|| ஶ்ரீ கா³யத்ரீ ஸஹஸ்ரனாம ஸ்தோத்ரம் 1 ||
நாரத³ உவாச ।
ப⁴க³வன் ஸர்வத⁴ர்மஜ்ஞ ஸர்வஶாஸ்த்ரவிஶாரத³ ।
ஶ்ருதிஸ்ம்ருதிபுராணாநாம் ரஹஸ்யம் த்வந்முகா²ச்ச்²ருதம் ॥ 1 ॥
ஸர்வபாபஹரம் தே³வ யேந வித்³யா ப்ரவர்ததே ।
கேந வா ப்³ரஹ்மவிஜ்ஞாநம் கிம் நு வா மோக்ஷஸாத⁴நம் ॥ 2 ॥
ப்³ராஹ்மணாநாம் க³தி꞉ கேந கேந வா ம்ருத்யுநாஶநம் ।
ஐஹிகாமுஷ்மிகப²லம் கேந வா பத்³மலோசந ॥ 3 ॥
வக்துமர்ஹஸ்யஶேஷேண ஸர்வே நிகி²லமாதி³த꞉ ।
ஶ்ரீநாராயண உவாச ।
ஸாது⁴ ஸாது⁴ மஹாப்ராஜ்ஞ ஸம்யக் ப்ருஷ்டம் த்வயா(அ)நக⁴ ॥ 4 ॥
ஶ்ருணு வக்ஷ்யாமி யத்நேந கா³யத்ர்யஷ்டஸஹஸ்ரகம் ।
நாம்நாம் ஶுபா⁴நாம் தி³வ்யாநாம் ஸர்வபாபவிநாஶநம் ॥ 5 ॥
ஸ்ருஷ்ட்யாதௌ³ யத்³ப⁴க³வதா பூர்வே ப்ரோக்தம் ப்³ரவீமி தே ।
அஷ்டோத்தரஸஹஸ்ரஸ்ய ருஷிர்ப்³ரஹ்மா ப்ரகீர்தித꞉ ॥ 6 ॥
ச²ந்தோ³(அ)நுஷ்டுப்ததா² தே³வீ கா³யத்ரீம் தே³வதா ஸ்ம்ருதா ।
ஹலோபீ³ஜாநி தஸ்யைவ ஸ்வரா꞉ ஶக்தய ஈரிதா꞉ ॥ 7 ॥
அங்க³ந்யாஸகரந்யாஸாவுச்யேதே மாத்ருகாக்ஷரை꞉ ।
அத² த்⁴யாநம் ப்ரவக்ஷ்யாமி ஸாத⁴காநாம் ஹிதாய வை ॥ 8 ॥
த்⁴யாநம் ।
ரக்தஶ்வேதஹிரண்யநீலத⁴வளைர்யுக்தாம் த்ரிநேத்ரோஜ்ஜ்வலாம்
ரக்தாம் ரக்தநவஸ்ரஜம் மணிக³ணைர்யுக்தாம் குமாரீமிமாம் ।
கா³யத்ரீம் கமலாஸநாம் கரதலவ்யாநத்³த⁴குண்டா³ம்பு³ஜாம்
பத்³மாக்ஷீம் ச வரஸ்ரஜம் ச த³த⁴தீம் ஹம்ஸாதி⁴ரூடா⁴ம் ப⁴ஜே ॥ 9 ॥
ஸ்தோத்ரம் ।
அசிந்த்யலக்ஷணாவ்யக்தாப்யர்த²மாத்ருமஹேஶ்வரீ ।
அம்ருதார்ணவமத்⁴யஸ்தா²ப்யஜிதா சாபராஜிதா ॥ 10 ॥
அணிமாதி³கு³ணாதா⁴ராப்யர்கமண்ட³லஸம்ஸ்தி²தா ।
அஜரா(அ)ஜா(அ)பரா(அ)த⁴ர்மா அக்ஷஸூத்ரத⁴ரா(அ)த⁴ரா ॥ 11 ॥
அகாராதி³க்ஷகாராந்தாப்யரிஷட்³வர்க³பே⁴தி³நீ ।
அஞ்ஜநாத்³ரிப்ரதீகாஶாப்யஞ்ஜநாத்³ரிநிவாஸிநீ ॥ 12 ॥
அதி³திஶ்சாஜபாவித்³யாப்யரவிந்த³நிபே⁴க்ஷணா ।
அந்தர்ப³ஹி꞉ஸ்தி²தாவித்³யாத்⁴வம்ஸிநீ சாந்தராத்மிகா ॥ 13 ॥
அஜா சாஜமுகா²வாஸாப்யரவிந்த³நிபா⁴நநா ।
அர்த⁴மாத்ரார்த²தா³நஜ்ஞாப்யரிமண்ட³லமர்தி³நீ ॥ 14 ॥
அஸுரக்⁴நீ ஹ்யமாவாஸ்யாப்யலக்ஷ்மீக்⁴ந்யந்த்யஜார்சிதா ।
ஆதி³ளக்ஷ்மீஶ்சாதி³ஶக்திராக்ருதிஶ்சாயதாநநா ॥ 15 ॥
ஆதி³த்யபத³வீசாராப்யாதி³த்யபரிஸேவிதா ।
ஆசார்யாவர்தநாசாராப்யாதி³மூர்திநிவாஸிநீ ॥ 16 ॥
ஆக்³நேயீ சாமரீ சாத்³யா சாராத்⁴யா சாஸநஸ்தி²தா ।
ஆதா⁴ரநிலயாதா⁴ரா சாகாஶாந்தநிவாஸிநீ ॥ 17 ॥
ஆத்³யாக்ஷரஸமாயுக்தா சாந்தராகாஶரூபிணீ ।
ஆதி³த்யமண்ட³லக³தா சாந்தரத்⁴வாந்தநாஶிநீ ॥ 18 ॥
