ಶ್ರೀ ರಾಮದೂತ (ಆಂಜನೇಯ) ಸ್ತೋತ್ರಂ

|| ಶ್ರೀ ರಾಮದೂತ (ಆಂಜನೇಯ) ಸ್ತೋತ್ರಂ ||

ರಂ ರಂ ರಂ ರಕ್ತವರ್ಣಂ ದಿನಕರವದನಂ ತೀಕ್ಷ್ಣದಂಷ್ಟ್ರಾಕರಾಳಂ
ರಂ ರಂ ರಂ ರಮ್ಯತೇಜಂ ಗಿರಿಚಲನಕರಂ ಕೀರ್ತಿಪಂಚಾದಿ ವಕ್ತ್ರಮ್ |
ರಂ ರಂ ರಂ ರಾಜಯೋಗಂ ಸಕಲಶುಭನಿಧಿಂ ಸಪ್ತಭೇತಾಳಭೇದ್ಯಂ
ರಂ ರಂ ರಂ ರಾಕ್ಷಸಾಂತಂ ಸಕಲದಿಶಯಶಂ ರಾಮದೂತಂ ನಮಾಮಿ || ೧ ||

ಖಂ ಖಂ ಖಂ ಖಡ್ಗಹಸ್ತಂ ವಿಷಜ್ವರಹರಣಂ ವೇದವೇದಾಂಗದೀಪಂ
ಖಂ ಖಂ ಖಂ ಖಡ್ಗರೂಪಂ ತ್ರಿಭುವನನಿಲಯಂ ದೇವತಾಸುಪ್ರಕಾಶಮ್ |
ಖಂ ಖಂ ಖಂ ಕಲ್ಪವೃಕ್ಷಂ ಮಣಿಮಯಮಕುಟಂ ಮಾಯ ಮಾಯಾಸ್ವರೂಪಂ
ಖಂ ಖಂ ಖಂ ಕಾಲಚಕ್ರಂ ಸಕಲದಿಶಯಶಂ ರಾಮದೂತಂ ನಮಾಮಿ || ೨ ||

ಇಂ ಇಂ ಇಂ ಇಂದ್ರವಂದ್ಯಂ ಜಲನಿಧಿಕಲನಂ ಸೌಮ್ಯಸಾಮ್ರಾಜ್ಯಲಾಭಂ
ಇಂ ಇಂ ಇಂ ಸಿದ್ಧಿಯೋಗಂ ನತಜನಸದಯಂ ಆರ್ಯಪೂಜ್ಯಾರ್ಚಿತಾಂಗಮ್ |
ಇಂ ಇಂ ಇಂ ಸಿಂಹನಾದಂ ಅಮೃತಕರತಲಂ ಆದಿಅಂತ್ಯಪ್ರಕಾಶಂ
ಇಂ ಇಂ ಇಂ ಚಿತ್ಸ್ವರೂಪಂ ಸಕಲದಿಶಯಶಂ ರಾಮದೂತಂ ನಮಾಮಿ || ೩ ||

ಸಂ ಸಂ ಸಂ ಸಾಕ್ಷಿಭೂತಂ ವಿಕಸಿತವದನಂ ಪಿಂಗಲಾಕ್ಷಂ ಸುರಕ್ಷಂ
ಸಂ ಸಂ ಸಂ ಸತ್ಯಗೀತಂ ಸಕಲಮುನಿನುತಂ ಶಾಸ್ತ್ರಸಂಪತ್ಕರೀಯಮ್ |
ಸಂ ಸಂ ಸಂ ಸಾಮವೇದಂ ನಿಪುಣ ಸುಲಲಿತಂ ನಿತ್ಯತತ್ತ್ವಸ್ವರೂಪಂ
ಸಂ ಸಂ ಸಂ ಸಾವಧಾನಂ ಸಕಲದಿಶಯಶಂ ರಾಮದೂತಂ ನಮಾಮಿ || ೪ ||

ಹಂ ಹಂ ಹಂ ಹಂಸರೂಪಂ ಸ್ಫುಟವಿಕಟಮುಖಂ ಸೂಕ್ಷ್ಮಸೂಕ್ಷ್ಮಾವತಾರಂ
ಹಂ ಹಂ ಹಂ ಅಂತರಾತ್ಮಂ ರವಿಶಶಿನಯನಂ ರಮ್ಯಗಂಭೀರಭೀಮಮ್ |
ಹಂ ಹಂ ಹಂ ಅಟ್ಟಹಾಸಂ ಸುರವರನಿಲಯಂ ಊರ್ಧ್ವರೋಮಂ ಕರಾಳಂ
ಹಂ ಹಂ ಹಂ ಹಂಸಹಂಸಂ ಸಕಲದಿಶಯಶಂ ರಾಮದೂತಂ ನಮಾಮಿ || ೫ ||

Found a Mistake or Error? Report it Now