శ్రీ రాధా స్తోత్రం (ఉద్ధవ కృతం) PDF తెలుగు

శ్రీ రాధా స్తోత్రం (ఉద్ధవ కృతం) తెలుగు Lyrics

|| శ్రీ రాధా స్తోత్రం (ఉద్ధవ కృతం) ||

వందే రాధాపదాంభోజం బ్రహ్మాదిసురవిందతమ్ |
యత్కీర్తిః కీర్తనేనైవ పునాతి భువనత్రయమ్ || ౧ ||

నమో గోకులవాసిన్యై రాధికాయై నమో నమః |
శతశృంగనివాసిన్యై చంద్రావత్యై నమో నమః || ౨ ||

తులసీవనవాసిన్య వృందారణ్యై నమో నమః |
రాసమండలవాసిన్యై రాసేశ్వర్యై నమో నమః || ౩ ||

విరజాతీరవాసిన్యై వృందాయై చ నమో నమః |
వృందావనవిలాసిన్యై కృష్ణాయై చ నమో నమః || ౪ ||

నమః కృష్ణప్రియాయై చ శాంతాయై చ నమో నమః |
కృష్ణవక్షఃస్థితాయై చ తత్ప్రియాయై నమో నమః || ౫ ||

నమో వైకుంఠవాసిన్యై మహాలక్ష్మ్యై నమో నమః |
విద్యాధిష్ఠాతృదేవ్యై చ సరస్వత్యై నమో నమః || ౬ ||

సర్వైశ్వర్యాధిదేవ్యై చ కమలాయై నమో నమః |
పద్మనాభప్రియాయై చ పద్మాయై చ నమో నమః || ౭ ||

మహావిష్ణోశ్చ మాత్రే చ పరాద్యాయై నమో నమః |
నమః సింధుసుతాయై చ మర్త్యలక్ష్మ్యై నమో నమః || ౮ ||

నారాయణప్రియాయై చ నారాయణ్యై నమో నమః |
నమోఽస్తు విష్ణుమాయాయై వైష్ణవ్యై చ నమో నమః || ౯ ||

మహామాయాస్వరూపాయై సంపదాయై నమో నమః |
నమః కళ్యాణరూపిణ్యై శుభాయై చ నమో నమః || ౧౦ ||

మాత్రే చతుర్ణాం వేదానాం సావిత్ర్యై చ నమో నమః |
నమోఽస్తు బుద్ధిరూపాయై జ్ఞానదాయై నమో నమః || ౧౧ ||

నమో దుర్గవినాశిన్యై దుర్గాదేవ్యై నమో నమః |
తేజఃసు సర్వదేవానాం పురా కృతయుగే ముదా || ౧౨ ||

అధిష్ఠానకృతాయై చ ప్రకృత్యై చ నమో నమః |
నమస్త్రిపురహారిణ్యై త్రిపురాయై నమో నమః || ౧౩ ||

సుందరీషు చ రమ్యాయై నిర్గుణాయై నమో నమః |
నమో నిద్రాస్వరూపాయై నిర్గుణాయై నమో నమః || ౧౪ ||

నమో దక్షసుతాయై చ నమః సత్యై నమో నమః |
నమః శైలసుతాయై చ పార్వత్యై చ నమో నమః || ౧౫ ||

నమో నమస్తపస్విన్యై హ్యుమాయై చ నమో నమః |
నిరాహారస్వరూపాయై హ్యపర్ణాయై నమో నమః || ౧౬ ||

గౌరీలౌకవిలాసిన్యై నమో గౌర్యై నమో నమః |
నమః కైలాసవాసిన్యై మాహేశ్వర్యైః నమో నమః || ౧౭ ||

నిద్రాయై చ దయాయై చ శ్రద్ధాయై చ నమో నమః |
నమో ధృత్యై క్షమాయై చ లజ్జాయై చ నమో నమః || ౧౮ ||

తృష్ణాయై క్షుత్స్వరూపాయై స్థితికర్త్ర్యై నమో నమః |
నమః సంహారరూపిణ్యై మహామార్యై నమో నమః || ౧౯ ||

భయాయై చాభయాయై చ ముక్తిదాయై నమో నమః |
నమః స్వధాయై స్వాహాయై శాంత్యై కాంత్యై నమో నమః || ౨౦ ||

నమస్తుష్ట్యై చ పుష్ట్యై చ దయాయై చ నమో నమః |
నమో నిద్రాస్వరూపాయై శ్రద్ధాయై చ నమో నమః || ౨౧ ||

క్షుత్పిపాసాస్వరూపాయై లజ్జాయై చ నమో నమః |
నమో ధృత్యై క్షమాయై చ చేతనాయై నమో నమః || ౨౨ ||

సర్వశక్తిస్వరూపిణ్యై సర్వమాత్రే నమో నమః |
అగ్నౌ దాహస్వరూపాయై భద్రాయై చ నమో నమః || ౨౩ ||

శోభాయై పూర్ణచంద్రే చ శరత్పద్మే నమో నమః |
నాస్తి భేదో యథా దేవి దుగ్ధధావల్యయోః సదా || ౨౪ ||

యథైవ గంధభూమ్యోశ్చ యథైవ జలశైత్యయౌః |
యథైవ శబ్దనభసోర్జ్యోతిః సూర్యకయోర్యథా || ౨౫ ||

లోకే వేదే పురాణే చ రాధామాధవయోస్తథా |
చేతనం కురు కళ్యాణి దేహి మాముత్తరం సతి || ౨౬ ||

ఇత్యుక్త్వా చోద్ధవస్తత్ర ప్రణనామ పునః పునః |
ఇత్యుద్ధవకృతం స్తోత్రం యః పఠేద్భక్తిపూర్వకమ్ || ౨౭ ||

ఇహ లోకే సుఖం భుక్త్వా యాత్యంతే హరిమందిరమ్ |
న భవేద్బంధువిచ్ఛేదో రోగః శోకః సుదారుణః || ౨౮ ||

ప్రోషితా స్త్రీ లభేత్కాంతం భార్యాభేదీ లభేత్ ప్రియామ్ |
అపుత్రో లభతే పుత్రాన్నిర్ధనో లభతే ధనమ్ || ౨౯ ||

నిర్భూమిర్లభతే భూమిం ప్రజాహీనో లభేత్ ప్రజామ్ |
రోగాద్విముచ్యతే రోగీ బద్ధో ముచ్యేత బంధనాత్ || ౩౦ ||

భయాన్ముచ్యేత భీతస్తు ముచ్యేతాఽఽపన్న ఆపదః |
అస్పష్టకీర్తిః సుయశా మూర్ఖో భవతి పండితః || ౩౧ ||

ఇతి శ్రీబ్రహ్మవైవర్తే మహాపురాణే శ్రీకృష్ణజన్మఖండే ద్వినవతితమోఽధ్యాయే ఉద్ధవకృత శ్రీ రాధా స్తోత్రమ్ ||