இந்தி³ரா சேஷ்டதா³ சேஷ்டா சேந்தீ³வரநிபே⁴க்ஷணா ।
இராவதீ சேந்த்³ரபதா³ சேந்த்³ராணீ சேந்து³ரூபிணீ ॥ 19 ॥
இக்ஷுகோத³ண்ட³ஸம்யுக்தா சேஷுஸந்தா⁴நகாரிணீ ।
இந்த்³ரநீலஸமாகாரா சேடா³பிங்க³ளரூபிணீ ॥ 20 ॥
இந்த்³ராக்ஷீ சேஶ்வரீ தே³வீ சேஹாத்ரயவிவர்ஜிதா ।
உமா சோஷா ஹ்யுடு³நிபா⁴ உர்வாருகப²லாநநா ॥ 21 ॥
உடு³ப்ரபா⁴ சோடு³மதீ ஹ்யுடு³பா ஹ்யுடு³மத்⁴யகா³ ।
ஊர்த்⁴வா சாப்யூர்த்⁴வகேஶீ சாப்யூர்த்⁴வாதோ⁴க³திபே⁴தி³நீ ॥ 22 ॥
ஊர்த்⁴வபா³ஹுப்ரியா சோர்மிமாலாவாக்³க்³ரந்த²தா³யிநீ ।
ருதம் சர்ஷிர்ருதுமதீ ருஷிதே³வநமஸ்க்ருதா ॥ 23 ॥
ருக்³வேதா³ ருணஹர்த்ரீ ச ருஷிமண்ட³லசாரிணீ ।
ருத்³தி⁴தா³ ருஜுமார்க³ஸ்தா² ருஜுத⁴ர்மா ருதுப்ரதா³ ॥ 24 ॥
ருக்³வேத³நிலயா ருஜ்வீ லுப்தத⁴ர்மப்ரவர்திநீ ।
லூதாரிவரஸம்பூ⁴தா லூதாதி³விஷஹாரிணீ ॥ 25 ॥
ஏகாக்ஷரா சைகமாத்ரா சைகா சைகைகநிஷ்டி²தா ।
ஐந்த்³ரீ ஹ்யைராவதாரூடா⁴ சைஹிகாமுஷ்மிகப்ரதா³ ॥ 26 ॥
ஓங்கார ஹ்யோஷதீ⁴ சோதா சோதப்ரோதநிவாஸிநீ ।
ஔர்வா ஹ்யௌஷத⁴ஸம்பந்நா ஔபாஸநப²லப்ரதா³ ॥ 27 ॥
அண்ட³மத்⁴யஸ்தி²தா தே³வீ சா꞉காரமநுரூபிணீ ।
காத்யாயநீ காலராத்ரி꞉ காமாக்ஷீ காமஸுந்த³ரீ ॥ 28 ॥
கமலா காமிநீ காந்தா காமதா³ காலகண்டி²நீ ।
கரிகும்ப⁴ஸ்தநப⁴ரா கரவீரஸுவாஸிநீ ॥ 29 ॥
கல்யாணீ குண்ட³லவதீ குருக்ஷேத்ரநிவாஸிநீ ।
குருவிந்த³த³ளாகாரா குண்ட³லீ குமுதா³ளயா ॥ 30 ॥
காலஜிஹ்வா கராளாஸ்யா காளிகா காலரூபிணீ ।
கமநீயகு³ணா காந்தி꞉ கலாதா⁴ரா குமுத்³வதீ ॥ 31 ॥
கௌஶிகீ கமலாகாரா காமசாரப்ரப⁴ஞ்ஜிநீ ।
கௌமாரீ கருணாபாங்கீ³ ககுப³ந்தா கரிப்ரியா ॥ 32 ॥
கேஸரீ கேஶவநுதா கத³ம்ப³குஸுமப்ரியா ।
காளிந்தீ³ காளிகா காஞ்சீ கலஶோத்³ப⁴வஸம்ஸ்துதா ॥ 33 ॥
காமமாதா க்ரதுமதீ காமரூபா க்ருபாவதீ ।
குமாரீ குண்ட³நிலயா கிராதீ கீரவாஹநா ॥ 34 ॥
கைகேயீ கோகிலாலாபா கேதகீ குஸுமப்ரியா ।
கமண்ட³லுத⁴ரா காளீ கர்மநிர்மூலகாரிணீ ॥ 35 ॥
கலஹம்ஸக³தி꞉ கக்ஷா க்ருதகௌதுகமங்க³ளா ।
கஸ்தூரீதிலகா கம்ரா கரீந்த்³ரக³மநா குஹூ꞉ ॥ 36 ॥
கர்பூரளேபநா க்ருஷ்ணா கபிலா குஹராஶ்ரயா ।
கூடஸ்தா² குத⁴ரா கம்ரா குக்ஷிஸ்தா²கி²லவிஷ்டபா ॥ 37 ॥
க²ட்³க³கே²டகரா க²ர்வா கே²சரீ க²க³வாஹநா ।
க²ட்வாங்க³தா⁴ரிணீ க்²யாதா க²க³ராஜோபரிஸ்தி²தா ॥ 38 ॥
க²லக்⁴நீ க²ண்டி³தஜரா க²ண்டா³க்²யாநப்ரதா³யிநீ ।
க²ண்டே³ந்து³திலகா க³ங்கா³ க³ணேஶகு³ஹபூஜிதா ॥ 39 ॥
கா³யத்ரீ கோ³மதீ கீ³தா கா³ந்தா⁴ரீ கா³நலோலுபா ।
கௌ³தமீ கா³மிநீ கா³தா⁴ க³ந்த⁴ர்வாப்ஸரஸேவிதா ॥ 40 ॥
