|| ஶ்ரீ கா³யத்ரீ அஷ்டகம் – 2 ||
ஸுகல்யாணீம் வாணீம் ஸுரமுநிவரை꞉ பூஜிதபதா³ம்
ஶிவாமாத்³யாம் வந்த்³யாம் த்ரிபு⁴வநமயீம் வேத³ஜநநீம் ।
பராம் ஶக்திம் ஸ்ரஷ்டும் விவித⁴வித⁴ரூபாம் கு³ணமயீம்
ப⁴ஜே(அ)ம்பா³ம் கா³யத்ரீம் பரமஸுப⁴கா³நந்த³ஜநநீம் ॥ 1 ॥
விஶுத்³தா⁴ம் ஸத்த்வஸ்தா²மகி²லது³ரவஸ்தா²தி³ஹரணீம்
நிராகாராம் ஸாராம் ஸுவிமல தபோமூர்திமதுலாம் ।
ஜக³ஜ்ஜ்யேஷ்டா²ம் ஶ்ரேஷ்டா²மஸுரஸுரபூஜ்யாம் ஶ்ருதிநுதாம்
ப⁴ஜே(அ)ம்பா³ம் கா³யத்ரீம் பரமஸுப⁴கா³நந்த³ஜநநீம் ॥ 2 ॥
தபோநிஷ்டா²பீ⁴ஷ்டாம் ஸ்வஜநமநஸந்தாபஶமநீம்
த³யாமூர்திம் ஸ்பூ²ர்திம் யதிததி ப்ரஸாதை³கஸுலபா⁴ம் ।
வரேண்யாம் புண்யாம் தாம் நிகி²லப⁴வப³ந்தா⁴பஹரணீம்
ப⁴ஜே(அ)ம்பா³ம் கா³யத்ரீம் பரமஸுப⁴கா³நந்த³ஜநநீம் ॥ 3 ॥
ஸதா³ராத்⁴யாம் ஸாத்⁴யாம் ஸுமதிமதிவிஸ்தாரகரணீம்
விஶோகாமாலோகாம் ஹ்ருத³யக³தமோஹாந்த⁴ஹரணீம் ।
பராம் தி³வ்யாம் ப⁴வ்யாமக³மப⁴வஸிந்த்⁴வேக தரணீம்
ப⁴ஜே(அ)ம்பா³ம் கா³யத்ரீம் பரமஸுப⁴கா³நந்த³ஜநநீம் ॥ 4 ॥
அஜாம் த்³வைதாம் த்ரைதாம் விவித⁴கு³ணரூபாம் ஸுவிமலாம்
தமோஹந்த்ரீம் தந்த்ரீம் ஶ்ருதிமது⁴ரநாதா³ம் ரஸமயீம் ।
மஹாமாந்யாம் த⁴ந்யாம் ஸததகருணாஶீல விப⁴வாம்
ப⁴ஜே(அ)ம்பா³ம் கா³யத்ரீம் பரமஸுப⁴கா³நந்த³ஜநநீம் ॥ 5 ॥
ஜக³த்³தா⁴த்ரீம் பாத்ரீம் ஸகலப⁴வஸம்ஹாரகரணீம்
ஸுவீராம் தீ⁴ராம் தாம் ஸுவிமல தபோராஶிஸரணீம் ।
அநேகாமேகாம் வை த்ரிஜக³த்ஸத³தி⁴ஷ்டா²நபத³வீம்
ப⁴ஜே(அ)ம்பா³ம் கா³யத்ரீம் பரமஸுப⁴கா³நந்த³ஜநநீம் ॥ 6 ॥
ப்ரபு³த்³தா⁴ம் பு³த்³தா⁴ம் தாம் ஸ்வஜநததிஜாட்³யாபஹரணீம்
ஹிரண்யாம் கு³ண்யாம் தாம் ஸுகவிஜந கீ³தாம் ஸுநிபுணீம் ।
ஸுவித்³யாம் நிரவத்³யாமமலகு³ணகா³தா²ம் ப⁴க³வதீம்
ப⁴ஜே(அ)ம்பா³ம் கா³யத்ரீம் பரமஸுப⁴கா³நந்த³ஜநநீம் ॥ 7 ॥
அநந்தாம் ஶாந்தாம் யாம் ப⁴ஜதி பு³த⁴வ்ருந்த³꞉ ஶ்ருதிமயீம்
ஸுகே³யாம் த்⁴யேயாம் யாம் ஸ்மரதி ஹ்ருதி³ நித்யம் ஸுரபதி꞉ ।
ஸதா³ ப⁴க்த்யா ஶக்த்யா ப்ரணதமதிபி⁴꞉ ப்ரீதிவஶகா³ம்
ப⁴ஜே(அ)ம்பா³ம் கா³யத்ரீம் பரமஸுப⁴கா³நந்த³ஜநநீம் ॥ 8 ॥
ஶுத்³த⁴சித்த꞉ படே²த்³யஸ்து கா³யத்ர்யா அஷ்டகம் ஶுப⁴ம் ।
அஹோ பா⁴க்³யோ ப⁴வேல்லோகே தஸ்மிந் மாதா ப்ரஸீத³தி ॥ 9 ॥
இதி ஶ்ரீ கா³யத்ரீ அஷ்டகம் ॥
Found a Mistake or Error? Report it Now
