శ్రీ కాళికా షోడశోపచార పూజా PDF తెలుగు

|| శ్రీ కాళికా షోడశోపచార పూజా ||

పునః సంకల్పం –
పూర్వోక్త ఏవం గుణ విశేషణ విశిష్టాయాం శుభ తిథౌ శ్రీ కాళికా పరమేశ్వరీ అనుగ్రహ ప్రసాద సిద్ధిద్వారా సర్వశత్రుబాధా శాంత్యర్థం, మమ సర్వారిష్ట నివృత్త్యర్థం, సర్వకార్య సిద్ధ్యర్థం, శ్రీ కాళికా పరమేశ్వరీ ప్రీత్యర్థం ధ్యాన ఆవాహనాది షోడశోపచార పూజాం కరిష్యే ||

ధ్యానం –
శవారూఢాం మహాభీమాం ఘోరదంష్ట్రాం హసన్ముఖీం
చతుర్భుజాం ఖడ్గముండవరాభయకరాం శివామ్ |
ముండమాలాధరాం దేవీం లలజ్జిహ్వాం దిగంబరాం
ఏవం సంచింతయేత్కాళీం శ్మశానాలయవాసినీమ్ || ౧ ||
యా కాళికా రోగహరా సువంద్యా-
-ర్వశ్యైః సమస్తైర్వ్యవహారదక్షైః |
జనైర్జనానాం భయహారిణీ చ
సా దేవమాతా మయి సౌఖ్యదాత్రీ || ౨ ||
యా మాయా ప్రకృతిశక్తిశ్చండముండవిమర్దినీ |
సా పూజ్యా సర్వదేవైశ్చ హ్యస్మాకం వరదా భవ || ౩ ||
ఓం శ్రీకాళికా దేవ్యై నమః ధ్యాయామి |

ఆవాహనం –
ఆగచ్ఛ వరదే దేవి దైత్యదర్పనిషూదినీ |
పూజాం గృహాణ సుముఖి నమస్తే శంకరప్రియే ||
ఓం శ్రీకాళికా దేవ్యై నమః ఆవాహయామి |

ఆసనం –
అనేకరత్నసంయుక్తం నానామణిగణాన్వితమ్ |
కార్తస్వరమయం దివ్యమానసం ప్రతిగృహ్యతామ్ ||
ఓం శ్రీకాళికా దేవ్యై నమః సువర్ణసింహాసనం సమర్పయామి |

పాద్యం –
గంగాది సర్వతీర్థేభ్యో మయా ప్రార్థనయాఽఽహృతమ్ |
తోయమేతత్సుఖస్పర్శ పాద్యర్థం ప్రతిగృహ్యతామ్ ||
ఓం శ్రీకాళికా దేవ్యై నమః పాదయోః పాద్యం సమర్పయామి |

అర్ఘ్యం –
గంధపుష్పాక్షతైర్యుక్తమర్ఘ్యం సంపాదితం మయా |
గృహాణ త్వం మహాదేవి ప్రసన్నా భవ సర్వదా ||
ఓం శ్రీకాళికా దేవ్యై నమః హస్తయోః అర్ఘ్యం సమర్పయామి |

ఆచమనీయం –
ఆచమ్యతాం త్వయా దేవి భక్తిర్మే హ్యచలాం కురు |
ఈప్సితాం మే వరం దేహి పరత్ర చ పరాం గతిమ్ ||
ఓం శ్రీకాళికా దేవ్యై నమః ముఖే ఆచమనీయం సమర్పయామి |

పంచామృత స్నానం –
పయోధధి ఘృతం క్షౌద్రం సితయా చ సమన్వితమ్ |
పంచామృతమనేనాద్య కురు స్నానం దయానిధే ||
ఓం శ్రీకాళికా దేవ్యై నమః పంచామృతస్నానం సమర్పయామి |

స్నానం –
జాహ్నవీతోయమానీతం శుభం కర్పూరసంయుతమ్ |
స్నాపయామి సురశ్రేష్ఠే త్వాం పుత్రాది ఫలప్రదాన్ ||
ఓం శ్రీకాళికా దేవ్యై నమః శుద్ధోదకస్నానం సమర్పయామి |
స్నానానంతరం శుద్ధాచమనీయం సమర్పయామి |

వస్త్రం –
వస్త్రం చ సోమదైవత్యం లజ్జాయాస్తు నివారణమ్ |
మయా నివేదితం భక్త్యా గృహాణ పరమేశ్వరీ ||
ఓం శ్రీకాళికా దేవ్యై నమః వస్త్రం సమర్పయామి |

