ಶ್ರೀ ಕುಬೇರ ಸ್ತೋತ್ರಂ

|| ಶ್ರೀ ಕುಬೇರ ಸ್ತೋತ್ರಂ ||

ಕುಬೇರೋ ಧನದ ಶ್ರೀದಃ ರಾಜರಾಜೋ ಧನೇಶ್ವರಃ |
ಧನಲಕ್ಷ್ಮೀಪ್ರಿಯತಮೋ ಧನಾಢ್ಯೋ ಧನಿಕಪ್ರಿಯಃ || ೧ ||

ದಾಕ್ಷಿಣ್ಯೋ ಧರ್ಮನಿರತಃ ದಯಾವಂತೋ ಧೃಢವ್ರತಃ |
ದಿವ್ಯ ಲಕ್ಷಣ ಸಂಪನ್ನೋ ದೀನಾರ್ತಿ ಜನರಕ್ಷಕಃ || ೨ ||

ಧಾನ್ಯಲಕ್ಷ್ಮೀ ಸಮಾರಾಧ್ಯೋ ಧೈರ್ಯಲಕ್ಷ್ಮೀ ವಿರಾಜಿತಃ |
ದಯಾರೂಪೋ ಧರ್ಮಬುದ್ಧಿಃ ಧರ್ಮ ಸಂರಕ್ಷಣೋತ್ಸಕಃ || ೩ ||

ನಿಧೀಶ್ವರೋ ನಿರಾಲಂಬೋ ನಿಧೀನಾಂ ಪರಿಪಾಲಕಃ |
ನಿಯಂತಾ ನಿರ್ಗುಣಾಕಾರಃ ನಿಷ್ಕಾಮೋ ನಿರುಪದ್ರವಃ || ೪ ||

ನವನಾಗ ಸಮಾರಾಧ್ಯೋ ನವಸಂಖ್ಯಾ ಪ್ರವರ್ತಕಃ |
ಮಾನ್ಯಶ್ಚೈತ್ರರಥಾಧೀಶಃ ಮಹಾಗುಣಗಣಾನ್ವಿತಃ || ೫ ||

ಯಾಜ್ಞಿಕೋ ಯಜನಾಸಕ್ತಃ ಯಜ್ಞಭುಗ್ಯಜ್ಞರಕ್ಷಕಃ |
ರಾಜಚಂದ್ರೋ ರಮಾಧೀಶೋ ರಂಜಕೋ ರಾಜಪೂಜಿತಃ || ೬ ||

ವಿಚಿತ್ರವಸ್ತ್ರವೇಷಾಢ್ಯಃ ವಿಯದ್ಗಮನ ಮಾನಸಃ |
ವಿಜಯೋ ವಿಮಲೋ ವಂದ್ಯೋ ವಂದಾರು ಜನವತ್ಸಲಃ || ೭ ||

ವಿರೂಪಾಕ್ಷ ಪ್ರಿಯತಮೋ ವಿರಾಗೀ ವಿಶ್ವತೋಮುಖಃ |
ಸರ್ವವ್ಯಾಪ್ತೋ ಸದಾನಂದಃ ಸರ್ವಶಕ್ತಿ ಸಮನ್ವಿತಃ || ೮ ||

ಸಾಮದಾನರತಃ ಸೌಮ್ಯಃ ಸರ್ವಬಾಧಾನಿವಾರಕಃ |
ಸುಪ್ರೀತಃ ಸುಲಭಃ ಸೋಮೋ ಸರ್ವಕಾರ್ಯಧುರಂಧರಃ || ೯ ||

ಸಾಮಗಾನಪ್ರಿಯಃ ಸಾಕ್ಷಾದ್ವಿಭವ ಶ್ರೀ ವಿರಾಜಿತಃ |
ಅಶ್ವವಾಹನ ಸಂಪ್ರೀತೋ ಅಖಿಲಾಂಡ ಪ್ರವರ್ತಕಃ || ೧೦ ||

ಅವ್ಯಯೋರ್ಚನ ಸಂಪ್ರೀತಃ ಅಮೃತಾಸ್ವಾದನ ಪ್ರಿಯಃ |
ಅಲಕಾಪುರಸಂವಾಸೀ ಅಹಂಕಾರವಿವರ್ಜಿತಃ || ೧೧ ||

ಉದಾರಬುದ್ಧಿರುದ್ದಾಮವೈಭವೋ ನರವಾಹನಃ |
ಕಿನ್ನರೇಶೋ ವೈಶ್ರವಣಃ ಕಾಲಚಕ್ರಪ್ರವರ್ತಕಃ || ೧೨ ||

ಅಷ್ಟಲಕ್ಷ್ಮ್ಯಾ ಸಮಾಯುಕ್ತಃ ಅವ್ಯಕ್ತೋಽಮಲವಿಗ್ರಹಃ |
ಲೋಕಾರಾಧ್ಯೋ ಲೋಕಪಾಲೋ ಲೋಕವಂದ್ಯೋ ಸುಲಕ್ಷಣಃ || ೧೩ ||

ಸುಲಭಃ ಸುಭಗಃ ಶುದ್ಧೋ ಶಂಕರಾರಾಧನಪ್ರಿಯಃ |
ಶಾಂತಃ ಶುದ್ಧಗುಣೋಪೇತಃ ಶಾಶ್ವತಃ ಶುದ್ಧವಿಗ್ರಹಃ || ೧೪ ||

ಸರ್ವಾಗಮಜ್ಞೋ ಸುಮತಿಃ ಸರ್ವದೇವಗಣಾರ್ಚಕಃ |
ಶಂಖಹಸ್ತಧರಃ ಶ್ರೀಮಾನ್ ಪರಂ ಜ್ಯೋತಿಃ ಪರಾತ್ಪರಃ || ೧೫ ||

ಶಮಾದಿಗುಣಸಂಪನ್ನಃ ಶರಣ್ಯೋ ದೀನವತ್ಸಲಃ |
ಪರೋಪಕಾರೀ ಪಾಪಘ್ನಃ ತರುಣಾದಿತ್ಯಸನ್ನಿಭಃ || ೧೬ ||

ದಾಂತಃ ಸರ್ವಗುಣೋಪೇತಃ ಸುರೇಂದ್ರಸಮವೈಭವಃ |
ವಿಶ್ವಖ್ಯಾತೋ ವೀತಭಯಃ ಅನಂತಾನಂತಸೌಖ್ಯದಃ || ೧೭ ||

ಪ್ರಾತಃ ಕಾಲೇ ಪಠೇತ್ ಸ್ತೋತ್ರಂ ಶುಚಿರ್ಭೂತ್ವಾ ದಿನೇ ದಿನೇ |
ತೇನ ಪ್ರಾಪ್ನೋತಿ ಪುರುಷಃ ಶ್ರಿಯಂ ದೇವೇಂದ್ರಸನ್ನಿಭಮ್ || ೧೮ ||

ಇತಿ ಶ್ರೀ ಕುಬೇರ ಸ್ತೋತ್ರಮ್ ||

Found a Mistake or Error? Report it Now