ஶ்ரீ ஜ்வாலாமுகி² அஷ்டகம்

|| ஶ்ரீ ஜ்வாலாமுகி² அஷ்டகம் ||

ஜாலந்த⁴ராவநிவநீநவநீரதா³ப⁴-
-ப்ரோத்தாலஶைலவலயாகலிதாதி⁴வாஸாம் ।
ஆஶாதிஶாயிப²லகல்பநகல்பவள்லீம்
ஜ்வாலாமுகீ²மபி⁴முகீ²ப⁴வநாய வந்தே³ ॥ 1 ॥

ஜ்யேஷ்டா² க்வசித் க்வசிது³தா³ரகலா கநிஷ்டா²
மத்⁴யா க்வசித் க்வசித³நுத்³ப⁴வபா⁴வப⁴வ்யா ।
ஏகாப்யநேகவித⁴யா பரிபா⁴வ்யமாநா
ஜ்வாலாமுகீ² ஸுமுக²பா⁴வமுரீகரோது ॥ 2 ॥

அஶ்ராந்தநிர்யத³மலோஜ்வலவாரிதா⁴ரா
ஸந்தா⁴வ்யமாநப⁴வநாந்தரஜாக³ரூகா ।
மாதர்ஜ்வலஜ்ஜ்வலநஶாந்தஶிகா²நுகாரா
ரூபச்ச²டா ஜயதி காசந தாவகீநா ॥ 3 ॥

மந்யே விஹாரகுதுகேஷு ஶிவாநுரூபம்
ரூபம் ந்யரூபி க²லு யத்ஸஹஸா ப⁴வத்யா ।
தத்ஸூசநார்த²மிஹ ஶைலவநாந்தராளே
ஜ்வாலாமுகீ²த்யபி⁴த⁴யா ஸ்பு²டமுச்யஸே(அ)த்³ய ॥ 4 ॥

ஸத்யா ஜ்வலத்தநுஸமுத்³க³தபாவகார்சி-
-ர்ஜ்வாலாமுகீ²த்யபி⁴ம்ருஶந்தி புராணமிஶ்ரா꞉ ।
ஆஸ்தாம் வயம் து ப⁴ஜதாம் து³ரிதாநி த³க்³து⁴ம்
ஜ்வாலாத்மநா பரிணதா ப⁴வதீதி வித்³ம꞉ ॥ 5 ॥

யாவத் த்வதீ³யசரணாம்பு³ஜயோர்ந ராக³-
-ஸ்தாவத் குத꞉ ஸுக²கராணி ஹி த³ர்ஶநாநி ।
ப்ராக் புண்யபாகப³லத꞉ ப்ரஸ்ருதே து தஸ்மிந்
நாஸ்த்யேவ வஸ்து பு⁴வநே ஸுக²க்ருந்ந யத் ஸ்யாத் ॥ 6 ॥

ஆத்மஸ்வரூபமிஹ ஶர்மஸரூபமேவ
வர்வர்தி கிந்து ஜக³த³ம்ப³ ந யாவதே³தத் ।
உத்³கா⁴ட்யதே கருணயா கு³ருதாம் வஹந்த்யா
தாவத் ஸுக²ஸ்ய கணிகாபி ந ஜாயதே(அ)த்ர ॥ 7 ॥

ஆஸ்தாம் மதிர்மம ஸதா³ தவ பாத³மூலே
தாம் சாலயேந்ந சபலம் மந ஏதத³ம்ப³ ।
யாசே புந꞉ புநரித³ம் ப்ரணிபத்ய மாத-
-ர்ஜ்வாலாமுகி² ப்ரணதவாஞ்சி²தஸித்³தி⁴தே³ த்வாம் ॥ 8 ॥

இதி ஶ்ரீ ஜ்வாலாமுகீ² அஷ்டகம் ॥

Found a Mistake or Error? Report it Now