ఉపవస్త్రం –
యామాశ్రిత్య మహామాయా జగత్ సమ్మోహినీ సదా |
తస్యై తే పరమేశాని కల్పయామ్యుత్తరీయకమ్ ||
ఓం శ్రీకాళికా దేవ్యై నమః ఉపవస్త్రం సమర్పయామి |

ఆభరణం –
స్వభావ సుందరాంగార్థే నానాశక్త్యాశ్రితే శివే |
భూషణాని విచిత్రాణి కల్పయామ్యమరార్చితే ||
ఓం శ్రీకాళికా దేవ్యై నమః ఆభరణాని సమర్పయామి |

గంధం –
పరమానంద సౌభాగ్య పరిపూర్ణ దిగంతరే |
గృహాణ పరమం గంధం కృపయా పరమేశ్వరి ||
ఓం శ్రీకాళికా దేవ్యై నమః గంధం సమర్పయామి |

కుంకుమం –
కుంకుమం కాంతిదం దివ్యం కామినీ కామసంభవమ్ |
కుంకుమేనార్చితే దేవి ప్రసీద పరమేశ్వరి ||
ఓం శ్రీకాళికా దేవ్యై నమః కుంకుమం సమర్పయామి |

సిందూరం –
సిందూరమరుణాభాసం జపాకుసుమసన్నిభమ్ |
పూజితాసి మహాదేవి ప్రసీద పరమేశ్వరీ ||
ఓం శ్రీకాళికా దేవ్యై నమః సిందూరం సమర్పయామి |

కజ్జలం –
చక్షుభ్యాం కజ్జలం రమ్యం సుభగే శక్తికారికే |
కర్పూరజ్యోతిరుత్పన్నం గృహాణ పరమేశ్వరి ||
ఓం శ్రీకాళికా దేవ్యై నమః కజ్జలం సమర్పయామి |

హరిద్రా –
హరిద్రారంజితే దేవి సుఖసౌభాగ్యదాయిని |
తస్మాత్త్వం పూజయామ్యత్ర సుఖశాంతిం ప్రయచ్ఛ మే ||
ఓం శ్రీకాళికా దేవ్యై నమః హరిద్రాచూర్ణం సమర్పయామి |

పరిమళ ద్రవ్యాణి –
చందనాగరు కర్పూరం కుంకుమం రోచనం తథా |
కస్తూర్యాది సుగంధాంశ్చ సర్వాంగేషు విలేపయే ||
ఓం శ్రీకాళికా దేవ్యై నమః నానావిధ పరిమళ ద్రవ్యాణి సమర్పయామి |

సౌభాగ్య సూత్రం –
సౌభాగ్యసూత్రం వరదే సువర్ణమణిసంయుతే |
కంఠే గృహాణ దేవేశి సౌభాగ్యం దేహి మే సదా ||
ఓం శ్రీకాళికా దేవ్యై నమః సౌభాగ్య సూత్రం సమర్పయామి |

అక్షతాన్ –
రంజితా కుంకుమౌఘేన అక్షతాశ్చాపి శోభనాః |
మమైషాం దేవి దానేన ప్రసన్నాభవమీశ్వరీ ||
ఓం శ్రీకాళికా దేవ్యై నమః అక్షతాన్ సమర్పయామి |

పుష్పమాలా –
సురభిం పుష్పనిచయైర్గ్రథితం శుభమాలికామ్ |
దదామి తవ శోభార్థం గృహాణ పరమేశ్వరి ||
ఓం శ్రీకాళికా దేవ్యై నమః పుష్పమాలాన్ సమర్పయామి |

పుష్పాణి –
మందార పారిజాతాది పాటలీ కేతకాని చ |
జాతీ చంపక పుష్పాణి గృహాణ పరమేశ్వరీ ||
ఓం శ్రీకాళికా దేవ్యై నమః పుష్పాణి సమర్పయామి |

బిల్వపత్రం –
అమృతోద్భవ శ్రీవృక్షో మహాదేవి ప్రియః సదా |
బిల్వపత్రం ప్రయచ్ఛామి పవిత్రం తే సురేశ్వరీ ||
ఓం శ్రీకాళికా దేవ్యై నమః బిల్వపత్రం సమర్పయామి |

అథ అష్టోత్తరశతనామ పూజా –

శ్రీ కాళీ అష్టోత్తరశతనామావళీ పశ్యతు |

ధూపం –
దశాంగ గుగ్గులం ధూపం చందనాగరు సంయుతమ్ |
సమర్పితం మయా భక్త్యా మహాదేవి ప్రగృహ్యతామ్ ||
ఓం శ్రీకాళికా దేవ్యై నమః ధూపమాఘ్రాపయామి |

దీపం –
ఘృతవర్తిసమాయుక్తం మహాతేజో మహోజ్జ్వలమ్ |
దీపం దాస్యామి దేవేశి సుప్రీతా భవ సర్వదా ||
ఓం శ్రీకాళికా దేవ్యై నమః దీపం దర్శయామి |