கோ³விந்த³சரணாக்ராந்தா கு³ணத்ரயவிபா⁴விதா ।
க³ந்த⁴ர்வீ க³ஹ்வரீ கோ³த்ரா கி³ரீஶா க³ஹநா க³மீ ॥ 41 ॥
கு³ஹாவாஸா கு³ணவதீ கு³ருபாபப்ரணாஶிநீ ।
கு³ர்வீ கு³ணவதீ கு³ஹ்யா கோ³ப்தவ்யா கு³ணதா³யிநீ ॥ 42 ॥
கி³ரிஜா கு³ஹ்யமாதங்கீ³ க³ருட³த்⁴வஜவல்லபா⁴ ।
க³ர்வாபஹாரிணீ கோ³தா³ கோ³குலஸ்தா² க³தா³த⁴ரா ॥ 43 ॥
கோ³கர்ணநிலயாஸக்தா கு³ஹ்யமண்ட³லவர்திநீ ।
க⁴ர்மதா³ க⁴நதா³ க⁴ண்டா கோ⁴ரதா³நவமர்தி³நீ ॥ 44 ॥
க்⁴ருணிமந்த்ரமயீ கோ⁴ஷா க⁴நஸம்பாததா³யிநீ ।
க⁴ண்டாரவப்ரியா க்⁴ராணா க்⁴ருணிஸந்துஷ்டகாரிணீ ॥ 45 ॥
க⁴நாரிமண்ட³லா கூ⁴ர்ணா க்⁴ருதாசீ க⁴நவேகி³நீ ।
ஜ்ஞாநதா⁴துமயீ சர்சா சர்சிதா சாருஹாஸிநீ ॥ 46 ॥
சடுலா சண்டி³கா சித்ரா சித்ரமால்யவிபூ⁴ஷிதா ।
சதுர்பு⁴ஜா சாருத³ந்தா சாதுரீ சரிதப்ரதா³ ॥ 47 ॥
சூலிகா சித்ரவஸ்த்ராந்தா சந்த்³ரம꞉கர்ணகுண்ட³லா ।
சந்த்³ரஹாஸா சாருதா³த்ரீ சகோரீ சந்த்³ரஹாஸிநீ ॥ 48 ॥
சந்த்³ரிகா சந்த்³ரதா⁴த்ரீ ச சௌரீ சௌரா ச சண்டி³கா ।
சஞ்சத்³வாக்³வாதி³நீ சந்த்³ரசூடா³ சோரவிநாஶிநீ ॥ 49 ॥
சாருசந்த³நலிப்தாங்கீ³ சஞ்சச்சாமரவீஜிதா ।
சாருமத்⁴யா சாருக³திஶ்சந்தி³ளா சந்த்³ரரூபிணீ ॥ 50 ॥
சாருஹோமப்ரியா சார்வாசரிதா சக்ரபா³ஹுகா ।
சந்த்³ரமண்ட³லமத்⁴யஸ்தா² சந்த்³ரமண்ட³லத³ர்பணா ॥ 51 ॥
சக்ரவாகஸ்தநீ சேஷ்டா சித்ரா சாருவிளாஸிநீ ।
சித்ஸ்வரூபா சந்த்³ரவதீ சந்த்³ரமாஶ்சந்த³நப்ரியா ॥ 52 ॥
சோத³யித்ரீ சிரப்ரஜ்ஞா சாதகா சாருஹேதுகீ ।
ச²த்ரயாதா ச²த்ரத⁴ரா சா²யா ச²ந்த³꞉பரிச்ச²தா³ ॥ 53 ॥
சா²யாதே³வீ சி²த்³ரநகா² ச²ந்நேந்த்³ரியவிஸர்பிணீ ।
ச²ந்தோ³(அ)நுஷ்டுப்ப்ரதிஷ்டா²ந்தா சி²த்³ரோபத்³ரவபே⁴தி³நீ ॥ 54 ॥
சே²தா³ ச²த்ரேஶ்வரீ சி²ந்நா சு²ரிகா சே²த³நப்ரியா ।
ஜநநீ ஜந்மரஹிதா ஜாதவேதா³ ஜக³ந்மயீ ॥ 55 ॥
ஜாஹ்நவீ ஜடிலா ஜேத்ரீ ஜராமரணவர்ஜிதா ।
ஜம்பூ³த்³வீபவதீ ஜ்வாலா ஜயந்தீ ஜலஶாலிநீ ॥ 56 ॥
ஜிதேந்த்³ரியா ஜிதக்ரோதா⁴ ஜிதாமித்ரா ஜக³த்ப்ரியா ।
ஜாதரூபமயீ ஜிஹ்வா ஜாநகீ ஜக³தீ ஜரா ॥ 57 ॥
ஜநித்ரீ ஜஹ்நுதநயா ஜக³த்த்ரயஹிதைஷிணீ ।
ஜ்வாலாமுகீ² ஜபவதீ ஜ்வரக்⁴நீ ஜிதவிஷ்டபா ॥ 58 ॥
ஜிதாக்ராந்தமயீ ஜ்வாலா ஜாக்³ரதீ ஜ்வரதே³வதா ।
ஜ்வலந்தீ ஜலதா³ ஜ்யேஷ்டா² ஜ்யாகோ⁴ஷாஸ்போ²டதி³ங்முகீ² ॥ 59 ॥
ஜம்பி⁴நீ ஜ்ரும்ப⁴ணா ஜ்ரும்பா⁴ ஜ்வலந்மாணிக்யகுண்ட³லா ।
ஜி²ஞ்ஜி²கா ஜ²ணநிர்கோ⁴ஷா ஜ²ஞ்ஜா²மாருதவேகி³நீ ॥ 60 ॥
ஜ²ல்லரீவாத்³யகுஶலா ஞரூபா ஞபு⁴ஜா ஸ்ம்ருதா ।
