|| Sri Surya Pratah Smarana Stotram ||
prātaḥ smarāmi khalu tatsaviturvarēṇyaṁ
rūpaṁ hi maṇḍalamr̥cō:’tha tanuryajūṁṣi |
sāmāni yasya kiraṇāḥ prabhavādihētuṁ
brahmāharātmakamalakṣyamacintyarūpam || 1 ||
prātarnamāmi taraṇiṁ tanuvāṅmanōbhi-
-rbrahmēndrapūrvakasurairnatamarcitaṁ ca |
vr̥ṣṭipramōcanavinigrahahētubhūtaṁ
trailōkyapālanaparaṁ triguṇātmakaṁ ca || 2 ||
prātarbhajāmi savitāramanantaśaktiṁ
pāpaughaśatrubhayarōgaharaṁ paraṁ ca |
taṁ sarvalōkakalanātmakakālamūrtiṁ
gōkaṇṭhabandhanavimōcanamādidēvam || 3 ||
ślōkatrayamidaṁ bhānōḥ prātaḥ prātaḥ paṭhēttu yaḥ |
sa sarvavyādhinirmuktaḥ paraṁ sukhamavāpnuyāt || 4 ||
iti śrī sūrya prātaḥ smaraṇa stōtram |
Found a Mistake or Error? Report it Now