నైవేద్యం –
అన్నం చతుర్విధం స్వాదు రసైః షడ్భిః సమన్వితమ్ |
నైవేద్యం గృహ్యతాం దేవి భక్తిర్మేహ్యచలాం కురు ||
ఓం శ్రీకాళికా దేవ్యై నమః నైవేద్యం సమర్పయామి |

ఋతుఫలం –
ద్రాక్షా ఖర్జూర కదలీ పనసామ్రకపిత్యకమ్ |
నారికేలేక్షుజంబ్వాది ఫలాని ప్రతిగృహ్యతామ్ ||
ఓం శ్రీకాళికా దేవ్యై నమః ఋతుఫలం సమర్పయామి |

ఆచమనీయజలం –
కామారివల్లభే దేవి కుర్వాచమనమంబికే |
నిరంతరమహం వందే చరణౌ తవ చండికే ||
ఓం శ్రీకాళికా దేవ్యై నమః నైవేద్యానంతరం ఆచమనీయజలం సమర్పయామి |

తాంబూలం –
ఏలాలవంగ కస్తూరీ కర్పూరైః సుష్ఠువాసితామ్ |
వీటికాం ముఖవాసార్థమర్పయామి సురేశ్వరి ||
ఓం శ్రీకాళికా దేవ్యై నమః తాంబూలం సమర్పయామి |

దక్షిణ (స్వర్ణం)-
పూజాఫలసమృద్ధ్యర్థం తవాగ్రే స్వర్ణమీశ్వరి |
స్థాపితం తేన మే ప్రీతా పూర్ణాన్ కురు మనోరథాన్ ||
ఓం శ్రీకాళికా దేవ్యై నమః దక్షిణాన్ సమర్పయామి |

నీరాజనం –
నీరాజనం సుమంగళ్యం కర్పూరేణ సమన్వితమ్ |
చంద్రార్కవహ్ని సదృశం మహాదేవి నమోఽస్తు తే ||
ఓం శ్రీకాళికా దేవ్యై నమః నీరాజనం సమర్పయామి |

మంత్రపుష్పం –
ఓం కాళికాయై చ విద్మహే శ్మశానవాసిన్యై ధీమహి తన్నోఽఘోరా ప్రచోదయాత్ |
ఓం శ్రీకాళికా దేవ్యై నమః మంత్రపుష్పం సమర్పయామి |

ప్రదక్షిణ –
నమస్తే దేవి దేవేశి నమస్తే ఈప్సితప్రదే |
నమస్తే జగతాం ధాత్రి నమస్తే భక్తవత్సలే ||
ఓం శ్రీకాళికా దేవ్యై నమః ఆత్మప్రదక్షిణ నమస్కారాన్ సమర్పయామి |

సాష్టాంగ నమస్కారం –
నమః సర్వహితార్థాయై జగదాధార హేతవే |
సాష్టాంగోఽయం ప్రణామస్తు ప్రయత్నేన మయా కృతః ||
ఓం శ్రీకాళికా దేవ్యై నమః సాష్టాంగ నమస్కారాన్ సమర్పయామి |

క్షమా ప్రార్థనా –
అపరాధ సహస్రాణి క్రియంతేఽహర్నిశం మయా |
దాసోఽయమితి మాం మత్వా క్షమస్వ పరమేశ్వరి ||
ఆవాహనం న జానామి న జానామి విసర్జనమ్ |
పూజావిధిం న జానామి క్షమస్వ పరమేశ్వరి ||
మంత్రహీనం క్రియాహీనం భక్తిహీనం పరాత్పరే |
యత్పూజితం మయా దేవి పరిపూర్ణం తదస్తు తే ||

అనయా మయా కృతేన ధ్యాన ఆవాహనాది షోడశోపచార పూజనేన భగవతీ సర్వాత్మికా శ్రీ కాళికా పరమేశ్వరీ సుప్రీతా సుప్రసన్నా వరదా భవంతు ||

తీర్థప్రసాద గ్రహణం –
అకాలమృత్యహరణం సర్వవ్యాధినివారణం ||
సమస్తపాపక్షయకరం మాతృపాదోదకం శుభం ||
ఓం శ్రీకాళికా దేవ్యై నమః ప్రసాదం శిరసా గృహ్ణామి |

విసర్జనం –
ఇదం పూజా మయా దేవి యథాశక్త్యుపపాదితామ్ |
రక్షార్థం త్వం సమదాయ వ్రజస్థానమనుత్తమమ్ ||
ఓం శ్రీకాళికా దేవ్యై నమః యథాస్థానముద్వాసయామి |

ఓం శాంతిః శాంతిః శాంతిః |