டங்கபா³ணஸமாயுக்தா டங்கிநீ டங்கபே⁴தி³நீ ॥ 61 ॥
டங்கீக³ணக்ருதாகோ⁴ஷா டங்கநீயமஹோரஸா ।
டங்காரகாரிணீ தே³வீ ட²ட²ஶப்³த³நிநாதி³நீ ॥ 62 ॥
டா³மரீ டா³கிநீ டி³ம்பா⁴ டு³ண்டு³மாரைகநிர்ஜிதா ।
டா³மரீதந்த்ரமார்க³ஸ்தா² ட³மட்³ட³மருநாதி³நீ ॥ 63 ॥
டி³ண்டீ³ரவஸஹா டி³ம்ப⁴லஸத்க்ரீடா³பராயணா ।
டு⁴ண்டி⁴விக்⁴நேஶஜநநீ ட⁴க்காஹஸ்தா டி⁴லிவ்ரஜா ॥ 64 ॥
நித்யஜ்ஞாநா நிருபமா நிர்கு³ணா நர்மதா³ நதீ³ ।
த்ரிகு³ணா த்ரிபதா³ தந்த்ரீ துலஸீ தருணா தரு꞉ ॥ 65 ॥
த்ரிவிக்ரமபதா³க்ராந்தா துரீயபத³கா³மிநீ ।
தருணாதி³த்யஸங்காஶா தாமஸீ துஹிநா துரா ॥ 66 ॥
த்ரிகாலஜ்ஞாநஸம்பந்நா த்ரிவலீ ச த்ரிலோசநா । [த்ரிவேணீ]
த்ரிஶக்திஸ்த்ரிபுரா துங்கா³ துரங்க³வத³நா ததா² ॥ 67 ॥
திமிங்கி³ளகி³ளா தீவ்ரா த்ரிஸ்ரோதா தாமஸாதி³நீ ।
தந்த்ரமந்த்ரவிஶேஷஜ்ஞா தநுமத்⁴யா த்ரிவிஷ்டபா ॥ 68 ॥
த்ரிஸந்த்⁴யா த்ரிஸ்தநீ தோஷாஸம்ஸ்தா² தாலப்ரதாபிநீ ।
தாடங்கிநீ துஷாராபா⁴ துஹிநாசலவாஸிநீ ॥ 69 ॥
தந்துஜாலஸமாயுக்தா தாரஹாராவளிப்ரியா ।
திலஹோமப்ரியா தீர்தா² தமாலகுஸுமாக்ருதி꞉ ॥ 70 ॥
தாரகா த்ரியுதா தந்வீ த்ரிஶங்குபரிவாரிதா ।
தலோத³ரீ திலாபூ⁴ஷா தாடங்கப்ரியவாஹிநீ ॥ 71 ॥
த்ரிஜடா தித்திரீ த்ருஷ்ணா த்ரிவிதா⁴ தருணாக்ருதி꞉ ।
தப்தகாஞ்சநஸங்காஶா தப்தகாஞ்சநபூ⁴ஷணா ॥ 72 ॥
த்ரையம்ப³கா த்ரிவர்கா³ ச த்ரிகாலஜ்ஞாநதா³யிநீ ।
தர்பணா த்ருப்திதா³ த்ருப்தா தாமஸீ தும்பு³ருஸ்துதா ॥ 73 ॥
தார்க்ஷ்யஸ்தா² த்ரிகு³ணாகாரா த்ரிப⁴ங்கீ³ தநுவல்லரி꞉ ।
தா²த்காரீ தா²ரவா தா²ந்தா தோ³ஹிநீ தீ³நவத்ஸலா ॥ 74 ॥
தா³நவாந்தகரீ து³ர்கா³ து³ர்கா³ஸுரநிப³ர்ஹிணீ ।
தே³வரீதிர்தி³வாராத்ரிர்த்³ரௌபதீ³ து³ந்து³பி⁴ஸ்வநா ॥ 75 ॥
தே³வயாநீ து³ராவாஸா தா³ரித்³ர்யோத்³பே⁴தி³நீ தி³வா ।
தா³மோத³ரப்ரியா தீ³ப்தா தி³க்³வாஸா தி³க்³விமோஹிநீ ॥ 76 ॥
த³ண்ட³காரண்யநிலயா த³ண்டி³நீ தே³வபூஜிதா ।
தே³வவந்த்³யா தி³விஷதா³ த்³வேஷிணீ தா³நவாக்ருதி꞉ ॥ 77 ॥
தீ³நாநாத²ஸ்துதா தீ³க்ஷா தை³வதாதி³ஸ்வரூபிணீ ।
தா⁴த்ரீ த⁴நுர்த⁴ரா தே⁴நுர்தா⁴ரிணீ த⁴ர்மசாரிணீ ॥ 78 ॥
த⁴ரந்த⁴ரா த⁴ராதா⁴ரா த⁴நதா³ தா⁴ந்யதோ³ஹிநீ ।
த⁴ர்மஶீலா த⁴நாத்⁴யக்ஷா த⁴நுர்வேத³விஶாரதா³ ॥ 79 ॥
த்⁴ருதிர்த⁴ந்யா த்⁴ருதபதா³ த⁴ர்மராஜப்ரியா த்⁴ருவா ।
தூ⁴மாவதீ தூ⁴மகேஶீ த⁴ர்மஶாஸ்த்ரப்ரகாஶிநீ ॥ 80 ॥
நந்தா³ நந்த³ப்ரியா நித்³ரா ந்ருநுதா நந்த³நாத்மிகா ।
நர்மதா³ ளிநீ நீலா நீலகண்ட²ஸமாஶ்ரயா ॥ 81 ॥
