|| ஶ்ரீ வரதராஜ ஸ்தோத்ரம் ||
ஶ்ரீமத்³வரத³ராஜேந்த்³ர꞉ ஶ்ரீவத்ஸாங்க꞉ ஶுப⁴ப்ரத³꞉ |
துண்டீ³ரமண்ட³லோல்லாஸீ தாபத்ரயனிவாரக꞉ || 1 ||
ஸத்யவ்ரதக்ஷேத்ரவாஸீ ஸத்யஸஜ்ஜனபோஷக꞉ |
ஸர்க³ஸ்தி²த்யுபஸம்ஹாரகாரீ ஸுகு³ணவாரிதி⁴꞉ || 2 ||
ஹரிர்ஹஸ்திகி³ரீஶானோ ஹ்ருதப்ரணவது³ஷ்க்ருத꞉ |
தத்த்வரூபத்வஷ்ட்ருக்ருத காஞ்சீபுரவராஶ்ரித꞉ || 3 ||
ப்³ரஹ்மாரப்³தா⁴ஶ்வமேதா⁴க்²யமஹாமக²ஸுபூஜித꞉ |
வேத³வேத்³யோ வேக³வதீவேக³பீ⁴தாத்மபூ⁴ஸ்துத꞉ || 4 ||
விஶ்வஸேதுர்வேக³வதீஸேதுர்விஶ்வாதி⁴கோ(அ)னக⁴꞉ |
யதோ²க்தகாரினாமாட்⁴யோ யஜ்ஞப்⁴ருத்³யஜ்ஞரக்ஷக꞉ || 5 ||
ப்³ரஹ்மகுண்டோ³த்பன்னதி³வ்யபுண்யகோடிவிமானக³꞉ |
வாணீபத்யர்பிதஹயவபாஸுரபி⁴லாத⁴ர꞉ || 6 ||
வரதா³ப⁴யஹஸ்தாப்³ஜோ வனமாலாவிராஜித꞉ |
ஶங்க²சக்ரலஸத்பாணிஶ்ஶரணாக³தரக்ஷக꞉ || 7 ||
இமம் ஸ்தவம் து பாபக்⁴னம் புருஷார்த²ப்ரதா³யகம் |
பட²தாம் ஶ்ருண்வதாம் ப⁴க்த்யா ஸர்வஸித்³தி⁴ர்ப⁴வேத்³த்⁴ருவம் || 8 ||
இதி ஶ்ரீனாரத³புராணே வரத³ராஜஸ்தோத்ரம் |
Found a Mistake or Error? Report it Now
