శ్రీ కాళీ స్తుతిః (బ్రహ్మ కృతం) PDF తెలుగు

శ్రీ కాళీ స్తుతిః (బ్రహ్మ కృతం) తెలుగు Lyrics

|| శ్రీ కాళీ స్తుతిః (బ్రహ్మ కృతం) ||

నమామి కృష్ణరూపిణీం కృష్ణాంగయష్టిధారిణీమ్ |
సమగ్రతత్త్వసాగరం అపారపారగహ్వరామ్ || ౧ ||

శివాప్రభాం సముజ్జ్వలాం స్ఫురచ్ఛశాంకశేఖరామ్ |
లలాటరత్నభాస్కరాం జగత్ప్రదీప్తిభాస్కరామ్ || ౨ ||

మహేంద్రకశ్యపార్చితాం సనత్కుమారసంస్తుతామ్ |
సురాసురేంద్రవందితాం యథార్థనిర్మలాద్భుతామ్ || ౩ ||

అతర్క్యరోచిరూర్జితాం వికారదోషవర్జితామ్ |
ముముక్షుభిర్విచింతితాం విశేషతత్త్వసూచితామ్ || ౪ ||

మృతాస్థినిర్మితస్రజాం మృగేంద్రవాహనాగ్రజామ్ |
సుశుద్ధతత్త్వతోషణాం త్రివేదపారభూషణామ్ || ౫ ||

భుజంగహారహారిణీం కపాలఖండధారిణీమ్ |
సుధార్మికౌపకారిణీం సురేంద్రవైరిఘాతినీమ్ || ౬ ||

కుఠారపాశచాపినీం కృతాంతకామభేదినీమ్ |
శుభాం కపాలమాలినీం సువర్ణకల్పశాఖినీమ్ || ౭ ||

శ్మశానభూమివాసినీం ద్విజేంద్రమౌళిభావినీమ్ |
తమోఽంధకారయామినీం శివస్వభావకామినీమ్ || ౮ ||

సహస్రసూర్యరాజికాం ధనంజయోగ్రకారికామ్ |
సుశుద్ధకాలకందలాం సుభృంగబృందమంజులామ్ || ౯ ||

ప్రజాయినీం ప్రజావతీం నమామి మాతరం సతీమ్ |
స్వకర్మకారణే గతిం హరప్రియాం చ పార్వతీమ్ || ౧౦ ||

అనంతశక్తికాంతిదాం యశోఽర్థభుక్తిముక్తిదామ్ |
పునః పునర్జగద్ధితాం నమామ్యహం సురార్చితామ్ || ౧౧ ||

జయేశ్వరి త్రిలోచనే ప్రసీద దేవి పాహి మామ్ |
జయంతి తే స్తువంతి యే శుభం లభంత్యమోక్షతః || ౧౨ ||

సదైవ తే హతద్విషః పరం భవంతి సజ్జుషః |
జరాః పరే శివేఽధునా ప్రసాధి మాం కరోమి కిమ్ || ౧౩ ||

అతీవ మోహితాత్మనో వృథా విచేష్టితస్య మే |
కురు ప్రసాదితం మనో యథాస్మి జన్మభంజనః || ౧౪ ||

తథా భవంతు తావకా యథైవ ఘోషితాలకాః |
ఇమాం స్తుతిం మమేరితాం పఠంతి కాళిసాధకాః |
న తే పునః సుదుస్తరే పతంతి మోహగహ్వరే || ౧౫ ||

ఇతి కాళీరహస్యే బ్రహ్మ కృత శ్రీ కాళీ స్తుతిః ||