நாராயணப்ரியா நித்யா நிர்மலா நிர்கு³ணா நிதி⁴꞉ ।
நிராதா⁴ரா நிருபமா நித்யஶுத்³தா⁴ நிரஞ்ஜநா ॥ 82 ॥
நாத³பி³ந்து³கலாதீதா நாத³பி³ந்து³கலாத்மிகா ।
ந்ருஸிம்ஹிநீ நக³த⁴ரா ந்ருபநாக³விபூ⁴ஷிதா ॥ 83 ॥
நரகக்லேஶஶமநீ நாராயணபதோ³த்³ப⁴வா ।
நிரவத்³யா நிராகாரா நாரத³ப்ரியகாரிணீ ॥ 84 ॥
நாநாஜ்யோதி꞉ஸமாக்²யாதா நிதி⁴தா³ நிர்மலாத்மிகா ।
நவஸூத்ரத⁴ரா நீதிர்நிருபத்³ரவகாரிணீ ॥ 85 ॥
நந்த³ஜா நவரத்நாட்⁴யா நைமிஷாரண்யவாஸிநீ ।
நவநீதப்ரியா நாரீ நீலஜீமூதநிஸ்வநா ॥ 86 ॥
நிமேஷிணீ நதீ³ரூபா நீலக்³ரீவா நிஶீஶ்வரீ ।
நாமாவளிர்நிஶும்ப⁴க்⁴நீ நாக³ளோகநிவாஸிநீ ॥ 87 ॥
நவஜாம்பூ³நத³ப்ரக்²யா நாக³ளோகாதி⁴தே³வதா ।
நூபுராக்ராந்தசரணா நரசித்தப்ரமோதி³நீ ॥ 88 ॥
நிமக்³நாரக்தநயநா நிர்கா⁴தஸமநிஸ்வநா ।
நந்த³நோத்³யாநநிலயா நிர்வ்யூஹோபரிசாரிணீ ॥ 89 ॥
பார்வதீ பரமோதா³ரா பரப்³ரஹ்மாத்மிகா பரா ।
பஞ்சகோஶவிநிர்முக்தா பஞ்சபாதகநாஶிநீ ॥ 90 ॥
பரசித்தவிதா⁴நஜ்ஞா பஞ்சிகா பஞ்சரூபிணீ ।
பூர்ணிமா பரமா ப்ரீதி꞉ பரதேஜ꞉ ப்ரகாஶிநீ ॥ 91 ॥
புராணீ பௌருஷீ புண்யா புண்ட³ரீகநிபே⁴க்ஷணா ।
பாதாலதலநிர்மக்³நா ப்ரீதா ப்ரீதிவிவர்தி⁴நீ ॥ 92 ॥
பாவநீ பாத³ஸஹிதா பேஶலா பவநாஶிநீ ।
ப்ரஜாபதி꞉ பரிஶ்ராந்தா பர்வதஸ்தநமண்ட³லா ॥ 93 ॥
பத்³மப்ரியா பத்³மஸம்ஸ்தா² பத்³மாக்ஷீ பத்³மஸம்ப⁴வா ।
பத்³மபத்ரா பத்³மபதா³ பத்³மிநீ ப்ரியபா⁴ஷிணீ ॥ 94 ॥
பஶுபாஶவிநிர்முக்தா புரந்த்⁴ரீ புரவாஸிநீ ।
புஷ்களா புருஷா பர்வா பாரிஜாதஸுமப்ரியா ॥ 95 ॥
பதிவ்ரதா பவித்ராங்கீ³ புஷ்பஹாஸபராயணா ।
ப்ரஜ்ஞாவதீஸுதா பௌத்ரீ புத்ரபூஜ்யா பயஸ்விநீ ॥ 96 ॥
பட்டிபாஶத⁴ரா பங்க்தி꞉ பித்ருலோகப்ரதா³யிநீ ।
புராணீ புண்யஶீலா ச ப்ரணதார்திவிநாஶிநீ ॥ 97 ॥
ப்ரத்³யும்நஜநநீ புஷ்டா பிதாமஹபரிக்³ரஹா ।
புண்ட³ரீகபுராவாஸா புண்ட³ரீகஸமாநநா ॥ 98 ॥
ப்ருது²ஜங்கா⁴ ப்ருது²பு⁴ஜா ப்ருது²பாதா³ ப்ருதூ²த³ரீ ।
ப்ரவாளஶோபா⁴ பிங்கா³க்ஷீ பீதவாஸா꞉ ப்ரசாபலா ॥ 99 ॥
ப்ரஸவா புஷ்டிதா³ புண்யா ப்ரதிஷ்டா² ப்ரணவாக³தி꞉ ।
பஞ்சவர்ணா பஞ்சவாணீ பஞ்சிகா பஞ்ஜரஸ்தி²தா ॥ 100 ॥
பரமாயா பரஜ்யோதி꞉ பரப்ரீதி꞉ பராக³தி꞉ ।
பராகாஷ்டா² பரேஶாநீ பாவிநீ பாவகத்³யுதி꞉ ॥ 101 ॥
புண்யப⁴த்³ரா பரிச்சே²த்³யா புஷ்பஹாஸா ப்ருதூ²த³ரீ ।
பீதாங்கீ³ பீதவஸநா பீதஶய்யா பிஶாசிநீ ॥ 102 ॥
பீதக்ரியா பிஶாசக்⁴நீ பாடலாக்ஷீ படுக்ரியா ।
பஞ்சப⁴க்ஷப்ரியாசாரா பூதநாப்ராணகா⁴திநீ ॥ 103 ॥
புந்நாக³வநமத்⁴யஸ்தா² புண்யதீர்த²நிஷேவிதா ।
