Sri Gangadhara Stotram PDF English

Sri Gangadhara Stotram English Lyrics

|| Sri Gangadhara Stotram ||

kṣīrāmbhōnidhimanthanōdbhavaviṣāt sandahyamānān surān
brahmādīnavalōkya yaḥ karuṇayā hālāhalākhyaṁ viṣam |
niḥśaṅkaṁ nijalīlayā kabalayanlōkānrarakṣādarā-
-dārtatrāṇaparāyaṇaḥ sa bhagavān gaṅgādharō mē gatiḥ || 1 ||

kṣīraṁ svādu nipīya mātulagr̥hē gatvā svakīyaṁ gr̥haṁ
kṣīrālābhavaśēna khinnamanasē ghōraṁ tapaḥ kurvatē |
kāruṇyādupamanyavē niravadhiṁ kṣīrāmbudhiṁ dattavān
ārtatrāṇaparāyaṇaḥ sa bhagavān gaṅgādharō mē gatiḥ || 2 ||

mr̥tyuṁ vakṣasi tāḍayannijapadadhyānaikabhaktaṁ muniṁ
mārkaṇḍēyamapālayatkaruṇayā liṅgādvinirgatya yaḥ |
nētrāmbhōjasamarpaṇēna harayē:’bhīṣṭaṁ rathāṅgaṁ dadau
ārtatrāṇaparāyaṇaḥ sa bhagavān gaṅgādharō mē gatiḥ || 3 ||

ōḍhuṁ drōṇajayadrathādirathikaiḥ sainyaṁ mahatkauravaṁ
dr̥ṣṭvā kr̥ṣṇasahāyavantamapi taṁ bhītaṁ prapannārtihā |
pārthaṁ rakṣitavānamōghaviṣayaṁ divyāstramudbōdhayan
ārtatrāṇaparāyaṇaḥ sa bhagavān gaṅgādharō mē gatiḥ || 4 ||

bālaṁ śaivakulōdbhavaṁ parihasatsvajñātipakṣākulaṁ
khidyantaṁ tava mūrdhni puṣpanicayaṁ dātuṁ samudyatkaram |
dr̥ṣṭvānamya viriñciramyanagarē pūjāṁ tvadīyāṁ bhajan
ārtatrāṇaparāyaṇaḥ sa bhagavān gaṅgādharō mē gatiḥ || 5 ||

santrastēṣu purā surāsurabhayādindrādibr̥ndārakē-
-:’śvārūḍhō dharaṇīrathaṁ śrutihayaṁ kr̥tvā murāriṁ śaram |
rakṣanyaḥ kr̥payā samastavibudhān jitvā purārīn kṣaṇāt
ārtatrāṇaparāyaṇaḥ sa bhagavān gaṅgādharō mē gatiḥ || 6 ||

śrautasmārtapathē parāṅmukhamapi prōdyanmahāpātakaṁ
viśvādhīśamapatyamēva gatirityālāpavantaṁ sakr̥t |
rakṣanyaḥ karuṇāpayōnidhiriti prāptaprasiddhiḥ purā
hyārtatrāṇaparāyaṇaḥ sa bhagavān gaṅgādharō mē gatiḥ || 7 ||

gāṅgaṁ vēgamavāpya mānyavibudhaiḥ sōḍhuṁ purā yācitō
dr̥ṣṭvā bhaktabhagīrathēna vinatō rudrō jaṭāmaṇḍalē |
kāruṇyādavanītalē suranadīmāpūrayatpāvanīṁ
ārtatrāṇaparāyaṇaḥ sa bhagavān gaṅgādharō mē gatiḥ || 8 ||

iti śrīmadappayadīkṣitaviracitaṁ śrīgaṅgādhara stōtram |