|| ஶ்ரீ ஹேரம்ப³ ஸ்துதி꞉ ||
நரநாராயணாவூசது꞉ ।
நமஸ்தே க³ணநாதா²ய ப⁴க்தஸம்ரக்ஷகாய தே ।
ப⁴க்தேப்⁴யோ ப⁴க்திதா³த்ரே வை ஹேரம்பா³ய நமோ நம꞉ ॥ 1 ॥
அநாதா²நாம் விஶேஷேண நாதா²ய க³ஜவக்த்ரிணே ।
சதுர்பா³ஹுத⁴ராயைவ லம்போ³த³ர நமோ(அ)ஸ்து தே ॥ 2 ॥
டு⁴ண்ட⁴யே ஸர்வஸாராய நாநாபே⁴த³ப்ரசாரிணே ।
பே⁴த³ஹீநாய தே³வாய நமஶ்சிந்தாமணே நம꞉ ॥ 3 ॥
ஸித்³தி⁴பு³த்³தி⁴பதே துப்⁴யம் ஸித்³தி⁴பு³த்³தி⁴ஸ்வரூபிணே ।
யோகா³ய யோக³நாதா²ய ஶூர்பகர்ணாய தே நம꞉ ॥ 4 ॥
ஸகு³ணாய நமஸ்துப்⁴யம் நிர்கு³ணாய பராத்மநே ।
ஸர்வபூஜ்யாய ஸர்வாய தே³வதே³வாய தே நம꞉ ॥ 5 ॥
ப்³ரஹ்மணாம் ப்³ரஹ்மணே துப்⁴யம் ஸதா³ ஶாந்திப்ரதா³யக ।
ஸுக²ஶாந்தித⁴ராயைவ நாபி⁴ஶேஷாய தே நம꞉ ॥ 6 ॥
பூர்ணாய பூர்ணநாதா²ய பூர்ணாநந்தா³ய தே நம꞉ ।
யோக³மாயாப்ரசாலாய கே²லகாய நமோ நம꞉ ॥ 7 ॥
அநாத³யே நமஸ்துப்⁴யமாதி³மத்⁴யாந்தமூர்தயே ।
ஸ்ரஷ்ட்ரே பாத்ரே ச ஸம்ஹர்த்ரே ஸிம்ஹவாஹாய தே நம꞉ ॥ 8 ॥
க³தாபி⁴மாநிநாம் நாத²ஸ்த்வமேவாத்ர ந ஸம்ஶய꞉ ।
தேந ஹேரம்ப³நாமா(அ)ஸி விநாயக நமோ(அ)ஸ்து தே ॥ 9 ॥
கிம் ஸ்துவஸ்த்வாம் க³ணாதீ⁴ஶ யோகா³பே⁴த³மயம் பரம் ।
அதஸ்த்வாம் ப்ரணமாவோ வை தேந துஷ்டோ ப⁴வ ப்ரபோ⁴ ॥ 10 ॥
ஏவமுக்த்வா நதௌ தத்ர நரநாராயணாவ்ருஷீ ।
தாவுத்தா²ப்ய க³ணேஶாந உவாச க⁴நநிஸ்வந꞉ ॥ 11 ॥
ஹேரம்ப³ உவாச ।
வரம் சித்தேப்ஸிதம் தா³ஸ்யாமி ப்³ரூதம் ப⁴க்தியந்த்ரித꞉ ।
மஹாபா⁴கா³வாதி³முநீ யோக³மார்க³ப்ரகாஶகௌ ॥ 12 ॥
ப⁴வத்க்ருதமித³ம் ஸ்தோத்ரம் மம ப்ரீதிகரம் ப⁴வேத் ।
பட²தே ஶ்ருண்வதே சைவ பு⁴க்திமுக்திப்ரத³ம் ததா² ॥ 13 ॥
யத்³யதி³ச்ச²தி தத்தத்³வை தா³ஸ்யாமி ஸ்தோத்ரபாட²த꞉ ।
மம ப⁴க்திப்ரத³ம் சைவ ப⁴விஷ்யதி ஸுஸித்³தி⁴த³ம் ॥ 14 ॥
இதி ஶ்ரீமந்முத்³க³ளே மஹாபுராணே த்ருதீயேக²ண்டே³ நரநாராயணக்ருதா ஶ்ரீ ஹேரம்ப³ ஸ்துதி꞉ ॥
Found a Mistake or Error? Report it Now
