ಶ್ರೀ ವಿನಾಯಕ ಸ್ತುತಿಃ PDF ಕನ್ನಡ

Download PDF of Sri Vinayaka Stuti Kannada

ಸನಕಾದಯ ಊಚುಃ |

ನಮೋ ವಿನಾಯಕಾಯೈವ ಕಶ್ಯಪಪ್ರಿಯಸೂನವೇ |
ಅದಿತೇರ್ಜಠರೋತ್ಪನ್ನಬ್ರಹ್ಮಚಾರಿನ್ನಮೋಽಸ್ತು ತೇ || ೧ ||

ಗಣೇಶಾಯ ಸದಾ ಮಾಯಾಧಾರ ಚೈತದ್ವಿವರ್ಜಿತ |
ಭಕ್ತ್ಯಧೀನಾಯ ವೈ ತುಭ್ಯಂ ಹೇರಂಬಾಯ ನಮೋ ನಮಃ || ೨ ||

ತ್ವಂ ಬ್ರಹ್ಮ ಶಾಶ್ವತಂ ದೇವ ಬ್ರಹ್ಮಣಾಂ ಪತಿರೋಜಸಾ |
ಯೋಗಾಯೋಗಾದಿಭೇದೇನ ಕ್ರೀಡಸೇ ನಾತ್ರ ಸಂಶಯಃ || ೩ ||

ಆದಿಮಧ್ಯಾಂತರೂಪಸ್ತ್ವಂ ಪ್ರಕೃತಿಃ ಪುರುಷಸ್ತಥಾ |
ನಾದಾನಾದೌ ಚ ಸೂಕ್ಷ್ಮಸ್ತ್ವಂ ಸ್ಥೂಲರೂಪೋ ಭವಾನ್ ಪ್ರಭೋ || ೪ ||

ಸುರಾಸುರಮಯಃ ಸಾಕ್ಷಾನ್ನರನಾಗಸ್ವರೂಪಧೃಕ್ |
ಜಲಸ್ಥಲಾದಿಭೇದೇನ ಶೋಭಸೇ ತ್ವಂ ಗಜಾನನ || ೫ ||

ಸರ್ವೇಭ್ಯೋ ವರ್ಜಿತಸ್ತ್ವಂ ವೈ ಮಾಯಾಹೀನಸ್ವರೂಪಧೃಕ್ |
ಮಾಯಾಮಾಯಿಕರೂಪಂ ತ್ವಾಂ ಕೋ ಜಾನಾತಿ ಗತಿಂ ಪರಾಮ್ || ೬ ||

ಕಥಂ ಸ್ತುಮೋ ಗಣಾಧೀಶಂ ಯೋಗಾಕಾರಮಯಂ ಸದಾ |
ವೇದಾ ನ ಶಂಭುಮುಖ್ಯಾಶ್ಚ ಶಕ್ತಾಃ ಸ್ತೋತುಂ ಕದಾಚನ || ೭ ||

ವಯಂ ಧನ್ಯಾ ವಯಂ ಧನ್ಯಾ ಯೇನ ಪ್ರತ್ಯಕ್ಷತಾಂ ಗತಃ |
ಅಸ್ಮಾಕಂ ಯೋಗಿನಾಂ ಢುಂಢೇ ಕುಲದೇವಸ್ತ್ವಮಂಜಸಾ || ೮ ||

ಇತಿ ಶ್ರೀಮನ್ಮುದ್ಗಲೇ ಮಹಾಪುರಾಣೇ ಸನಕಾದಯಕೃತಾ ಶ್ರೀ ವಿನಾಯಕ ಸ್ತುತಿಃ ||

Stay updated with the latest Hindu Text, updates, and exclusive content. Join our WhatsApp channel now!

READ WITHOUT DOWNLOAD
ಶ್ರೀ ವಿನಾಯಕ ಸ್ತುತಿಃ

Download this PDF