Sri Ravi Ashtakam PDF English

|| Sri Ravi Ashtakam ||

udayādrimastakamahāmaṇiṁ lasat
kamalākaraikasuhr̥daṁ mahaujasam |
gadapaṅkaśōṣaṇamaghaughanāśanaṁ
śaraṇaṁ gatō:’smi ravimaṁśumālinam || 1 ||

timirāpahāranirataṁ nirāmayaṁ
nijarāgarañjitajagattrayaṁ vibhum |
gadapaṅkaśōṣaṇamaghaughanāśanaṁ
śaraṇaṁ gatō:’smi ravimaṁśumālinam || 2 ||

dinarātribhēdakaramadbhutaṁ paraṁ
suravr̥ndasaṁstutacaritramavyayam |
gadapaṅkaśōṣaṇamaghaughanāśanaṁ
śaraṇaṁ gatō:’smi ravimaṁśumālinam || 3 ||

śrutisārapāramajarāmayaṁ paraṁ
ramaṇīyavigrahamudagrarōciṣam |
gadapaṅkaśōṣaṇamaghaughanāśanaṁ
śaraṇaṁ gatō:’smi ravimaṁśumālinam || 4 ||

śukapakṣatuṇḍasadr̥śāśvamaṇḍalaṁ
acalāvarōhaparigītasāhasam |
gadapaṅkaśōṣaṇamaghaughanāśanaṁ
śaraṇaṁ gatō:’smi ravimaṁśumālinam || 5 ||

śrutitattvagamyamakhilākṣigōcaraṁ
jagadēkadīpamudayāstarāgiṇam |
gadapaṅkaśōṣaṇamaghaughanāśanaṁ
śaraṇaṁ gatō:’smi ravimaṁśumālinam || 6 ||

śritabhaktavatsalamaśēṣakalmaṣa-
-kṣayahētumakṣayaphalapradāyinam |
gadapaṅkaśōṣaṇamaghaughanāśanaṁ
śaraṇaṁ gatō:’smi ravimaṁśumālinam || 7 ||

ahamanvahaṁ saturagakṣatāṭavī-
-śatakōṭihālakamahāmahīdhanam |
gadapaṅkaśōṣaṇamaghaughanāśanaṁ
śaraṇaṁ gatō:’smi ravimaṁśumālinam || 8 ||

iti sauramaṣṭakamaharmukhē raviṁ
praṇipatya yaḥ paṭhati bhaktitō naraḥ |
sa vimucyatē sakalarōgakalmaṣaiḥ
savituḥ samīpamapi samyagāpnuyāt || 9 ||

iti śrī ravi aṣṭakam |