శ్రీ మనసా దేవీ ద్వాదశనామ స్తోత్రం (నాగభయ నివారణ స్తోత్రం) PDF తెలుగు

Download PDF of Sri Manasa Devi Dwadasa Nama Stotram Naga Bhaya Nivarana Stotram Telugu

జరత్కారుర్జగద్గౌరీ మనసా సిద్ధయోగినీ |
వైష్ణవీ నాగభగినీ శైవీ నాగేశ్వరీ తథా || ౧ ||

జరత్కారుప్రియాఽఽస్తీకమాతా విషహరీతీ చ |
మహాజ్ఞానయుతా చైవ సా దేవీ విశ్వపూజితా || ౨ ||

ద్వాదశైతాని నామాని పూజాకాలే చ యః పఠేత్ |
తస్య నాగభయం నాస్తి తస్య వంశోద్భవస్య చ || ౩ ||

నాగభీతే చ శయనే నాగగ్రస్తే చ మందిరే |
నాగక్షతే నాగదుర్గే నాగవేష్టితవిగ్రహే || ౪ ||

ఇదం స్తోత్రం పఠిత్వా తు ముచ్యతే నాత్ర సంశయః |
నిత్యం పఠేద్యస్తం దృష్ట్వా నాగవర్గః పలాయతే || ౫ ||

దశలక్షజపేనైవ స్తోత్రసిద్ధిర్భవేన్నృణామ్ |
స్తోత్రం సిద్ధిం భవేద్యస్య స విషం భోక్తుమీశ్వరః || ౬ ||

నాగౌఘం భూషణం కృత్వా స భవేన్నాగవాహనః |
నాగాసనో నాగతల్పో మహాసిద్ధో భవేన్నరః || ౭ ||

ఇతి శ్రీబ్రహ్మవైవర్తమహాపురాణే ప్రకృతిఖండే పంచచత్వారింశోఽధ్యాయే శ్రీ మనసాదేవీ ద్వాదశనామ స్తోత్రమ్ ||

Stay updated with the latest Hindu Text, updates, and exclusive content. Join our WhatsApp channel now!

READ WITHOUT DOWNLOAD
శ్రీ మనసా దేవీ ద్వాదశనామ స్తోత్రం (నాగభయ నివారణ స్తోత్రం)

Download this PDF