|| Sri Mattapalli Narasimha Mangalashtakam ||
maṭṭapallinivāsāya madhurānandarūpiṇē |
mahāyajñasvarūpāya śrīnr̥siṁhāya maṅgalam || 1 ||
kr̥ṣṇavēṇītaṭasthāya sarvābhīṣṭapradāyinē |
prahlādapriyarūpāya śrīnr̥siṁhāya maṅgalam || 2 ||
kartasthitāya dhīrāya gambhīrāya mahātmanē |
sarvāriṣṭavināśāya śrīnr̥siṁhāya maṅgalam || 3 ||
r̥gyajuḥ sāmarūpāya mantrārūḍhāya dhīmatē |
śritānāṁ kalpavr̥kṣāya śrīnr̥siṁhāya maṅgalam || 4 ||
guhāśayāya guhyāya guhyavidyāsvarūpiṇē |
guharāntē vihārāya śrīnr̥siṁhāya maṅgalam || 5 ||
śrīpalyadrimadhyasthāya nidhayē madhurāya ca |
sukhapradāya dēvāya śrīnr̥siṁhāya maṅgalam || 6 ||
tāpanīyarahasyāya tāpatrayavināśinē |
natānāṁ pārijātāya śrīnr̥siṁhāya maṅgalam || 7 ||
rājyalakṣmyā samētāya rāgadvēṣavināśinē
maṭṭapallinivāsāya śrīnr̥siṁhāya maṅgalam || 8 ||
mukkūr nr̥siṁhadāsēna prōktaṁ maṅgalamadbhutam |
yaḥ paṭhēcchraddhayā bhaktyā sarvapāpairvimucyatē || 9 ||
iti śrīmukkūr lakṣmīnr̥siṁhasvāminā anugr̥hītaṁ śrī maṭṭapalli nr̥siṁha maṅgalāṣṭakam |
Found a Mistake or Error? Report it Now
