|| ஶ்ரீ ஶங்கரப⁴க³வத்பாத³ ஷோட³ஶோபசார பூஜா ||
புந꞉ ஸங்கல்பம் –
பூர்வோக்த ஏவம் கு³ண விஶேஷண விஶிஷ்டாயாம் ஶுப⁴திதௌ² வைதி³கமார்க³ ப்ரதிஷ்டா²பகாநாம் ஜக³த்³கு³ரூணாம் ஶ்ரீஶங்கரப⁴க³வத்பாத³பூஜாம் கரிஷ்யே ।
த்⁴யாநம் –
ஶ்ருதிஸ்ம்ருதிபுராணாநாமாலயம் கருணாலயம் ।
நமாமி ப⁴க³வத்பாத³ஶங்கரம் லோகஶங்கரம் ॥
அஸ்மிந் பி³ம்பே³ ஶ்ரீஶங்கரப⁴க³வத்பாத³ம் த்⁴யாயாமி ।
ஆவாஹநம் –
யமாஶ்ரிதா கி³ராம் தே³வீ நந்த³யத்யாத்மஸம்ஶ்ரிதாந் ।
தமாஶ்ரயே ஶ்ரியா ஜுஷ்டம் ஶங்கரம் கருணாநிதி⁴ம் ॥
ஶ்ரீஶங்கரப⁴க³வத்பாத³மாவாஹயாமி ।
ஆஸநம் –
ஶ்ரீகு³ரும் ப⁴க³வத்பாத³ம் ஶரண்யம் ப⁴க்தவத்ஸலம் ।
ஶிவம் ஶிவகரம் ஶுத்³த⁴மப்ரமேயம் நமாம்யஹம் ॥
ஶ்ரீஶங்கரப⁴க³வத்பாதா³ய நம꞉ ஆஸநம் ஸமர்பயாமி ।
பூர்ணகும்ப⁴ப்ரதா³நம் –
நித்யம் ஶுத்³த⁴ம் நிராகாரம் நிராபா⁴ஸம் நிரஞ்ஜநம் ।
நித்யபோ³த⁴ம் சிதா³நந்த³ம் கு³ரும் ப்³ரஹ்ம நமாம்யஹம் ॥
ஶ்ரீஶங்கரப⁴க³வத்பாதா³ய நம꞉ பூர்ணகும்ப⁴ம் ஸமர்பயாமி ।
பாத்³யம் –
ஸர்வதந்த்ரஸ்வதந்த்ராய ஸதா³த்மாத்³வைதரூபிணே ।
ஶ்ரீமதே ஶங்கரார்யாய வேதா³ந்தகு³ரவே நம꞉ ॥
ஶ்ரீஶங்கரப⁴க³வத்பாதா³ய நம꞉ பாத³யோ꞉ பாத்³யம் ஸமர்பயாமி ।
அர்க்⁴யம் –
வேதா³ந்தார்தா²பி⁴தா⁴நேந ஸர்வாநுக்³ரஹகாரிணம் ।
யதிரூபத⁴ரம் வந்தே³ ஶங்கரம் லோகஶங்கரம் ॥
ஶ்ரீஶங்கரப⁴க³வத்பாதா³ய நம꞉ ஹஸ்தயோ꞉ அர்க்⁴யம் ஸமர்பயாமி ।
ஆசமநீயம் –
ஸம்ஸாராப்³தி⁴நிஷண்ணாஜ்ஞநிகரப்ரோத்³தி³தீ⁴ர்ஷயா ।
க்ருதஸம்ஹநநம் வந்தே³ ப⁴க³வத்பாத³ஶங்கரம் ॥
ஶ்ரீஶங்கரப⁴க³வத்பாதா³ய நம꞉ ஆசமநீயம் ஸமர்பயாமி ।
ஸ்நாநம் –
யத்பாத³பங்கஜத்⁴யாநாத் தோடகாத்³யா யதீஶ்வரா꞉ ।
ப³பூ⁴வுஸ்தாத்³ருஶம் வந்தே³ ஶங்கரம் ஷண்மதேஶ்வரம் ॥
ஶ்ரீஶங்கரப⁴க³வத்பாதா³ய நம꞉ ஸ்நாபயாமி ।
ஸ்நாநாநந்தரம் ஆசமநீயம் ஸமர்பயாமி ।
வஸ்த்ரம் –
நம꞉ ஶ்ரீஶங்கராசார்யகு³ரவே ஶங்கராத்மநே ।
ஶரீரிணாம் ஶங்கராய ஶங்கரஜ்ஞாநஹேதவே ॥
ஶ்ரீஶங்கரப⁴க³வத்பாதா³ய நம꞉ வஸ்த்ரம் ஸமர்பயாமி ।
