శ్రీ హరిహరాత్మజ ఆశ్రయాష్టకం PDF తెలుగు

Download PDF of Sri Hariharatmaja Ashraya Ashtakam Telugu

గిరిచరం కరుణామృతసాగరం
పరిచరం పరమం మృగయాపరమ్ |
సురుచిరం సుచరాచరగోచరం
హరిహరాత్మజమీశ్వరమాశ్రయే || ౧ ||

ప్రణతసంచయచింతిత కల్పకం
ప్రణతమాదిగురుం సురశిల్పకమ్ |
ప్రణవరంజిత మంజులతల్పకం
హరిహరాత్మజమీశ్వరమాశ్రయే || ౨ ||

అరిసరోరుహశంఖగదాధరం
పరిఘముద్గరబాణధనుర్ధరమ్ |
క్షురిక తోమర శక్తిలసత్కరం
హరిహరాత్మజమీశ్వరమాశ్రయే || ౩ ||

విమలమానస సారసభాస్కరం
విపులవేత్రధరం ప్రయశస్కరమ్ |
విమతఖండన చండధనుష్కరం
హరిహరాత్మజమీశ్వరమాశ్రయే || ౪ ||

సకలలోక నమస్కృత పాదుకం
సకృదుపాసక సజ్జనమోదకమ్ |
సుకృతభక్తజనావన దీక్షకం
హరిహరాత్మజమీశ్వరమాశ్రయే || ౫ ||

శరణకీర్తన భక్తపరాయణం
చరణవారిజమాత్మరసాయనమ్ |
వరకరాత్తవిభూతి విభూషణం
హరిహరాత్మజమీశ్వరమాశ్రయే || ౬ ||

మృగమదాంకిత సత్తిలకోజ్జ్వలం
మృగగణాకలితం మృగయాకులమ్ |
మృగవరాసనమద్భుత దర్శనం
హరిహరాత్మజమీశ్వరమాశ్రయే || ౭ ||

గురువరం కరుణామృత లోచనం
నిరుపమం నిఖిలామయమోచనమ్ |
పురుసుఖప్రదమాత్మనిదర్శనం
హరిహరాత్మజమీశ్వరమాశ్రయే || ౮ ||

ఇతి శ్రీ హరిహరాత్మజ ఆశ్రయాష్టకమ్ ||

Stay updated with the latest Hindu Text, updates, and exclusive content. Join our WhatsApp channel now!

READ WITHOUT DOWNLOAD
శ్రీ హరిహరాత్మజ ఆశ్రయాష్టకం

Download this PDF