శ్రీ సుదర్శన చక్ర స్తోత్రం (గరుడపురాణే) PDF తెలుగు

Download PDF of Sri Sudarshana Chakra Stotram Telugu

హరిరువాచ |
నమః సుదర్శనాయైవ సహస్రాదిత్యవర్చసే |
జ్వాలామాలాప్రదీప్తాయ సహస్రారాయ చక్షుషే || ౧ ||

సర్వదుష్టవినాశాయ సర్వపాతకమర్దినే |
సుచక్రాయ విచక్రాయ సర్వమంత్రవిభేదినే || ౨ ||

ప్రసవిత్రే జగద్ధాత్రే జగద్విధ్వంసినే నమః |
పాలనార్థాయ లోకానాం దుష్టాసురవినాశినే || ౩ ||

ఉగ్రాయ చైవ సౌమ్యాయ చండాయ చ నమో నమః |
నమశ్చక్షుఃస్వరూపాయ సంసారభయభేదినే || ౪ ||

మాయాపంజరభేత్రే చ శివాయ చ నమో నమః |
గ్రహాతిగ్రహరూపాయ గ్రహాణాం పతయే నమః || ౫ ||

కాలాయ మృత్యవే చైవ భీమాయ చ నమో నమః |
భక్తానుగ్రహదాత్రే చ భక్తగోప్త్రే నమో నమః || ౬ ||

విష్ణురూపాయ శాంతాయ చాయుధానాం ధరాయ చ |
విష్ణుశస్త్రాయ చక్రాయ నమో భూయో నమో నమః || ౭ ||

ఇతి స్తోత్రం మహాపుణ్యం చక్రస్య తవ కీర్తితమ్ |
యః పఠేత్పరయా భక్త్యా విష్ణులోకం స గచ్ఛతి || ౮ ||

చక్రపూజావిధిం యశ్చ పఠేద్రుద్ర జితేంద్రియః |
స పాపం భస్మసాత్కృత్వా విష్ణులోకాయ కల్పతే || ౯ ||

ఇతి శ్రీగారుడే మహాపురాణే ఆచారకాండే త్రయస్త్రింశోఽధ్యాయే హరిప్రోక్త శ్రీ సుదర్శన చక్ర స్తోత్రమ్ |

Stay updated with the latest Hindu Text, updates, and exclusive content. Join our WhatsApp channel now!

READ WITHOUT DOWNLOAD
శ్రీ సుదర్శన చక్ర స్తోత్రం (గరుడపురాణే)

Download this PDF