உபவீதம் –
ஹரளீலாவதாராய ஶங்கராய வரௌஜஸே ।
கைவல்யகலநாகல்பதரவே கு³ரவே நம꞉ ॥
ஶ்ரீஶங்கரப⁴க³வத்பாதா³ய நம꞉ உபவீதம் ஸமர்பயாமி ।
ருத்³ராக்ஷமாலா (ஆப⁴ரணம்) –
விசார்யம் ஸர்வவேதா³ந்தை꞉ ஸஞ்சார்யம் ஹ்ருத³யாம்பு³ஜே ।
ப்ரசார்யம் ஸர்வலோகேஷு ஆசார்யம் ஶங்கரம் ப⁴ஜே ॥
ஶ்ரீஶங்கரப⁴க³வத்பாதா³ய நம꞉ ருத்³ராக்ஷமாலாம் ஸமர்பயாமி ।
க³ந்த⁴ம் –
யா(அ)நுபூ⁴தி꞉ ஸ்வயஞ்ஜ்யோதிராதி³த்யேஶாநவிக்³ரஹா ।
ஶங்கராக்²யா ச தந்நௌமி ஸுரேஶ்வரகு³ரும் பரம் ॥
ஶ்ரீஶங்கரப⁴க³வத்பாதா³ய நம꞉ க³ந்த⁴ ப⁴ஸ்மாதி³கம் ஸமர்பயாமி ।
த³ண்ட³ம் –
ஆநந்த³க⁴நமத்³வந்த³ம் நிர்விகாரம் நிரஞ்ஜநம் ।
ப⁴ஜே(அ)ஹம் ப⁴க³வத்பாத³ம் ப⁴ஜதாமப⁴யப்ரத³ம் ॥
ஶ்ரீஶங்கரப⁴க³வத்பாதா³ய நம꞉ த³ண்ட³ம் ஸமர்பயாமி ।
அக்ஷதாந் –
தம் வந்தே³ ஶங்கராசார்யம் லோகத்ரிதயஶங்கரம் ।
ஸத்தர்கநக²ரோத்³கீ³ர்ண வாவதூ³கமதங்க³ஜம் ॥
ஶ்ரீஶங்கரப⁴க³வத்பாதா³ய நம꞉ அக்ஷதாந் ஸமர்பயாமி ।
புஷ்பமாலா –
நமாமி ஶங்கராசார்யகு³ருபாத³ஸரோருஹம் ।
யஸ்ய ப்ரஸாதா³ந்மூடோ⁴(அ)பி ஸர்வஜ்ஞோ ப⁴வதி ஸ்வயம் ॥
ஶ்ரீஶங்கரப⁴க³வத்பாதா³ய நம꞉ புஷ்பமாலாம் ஸமர்பயாமி ।
அஷ்டோத்தரஶதநாம பூஜா –
ஶ்ரீ ஶங்கரப⁴க³வத்பாத³ அஷ்டோத்தரஶதநாமாவளீ பஶ்யது ॥
தூ⁴பம் –
ஸம்ஸாரஸாக³ரம் கோ⁴ரம் அநந்தக்லேஶபா⁴ஜநம் ।
த்வாமேவ ஶரணம் ப்ராப்ய நிஸ்தரந்தி மநீஷிண꞉ ॥
ஶ்ரீஶங்கரப⁴க³வத்பாதா³ய நம꞉ தூ⁴பமாக்⁴ராபயாமி ।
தீ³பம் –
நமஸ்தஸ்மை ப⁴க³வதே ஶங்கராசார்யரூபிணே ।
யேந வேதா³ந்தவித்³யேயம் உத்³த்⁴ருதா வேத³ஸாக³ராத் ॥
ஶ்ரீஶங்கரப⁴க³வத்பாதா³ய நம꞉ தீ³பம் த³ர்ஶயாமி ।
நைவேத்³யம் –
ப⁴க³வத்பாத³பாதா³ப்³ஜபாம்ஸவ꞉ ஸந்து ஸந்ததம் ।
அபாராஸார ஸம்ஸாரஸாக³ரோத்தார ஸேதவ꞉ ॥
ஶ்ரீஶங்கரப⁴க³வத்பாதா³ய நம꞉ மஹாநைவேத்³யம் நிவேத³யாமி ।
நிவேத³நாநந்தரம் ஆசமநீயம் ஸமர்பயாமி ।
ஹஸ்தப்ரக்ஷாலந பாத³ப்ரக்ஷாலநாதி³கம் ஸமர்பயாமி ।
தாம்பூ³லம் ஸமர்பயாமி ।
நீராஜநம் –
அஜ்ஞாநதிமிராந்த⁴ஸ்ய ஜ்ஞாநாஞ்ஜநஶலாகயா ।