பஞ்சாங்கீ³ ச பராஶக்தி꞉ பரமாஹ்லாத³காரிணீ ॥ 104 ॥
புஷ்பகாண்ட³ஸ்தி²தா பூஷா போஷிதாகி²லவிஷ்டபா ।
பாநப்ரியா பஞ்சஶிகா² பந்நகோ³பரிஶாயிநீ ॥ 105 ॥
பஞ்சமாத்ராத்மிகா ப்ருத்²வீ பதி²கா ப்ருது²தோ³ஹிநீ ।
புராணந்யாயமீமாம்ஸா பாடலீ புஷ்பக³ந்தி⁴நீ ॥ 106 ॥
புண்யப்ரஜா பாரதா³த்ரீ பரமார்கை³ககோ³சரா ।
ப்ரவாளஶோபா⁴ பூர்ணாஶா ப்ரணவா பல்லவோத³ரீ ॥ 107 ॥
ப²லிநீ ப²லதா³ ப²ல்கு³꞉ பூ²த்காரீ ப²லகாக்ருதி꞉ ।
ப²ணீந்த்³ரபோ⁴க³ஶயநா ப²ணிமண்ட³லமண்டி³தா ॥ 108 ॥
பா³லபா³லா ப³ஹுமதா பா³லாதபநிபா⁴ம்ஶுகா ।
ப³லப⁴த்³ரப்ரியா வந்த்³யா வட³வா பு³த்³தி⁴ஸம்ஸ்துதா ॥ 109 ॥
ப³ந்தீ³தே³வீ பி³லவதீ ப³டி³ஶக்⁴நீ ப³லிப்ரியா ।
பா³ந்த⁴வீ போ³தி⁴தா பு³த்³தி⁴ர்ப³ந்தூ⁴ககுஸுமப்ரியா ॥ 110 ॥
பா³லபா⁴நுப்ரபா⁴காரா ப்³ராஹ்மீ ப்³ராஹ்மணதே³வதா ।
ப்³ருஹஸ்பதிஸ்துதா ப்³ருந்தா³ ப்³ருந்தா³வநவிஹாரிணீ ॥ 111 ॥
பா³லாகிநீ பி³லாஹாரா பி³லவாஸா ப³ஹூத³கா ।
ப³ஹுநேத்ரா ப³ஹுபதா³ ப³ஹுகர்ணாவதம்ஸிகா ॥ 112 ॥
ப³ஹுபா³ஹுயுதா பீ³ஜரூபிணீ ப³ஹுரூபிணீ ।
பி³ந்து³நாத³கலாதீதா பி³ந்து³நாத³ஸ்வரூபிணீ ॥ 113 ॥
ப³த்³த⁴கோ³தா⁴ங்கு³ளித்ராணா ப³த³ர்யாஶ்ரமவாஸிநீ ।
ப்³ருந்தா³ரகா ப்³ருஹத்ஸ்கந்தா⁴ ப்³ருஹதீ பா³ணபாதிநீ ॥ 114 ॥
ப்³ருந்தா³த்⁴யக்ஷா ப³ஹுநுதா வநிதா ப³ஹுவிக்ரமா ।
ப³த்³த⁴பத்³மாஸநாஸீநா பி³ல்வபத்ரதலஸ்தி²தா ॥ 115 ॥
போ³தி⁴த்³ருமநிஜாவாஸா ப³டி³ஸ்தா² பி³ந்து³த³ர்பணா ।
பா³லா பா³ணாஸநவதீ வட³வாநலவேகி³நீ ॥ 116 ॥
ப்³ரஹ்மாண்ட³ப³ஹிரந்த꞉ஸ்தா² ப்³ரஹ்மகங்கணஸூத்ரிணீ ।
ப⁴வாநீ பீ⁴ஷணவதீ பா⁴விநீ ப⁴யஹாரிணீ ॥ 117 ॥
ப⁴த்³ரகாளீ பு⁴ஜங்கா³க்ஷீ பா⁴ரதீ பா⁴ரதாஶயா ।
பை⁴ரவீ பீ⁴ஷணாகாரா பூ⁴திதா³ பூ⁴திமாலிநீ ॥ 118 ॥
பா⁴மிநீ போ⁴க³நிரதா ப⁴த்³ரதா³ பூ⁴ரிவிக்ரமா ।
பூ⁴தவாஸா ப்⁴ருகு³ளதா பா⁴ர்க³வீ பூ⁴ஸுரார்சிதா ॥ 119 ॥
பா⁴கீ³ரதீ² போ⁴க³வதீ ப⁴வநஸ்தா² பி⁴ஷக்³வரா ।
பா⁴மிநீ போ⁴கி³நீ பா⁴ஷா ப⁴வாநீ பூ⁴ரித³க்ஷிணா ॥ 120 ॥
ப⁴ர்கா³த்மிகா பீ⁴மவதீ ப⁴வப³ந்த⁴விமோசிநீ ।
ப⁴ஜநீயா பூ⁴ததா⁴த்ரீரஞ்ஜிதா பு⁴வநேஶ்வரீ ॥ 121 ॥
பு⁴ஜங்க³வலயா பீ⁴மா பே⁴ருண்டா³ பா⁴க³தே⁴யிநீ ।
மாதா மாயா மது⁴மதீ மது⁴ஜிஹ்வா மது⁴ப்ரியா ॥ 122 ॥
மஹாதே³வீ மஹாபா⁴கா³ மாலிநீ மீநலோசநா ।
மாயாதீதா மது⁴மதீ மது⁴மாம்ஸா மது⁴த்³ரவா ॥ 123 ॥
மாநவீ மது⁴ஸம்பூ⁴தா மிதி²லாபுரவாஸிநீ ।
மது⁴கைடப⁴ஸம்ஹர்த்ரீ மேதி³நீ மேக⁴மாலிநீ ॥ 124 ॥
