Sri Indira Ashtottara Shatanama Stotram PDF English

Sri Indira Ashtottara Shatanama Stotram English Lyrics

|| Sri Indira Ashtottara Shatanama Stotram ||

indirā viṣṇuhr̥dayamandirā padmasundarā |
nanditā:’khilabhaktaśrīrnandikēśvaravanditā || 1 ||

kēśavapriyacāritrā kēvalānandarūpiṇī |
kēyūrahāramañjīrā kētakīpuṣpadhāraṇī || 2 ||

kāruṇyakavitāpāṅgī kāmitārthapradāyanī |
kāmadhuksadr̥śā śaktiḥ kālakarmavidhāyinī || 3 ||

jitadāridryasandōhā dhr̥tapaṅkēruhadvayī |
kr̥taviddhyaṇḍasaṁrakṣā natāpatparihāriṇī || 4 ||

nīlābhrāṅgasarōnētrā nīlōtpalasucandrikā |
nīlakaṇṭhamukhārādhyā nīlāmbaramukhastutā || 5 ||

sarvavēdāntasandōhaśuktimuktāphalāyitā |
samudratanayā sarvasurakāntōpasēvitā || 6 ||

bhārgavī bhānumatyādibhāvitā bhārgavātmajā |
bhāsvatkanakatāṭaṅkā bhānukōṭyadhikaprabhā || 7 ||

padmasadmapavitrāṅgī padmāsyā ca parātparā |
padmanābhapriyasatī padmabhūstanyadāyinī || 8 ||

bhaktadāridryaśamanī muktisādhakadāyinī |
bhuktibhōgyapradā bhavyaśaktimadīśvarī || 9 ||

janmamr̥tyujvaratrastajanajīvātulōcanā |
jaganmātā jayakarī jayaśīlā sukhapradā || 10 ||

cārusaubhāgyasadvidyā cāmaradvayaśōbhitā |
cāmīkaraprabhā sarvacāturyaphalarūpiṇī || 11 ||

rājīvanayanāramyā rāmaṇīyakajanmabhūḥ |
rājarājārcitapadā rājamudrāsvarūpiṇī || 12 ||

tāruṇyavanasāraṅgī tāpasārcitapādukā |
tāttvikī tārakēśārkatāṭaṅkadvayamaṇḍitā || 13 ||

bhavyaviśrāṇanōdyuktā savyaktasukhavigrahā |
divyavaibhavasampūrṇā navyabhaktiśubhōdayā || 14 ||

taruṇādityatāmraśrīḥ karuṇārasavāhinī |
śaraṇāgatasantrāṇacaraṇā karuṇēkṣaṇā || 15 ||

vittadāridryaśamanī vittaklēśanivāriṇī |
mattahaṁsagatiḥ sarvasattāsāmānyarūpiṇī || 16 ||

vālmīkivyāsadurvāsōvālakhilyādivāñchitā |
vārijēkṣaṇahr̥tkēkivāridāyitavigrahā || 17 ||

dr̥ṣṭyā:’:’sāditaviddhyaṇḍā sr̥ṣṭyādimahimōcchrayā |
āstikyapuṣpabhr̥ṅgī ca nāstikōnmūlanakṣamā || 18 ||

kr̥tasadbhaktisantōṣā kr̥ttadurjanapauruṣā |
sañjīvitāśēṣabhāṣā sarvākarṣamatisnuṣā || 19 ||

nityaśuddhā parā buddhā satyā saṁvidanāmayā |
vijayā viṣṇuramaṇī vimalā vijayapradā || 20 ||

śrīṅkārakāmadōgdhrī ca hrīṅkāratarukōkilā |
aiṅkārapadmalōlambā klīṅkārāmr̥tanimnagā || 21 ||

tapanīyābhasutanuḥ kamanīyasmitānanā |
gaṇanīyaguṇagrāmā śayanīyōragēśvarā || 22 ||

ramaṇīyasuvēṣāḍhyā karaṇīyakriyēśvarī |
smaraṇīyacaritrā ca taruṇī yajñarūpiṇī || 23 ||

śrīvr̥kṣavāsinī yōgidhīvr̥ttiparibhāvitā |
prāvr̥ḍbhārgavavārārcyā saṁvr̥tāmarabhāminī || 24 ||

tanumadhyā bhagavatī manujāpivarapradā |
lakṣmī bilvāśritā pātu sō:’ṣṭōttaraśatastutā || 25 ||

iti indirāṣṭōttaraśatanāma stōtram |