சக்ஷுருந்மீலிதம் யேந தஸ்மை ஶ்ரீகு³ரவே நம꞉ ॥
ஶ்ரீஶங்கரப⁴க³வத்பாதா³ய நம꞉ கர்பூரநீராஜநம் த³ர்ஶயாமி ।
நீராஜநாநந்தரம் ஆசமநீயம் ஸமர்பயாமி ।
ப்ரத³க்ஷிண –
ஆசார்யாந் ப⁴க³வத்பாதா³ந் ஷண்மதஸ்தா²பகாந் ஹிதாந் ।
பரஹம்ஸாந்நுமோ(அ)த்³வைதஸ்தா²பகாந் ஜக³தோ கு³ரூந் ॥
ஶ்ரீஶங்கரப⁴க³வத்பாதா³ய நம꞉ ப்ரத³க்ஷிண நமஸ்காராந் ஸமர்பயாமி ।
ப்ரார்த²நா –
கு³ருர்ப்³ரஹ்மா கு³ருர்விஷ்ணுர்கு³ருர்தே³வோ மஹேஶ்வர꞉ ।
கு³ருரேவ பரம் ப்³ரஹ்ம தஸ்மை ஶ்ரீகு³ரவே நம꞉ ॥
அக²ண்ட³மண்ட³லாகாரம் வ்யாப்தம் யேந சராசரம் ।
தத்பத³ம் த³ர்ஶிதம் யேந தஸ்மை ஶ்ரீகு³ரவே நம꞉ ॥
அநேகஜந்ம ஸம்ப்ராப்த கர்மப³ந்த⁴ விதா³ஹிநே ।
ஆத்மஜ்ஞாந ப்ரதா³நேந தஸ்மை ஶ்ரீகு³ரவே நம꞉ ॥
விஶுத்³த⁴ விஜ்ஞாநக⁴நம் ஶுசிஹார்த³ம் தமோநுத³ம் ।
த³யாஸிந்து⁴ம் லோகப³ந்து⁴ம் ஶங்கரம் நௌமி ஸத்³கு³ரும் ॥
தே³ஹபு³த்³த்⁴யா து தா³ஸோ(அ)ஸ்மி ஜீவபு³த்³த்⁴யா த்வத³ம்ஶக꞉ ।
ஆத்மபு³த்³த்⁴யா த்வமேவாஹமிதி மே நிஶ்சிதா மதி꞉ ॥
ஏக꞉ ஶாகீ² ஶங்கராக்²யஶ்சதுர்தா⁴
ஸ்தா²நம் பே⁴ஜே தாபஶாந்த்யை ஜநாநாம் ।
ஶிஷ்யஸ்கந்தை⁴꞉ ஶிஷ்ய ஶாகை²ர்மஹத்³பி⁴꞉
ஜ்ஞாநம் புஷ்பம் யத்ர மோக்ஷ꞉ ப்ரஸூதி꞉ ॥
கா³மாக்ரம்ய பதே³(அ)தி⁴காஞ்சி நிபி³ட³ம் ஸ்கந்தை⁴ஶ்சதுர்பி⁴ஸ்ததா²
வ்யாவ்ருண்வந் பு⁴வநாந்தரம் பரிஹரம்ஸ்தாபம் ஸமோஹஜ்வரம் ।
ய꞉ ஶாகீ² த்³விஜஸம்ஸ்துத꞉ ப²லதி தத் ஸ்வாத்³யம் ரஸாக்²யம் ப²லம்
தஸ்மை ஶங்கரபாதா³ய மஹதே தந்ம꞉ த்ரிஸந்த்⁴யம் நம꞉ ॥
தோடகாஷ்டகம் >>
கு³ருபாதோ³த³கப்ராஶநம் –
அவித்³யாமூலநாஶாய ஜந்மகர்மநிவ்ருத்தயே ।
ஜ்ஞாநவைராக்³யஸித்³த்⁴யர்த²ம் கு³ருபாதோ³த³கம் ஶுப⁴ம் ॥
கு³ருபாதோ³த³கம் ப்ராஶயாமி ।
ஸமர்பணம் –
காயேந வாசா மநஸேந்த்³ரியைர்வா
பு³த்³த்⁴யாத்மநா வா ப்ரக்ருதே꞉ ஸ்வபா⁴வாத் ।
கரோமி யத்³யத் ஸகலம் பரஸ்மை
நாராயணாயேதி ஸமர்பயாமி ॥
அநயா பூஜயா ஸர்வதே³வாத்மக꞉ ப⁴க³வாந் ஶ்ரீஜக³த்³கு³ரு꞉ ப்ரீயதாம் ॥
ஓம் தத் ஸத் ॥
Found a Mistake or Error? Report it Now