மந்தோ³த³ரீ மஹாமாயா மைதி²லீ மஸ்ருணப்ரியா ।
மஹாலக்ஷ்மீர்மஹாகாளீ மஹாகந்யா மஹேஶ்வரீ ॥ 125 ॥
மாஹேந்த்³ரீ மேருதநயா மந்தா³ரகுஸுமார்சிதா ।
மஞ்ஜுமஞ்ஜீரசரணா மோக்ஷதா³ மஞ்ஜுபா⁴ஷிணீ ॥ 126 ॥
மது⁴ரத்³ராவிணீ முத்³ரா மலயா மலயாந்விதா ।
மேதா⁴ மரகதஶ்யாமா மாக³தீ⁴ மேநகாத்மஜா ॥ 127 ॥
மஹாமாரீ மஹாவீரா மஹாஶ்யாமா மநுஸ்துதா ।
மாத்ருகா மிஹிராபா⁴ஸா முகுந்த³பத³விக்ரமா ॥ 128 ॥
மூலாதா⁴ரஸ்தி²தா முக்³தா⁴ மணிபூரகவாஸிநீ ।
ம்ருகா³க்ஷீ மஹிஷாரூடா⁴ மஹிஷாஸுரமர்தி³நீ ॥ 129 ॥
யோகா³ஸநா யோக³க³ம்யா யோகா³ யௌவநகாஶ்ரயா ।
யௌவநீ யுத்³த⁴மத்⁴யஸ்தா² யமுநா யுக³தா⁴ரிணீ ॥ 130 ॥
யக்ஷிணீ யோக³யுக்தா ச யக்ஷராஜப்ரஸூதிநீ ।
யாத்ரா யாநவிதா⁴நஜ்ஞா யது³வம்ஶஸமுத்³ப⁴வா ॥ 131 ॥
யகாராதி³ஹகாராந்தா யாஜுஷீ யஜ்ஞரூபிணீ ।
யாமிநீ யோக³நிரதா யாதுதா⁴நப⁴யங்கரீ ॥ 132 ॥
ருக்மிணீ ரமணீ ராமா ரேவதீ ரேணுகா ரதி꞉ ।
ரௌத்³ரீ ரௌத்³ரப்ரியாகாரா ராமமாதா ரதிப்ரியா ॥ 133 ॥
ரோஹிணீ ராஜ்யதா³ ரேவா ரமா ராஜீவலோசநா ।
ராகேஶீ ரூபஸம்பந்நா ரத்நஸிம்ஹாஸநஸ்தி²தா ॥ 134 ॥
ரக்தமால்யாம்ப³ரத⁴ரா ரக்தக³ந்தா⁴நுலேபநா ।
ராஜஹம்ஸஸமாரூடா⁴ ரம்பா⁴ ரக்தப³லிப்ரியா ॥ 135 ॥
ரமணீயயுகா³தா⁴ரா ராஜிதாகி²லபூ⁴தலா ।
ருருசர்மபரீதா⁴நா ரதி²நீ ரத்நமாலிகா ॥ 136 ॥
ரோகே³ஶீ ரோக³ஶமநீ ராவிணீ ரோமஹர்ஷிணீ ।
ராமசந்த்³ரபதா³க்ராந்தா ராவணச்சே²த³காரிணீ ॥ 137 ॥
ரத்நவஸ்த்ரபரிச்ச²ந்நா ரத²ஸ்தா² ருக்மபூ⁴ஷணா ।
லஜ்ஜாதி⁴தே³வதா லோலா லலிதா லிங்க³தா⁴ரிணீ ॥ 138 ॥
லக்ஷ்மீர்லோலா லுப்தவிஷா லோகிநீ லோகவிஶ்ருதா ।
லஜ்ஜா லம்போ³த³ரீ தே³வீ லலநா லோகதா⁴ரிணீ ॥ 139 ॥
வரதா³ வந்தி³தா வித்³யா வைஷ்ணவீ விமலாக்ருதி꞉ ।
வாராஹீ விரஜா வர்ஷா வரளக்ஷ்மீர்விளாஸிநீ ॥ 140 ॥
விநதா வ்யோமமத்⁴யஸ்தா² வாரிஜாஸநஸம்ஸ்தி²தா ।
வாருணீ வேணுஸம்பூ⁴தா வீதிஹோத்ரா விரூபிணீ ॥ 141 ॥
வாயுமண்ட³லமத்⁴யஸ்தா² விஷ்ணுரூபா விதி⁴ப்ரியா ।
விஷ்ணுபத்நீ விஷ்ணுமதீ விஶாலாக்ஷீ வஸுந்த⁴ரா ॥ 142 ॥
வாமதே³வப்ரியா வேலா வஜ்ரிணீ வஸுதோ³ஹிநீ ।
வேதா³க்ஷரபரீதாங்கீ³ வாஜபேயப²லப்ரதா³ ॥ 143 ॥
வாஸவீ வாமஜநநீ வைகுண்ட²நிலயா வரா ।
வ்யாஸப்ரியா வர்மத⁴ரா வால்மீகிபரிஸேவிதா ॥ 144 ॥
ஶாகம்ப⁴ரீ ஶிவா ஶாந்தா ஶாரதா³ ஶரணாக³தி꞉ ।
ஶாதோத³ரீ ஶுபா⁴சாரா ஶும்பா⁴ஸுரவிமர்தி³நீ ॥ 145 ॥
ஶோபா⁴வதீ ஶிவாகாரா ஶங்கரார்த⁴ஶரீரிணீ ।
ஶோணா ஶுபா⁴ஶயா ஶுப்⁴ரா ஶிர꞉ஸந்தா⁴நகாரிணீ ॥ 146 ॥
ஶராவதீ ஶராநந்தா³ ஶரஜ்ஜ்யோத்ஸ்நா ஶுபா⁴நநா ।
