శ్రీ హరి స్తోత్రం PDF తెలుగు

శ్రీ హరి స్తోత్రం తెలుగు Lyrics

|| శ్రీ హరి స్తోత్రం ||

జగజ్జాలపాలం కచత్కంఠమాలం
శరచ్చంద్రఫాలం మహాదైత్యకాలమ్ |
నభో నీలకాయం దురావారమాయం
సుపద్మాసహాయం భజేఽహం భజేఽహమ్ || ౧ ||

సదాంభోధివాసం గలత్పుష్పహాసం
జగత్సన్నివాసం శతాదిత్యభాసమ్ |
గదాచక్రశస్త్రం లసత్పీతవస్త్రం
హసచ్చారువక్త్రం భజేఽహం భజేఽహమ్ || ౨ ||

రమాకంఠహారం శ్రుతివ్రాతసారం
జలాంతర్విహారం ధరాభారహారమ్ |
చిదానందరూపం మనోహారిరూపం
ధృతానేకరూపం భజేఽహం భజేఽహమ్ || ౩ ||

జరాజన్మహీనం పరానందపీనం
సమాధానలీనం సదైవానవీనమ్ |
జగజ్జన్మహేతుం సురానీకకేతుం
దృఢం విశ్వసేతుం భజేఽహం భజేఽహమ్ || ౪ ||

కృతామ్నాయగానం ఖగాధీశయానం
విముక్తేర్నిదానం హరారాతిమానమ్ |
స్వభక్తానుకూలం జగద్వృక్షమూలం
నిరస్తార్తశూలం భజేఽహం భజేఽహమ్ || ౫ ||

సమస్తామరేశం ద్విరేఫాభకేశం
జగద్బింబలేశం హృదాకాశదేశమ్ |
సదా దివ్యదేహం విముక్తాఖిలేహం
సువైకుంఠగేహం భజేఽహం భజేఽహమ్ || ౬ ||

సురాలీబలిష్ఠం త్రిలోకీవరిష్ఠం
గురూణాం గరిష్ఠం స్వరూపైకనిష్ఠమ్ |
సదా యుద్ధధీరం మహావీరవీరం
భవాంభోధితీరం భజేఽహం భజేఽహమ్ || ౭ ||

రమావామభాగం తలావిష్టనాగం
కృతాధీనయాగం గతారాగరాగమ్ |
మునీంద్రైః సుగీతం సురైః సంపరీతం
గుణౌఘైరతీతం భజేఽహం భజేఽహమ్ || ౮ ||

ఇదం యస్తు నిత్యం సమాధాయ చిత్తం
పఠేదష్టకం కంఠహారం మురారేః |
స విష్ణోర్విశోకం ధ్రువం యాతి లోకం
జరాజన్మశోకం పునర్విందతే నో || ౯ ||

ఇతి శ్రీమత్పరమహంస స్వామి బ్రహ్మానంద విరచితం శ్రీ హరి స్తోత్రమ్ ||