శ్రీ విష్ణ్వష్టకం PDF తెలుగు

శ్రీ విష్ణ్వష్టకం తెలుగు Lyrics

|| శ్రీ విష్ణ్వష్టకం ||

విష్ణుం విశాలారుణపద్మనేత్రం
విభాంతమీశాంబుజయోనిపూజితమ్ |
సనాతనం సన్మతిశోధితం పరం
పుమాంసమాద్యం సతతం ప్రపద్యే || ౧ ||

కళ్యాణదం కామఫలప్రదాయకం
కారుణ్యరూపం కలికల్మషఘ్నమ్ |
కళానిధిం కామతనూజమాద్యం
నమామి లక్ష్మీశమహం మహాంతమ్ || ౨ ||

పీతాంబరం భృంగనిభం పితామహ-
-ప్రముఖ్యవంద్యం జగదాదిదేవమ్ |
కిరీటకేయూరముఖైః ప్రశోభితం
శ్రీకేశవం సంతతమానతోఽస్మి || ౩ ||

భుజంగతల్పం భువనైకనాథం
పునః పునః స్వీకృతకాయమాద్యమ్ |
పురందరాద్యైరపి వందితం సదా
ముకుందమత్యంతమనోహరం భజే || ౪ ||

క్షీరాంబురాశేరభితః స్ఫురంతం
శయానమాద్యంతవిహీనమవ్యయమ్ |
సత్సేవితం సారసనాభముచ్చైః
విఘోషితం కేశినిషూదనం భజే || ౫ ||

భక్తార్తిహంతారమహర్నిశం తం
మునీంద్రపుష్పాంజలిపాదపంకజమ్ |
భవఘ్నమాధారమహాశ్రయం పరం
పరాపరం పంకజలోచనం భజే || ౬ ||

నారాయణం దానవకాననానలం
నతప్రియం నామవిహీనమవ్యయమ్ |
హర్తుం భువో భారమనంతవిగ్రహం
స్వస్వీకృతక్ష్మావరమీడితోఽస్మి || ౭ ||

నమోఽస్తు తే నాథ వరప్రదాయిన్
నమోఽస్తు తే కేశవ కింకరోఽస్మి |
నమోఽస్తు తే నారదపూజితాంఘ్రే
నమో నమస్త్వచ్చరణం ప్రపద్యే || ౮ ||

విష్ణ్వష్టకమిదం పుణ్యం యః పఠేద్భక్తితో నరః |
సర్వపాపవినిర్ముక్తో విష్ణులోకం స గచ్ఛతి ||

ఇతి శ్రీనారాయణగురువిరచితం శ్రీవిష్ణ్వష్టకమ్ |