Sri Varadaraja Stotram PDF English

śrīmadvaradarājēndraḥ śrīvatsāṅkaḥ śubhapradaḥ |
tuṇḍīramaṇḍalōllāsī tāpatrayanivārakaḥ || 1 ||

satyavratakṣētravāsī satyasajjanapōṣakaḥ |
sargasthityupasaṁhārakārī suguṇavāridhiḥ || 2 ||

harirhastigirīśānō hr̥tapraṇavaduṣkr̥taḥ |
tattvarūpatvaṣṭr̥kr̥ta kāñcīpuravarāśritaḥ || 3 ||

brahmārabdhāśvamēdhākhyamahāmakhasupūjitaḥ |
vēdavēdyō vēgavatīvēgabhītātmabhūstutaḥ || 4 ||

viśvasēturvēgavatīsēturviśvādhikō:’naghaḥ |
yathōktakārināmāḍhyō yajñabhr̥dyajñarakṣakaḥ || 5 ||

brahmakuṇḍōtpannadivyapuṇyakōṭivimānagaḥ |
vāṇīpatyarpitahayavapāsurabhilādharaḥ || 6 ||

varadābhayahastābjō vanamālāvirājitaḥ |
śaṅkhacakralasatpāṇiśśaraṇāgatarakṣakaḥ || 7 ||

imaṁ stavaṁ tu pāpaghnaṁ puruṣārthapradāyakam |
paṭhatāṁ śr̥ṇvatāṁ bhaktyā sarvasiddhirbhavēddhruvam || 8 ||

iti śrīnāradapurāṇē varadarājastōtram |

Stay updated with the latest Hindu Text, updates, and exclusive content. Join our WhatsApp channel now!

READ WITHOUT DOWNLOAD
Sri Varadaraja Stotram

Download this PDF