాంతహీనాయాదిమధ్యాంతస్వరూపిణే || ౨ ||

చతుర్భుజధరాయైవ చతుర్వర్గప్రదాయినే |
ఏకదంతాయ వై తుభ్యం హేరంబాయ నమో నమః || ౩ ||

లంబోదరాయ దేవాయ గజకర్ణాయ ఢుంఢయే |
యోగశాంతిస్వరూపాయ యోగశాంతిప్రదాయినే || ౪ ||

యోగిభ్యో యోగదాత్రే చ యోగినాం పతయే నమః |
చరాచరమయాయైవ ప్రణవాకృతిధారిణే || ౫ ||

సిద్ధిబుద్ధిమయాయైవ సిద్ధిబుద్ధిప్రదాయక |
సిద్ధిబుద్ధిపతే తుభ్యం నమో భక్తప్రియాయ చ || ౬ ||

అనంతానన దేవేశ ప్రసీద కరుణానిధే |
దాసోఽహం తే గణాధ్యక్ష మాం పాలయ విశేషతః || ౭ ||

ధన్యోఽహం సర్వదేవేషు దృష్ట్వా పాదం వినాయక |
కృతకృత్యో మహాయోగీ బ్రహ్మభూతో న సంశయః || ౮ ||

యది ప్రసన్నభావేన వరదోఽసి గజానన |
తదా మాం శాపహీనం త్వం కురు దేవేంద్రసత్తమ || ౯ ||

తవ భక్తిం దృఢాం దేహి యయా మోహో వినశ్యతి |
తవ భక్తైః సహావాసో మమాస్తు గణనాయక || ౧౦ ||

యదా సంకటసంయుక్తస్తదా స్మరణతస్తవ |
నిస్సంకటోఽహమత్యంతం భవామి త్వత్ప్రసాదతః || ౧౧ ||

ఇతి శ్రీమన్ముద్గలే మహాపురాణే ద్వితీయఖండే అగ్ని కృత శ్రీ గణేశ స్తోత్రమ్ ||