ஶரபா⁴ ஶூலிநீ ஶுத்³தா⁴ ஶப³ரீ ஶுகவாஹநா ॥ 147 ॥
ஶ்ரீமதீ ஶ்ரீத⁴ராநந்தா³ ஶ்ரவணாநந்த³தா³யிநீ ।
ஶர்வாணீ ஶர்வரீவந்த்³யா ஷட்³பா⁴ஷா ஷட்³ருதுப்ரியா ॥ 148 ॥
ஷடா³தா⁴ரஸ்தி²தா தே³வீ ஷண்முக²ப்ரியகாரிணீ ।
ஷட³ங்க³ரூபஸுமதிஸுராஸுரநமஸ்க்ருதா ॥ 149 ॥
ஸரஸ்வதீ ஸதா³தா⁴ரா ஸர்வமங்க³ளகாரிணீ ।
ஸாமகா³நப்ரியா ஸூக்ஷ்மா ஸாவித்ரீ ஸாமஸம்ப⁴வா ॥ 150 ॥
ஸர்வாவாஸா ஸதா³நந்தா³ ஸுஸ்தநீ ஸாக³ராம்ப³ரா ।
ஸர்வைஶ்வர்யப்ரியா ஸித்³தி⁴꞉ ஸாது⁴ப³ந்து⁴பராக்ரமா ॥ 151 ॥
ஸப்தர்ஷிமண்ட³லக³தா ஸோமமண்ட³லவாஸிநீ ।
ஸர்வஜ்ஞா ஸாந்த்³ரகருணா ஸமாநாதி⁴கவர்ஜிதா ॥ 152 ॥
ஸர்வோத்துங்கா³ ஸங்க³ஹீநா ஸத்³கு³ணா ஸகலேஷ்டதா³ ।
ஸரகா⁴ ஸூர்யதநயா ஸுகேஶீ ஸோமஸம்ஹதி꞉ ॥ 153 ॥
ஹிரண்யவர்ணா ஹரிணீ ஹ்ரீங்காரீ ஹம்ஸவாஹிநீ ।
க்ஷௌமவஸ்த்ரபரீதாங்கீ³ க்ஷீராப்³தி⁴தநயா க்ஷமா ॥ 154 ॥
கா³யத்ரீ சைவ ஸாவித்ரீ பார்வதீ ச ஸரஸ்வதீ ।
வேத³க³ர்பா⁴ வராரோஹா ஶ்ரீகா³யத்ரீ பராம்பி³கா ॥ 155 ॥
இதி ஸாஹஸ்ரகம் நாம்நாம் கா³யத்ர்யாஶ்சைவ நாரத³ ।
புண்யத³ம் ஸர்வபாபக்⁴நம் மஹாஸம்பத்திதா³யகம் ॥ 156 ॥
ஏவம் நாமாநி கா³யத்ர்யாஸ்தோஷோத்பத்திகராணி ஹி ।
அஷ்டம்யாம் ச விஶேஷேண படி²தவ்யம் த்³விஜை꞉ ஸஹ ॥ 157 ॥
ஜபம் க்ருத்வா ஹோமபூஜாத்⁴யாநம் க்ருத்வா விஶேஷத꞉ ।
யஸ்மை கஸ்மை ந தா³தவ்யம் கா³யத்ர்யாஸ்து விஶேஷத꞉ ॥ 158 ॥
ஸுப⁴க்தாய ஸுஶிஷ்யாய வக்தவ்யம் பூ⁴ஸுராய வை ।
ப்⁴ரஷ்டேப்⁴ய꞉ ஸாத⁴கேப்⁴யஶ்ச பா³ந்த⁴வேப்⁴யோ ந த³ர்ஶயேத் ॥ 159 ॥
யத்³க்³ருஹே லிகி²தம் ஶாஸ்த்ரம் ப⁴யம் தஸ்ய ந கஸ்யசித் ।
சஞ்சலாபி ஸ்தி²ரா பூ⁴த்வா கமலா தத்ர திஷ்ட²தி ॥ 160 ॥
இத³ம் ரஹஸ்யம் பரமம் கு³ஹ்யாத்³கு³ஹ்யதரம் மஹத் ।
புண்யப்ரத³ம் மநுஷ்யாணாம் த³ரித்³ராணாம் நிதி⁴ப்ரத³ம் ॥ 161 ॥
மோக்ஷப்ரத³ம் முமுக்ஷூணாம் காமிநாம் ஸர்வகாமத³ம் ।
ரோகா³த்³வை முச்யதே ரோகீ³ ப³த்³தோ⁴ முச்யேத ப³ந்த⁴நாத் ॥ 162 ॥
ப்³ரஹ்மஹத்யாஸுராபாநஸுவர்ணஸ்தேயிநோ நரா꞉ ।
கு³ருதல்பக³தோ வாபி பாதகாந்முச்யதே ஸக்ருத் ॥ 163 ॥
அஸத்ப்ரதிக்³ரஹாச்சைவா(அ)ப⁴க்ஷ்யப⁴க்ஷாத்³விஶேஷத꞉ ।
பாக²ண்டா³ந்ருத்யமுக்²யேப்⁴ய꞉ பட²நாதே³வ முச்யதே ॥ 164 ॥
இத³ம் ரஹஸ்யமமலம் மயோக்தம் பத்³மஜோத்³ப⁴வ ।
ப்³ரஹ்மஸாயுஜ்யத³ம் ந்ரூணாம் ஸத்யம் ஸத்யம் ந ஸம்ஶய꞉ ॥ 165 ॥
இதி ஶ்ரீமத்³தே³வீபா⁴க³வதே மஹாபுராணே த்³வாத³ஶஸ்கந்தே⁴ கா³யத்ரீஸஹஸ்ரநாம ஸ்தோத்ரகத²நம் நாம ஷஷ்டோ²(அ)த்⁴யாய꞉ ॥
Found a Mistake or Error? Report it Now
