Sri Vishnu Kavacham PDF English

|| Sri Vishnu Kavacham ||

asya śrīviṣṇukavacastōtramahāmantrasya, brahmā r̥ṣiḥ, anuṣṭup chandaḥ, śrīmannārāyaṇō dēvatā, śrīmannārāyaṇaprasādasiddhyarthē japē viniyōgaḥ |

ōṁ kēśavāya aṅguṣṭhābhyāṁ namaḥ |
ōṁ nārāyaṇāya tarjanībhyāṁ namaḥ |
ōṁ mādhavāya madhyamābhyāṁ namaḥ |
ōṁ gōvindāya anāmikābhyāṁ namaḥ |
ōṁ viṣṇavē kaniṣṭhikābhyāṁ namaḥ |
ōṁ madhusūdanāya karatalakarapr̥ṣṭhābhyāṁ namaḥ ||

ōṁ trivikramāya hr̥dayāya namaḥ |
ōṁ vāmanāya śirasē svāhā |
ōṁ śrīdharāya śikhāyai vaṣaṭ |
ōṁ hr̥ṣīkēśāya kavacāya hum |
ōṁ padmanābhāya nētratrayāya vauṣaṭ |
ōṁ dāmōdarāya astrāya phaṭ |
bhūrbhuvassuvarōmiti digbandhaḥ ||

dhyānam |
śāntākāraṁ bhujagaśayanaṁ padmanābhaṁ surēśaṁ
viśvākāraṁ gaganasadr̥śaṁ mēghavarṇaṁ śubhāṅgam |
lakṣmīkāntaṁ kamalanayanaṁ yōgihr̥ddhyānagamyaṁ
vandē viṣṇuṁ bhavabhayaharaṁ sarvalōkaikanātham ||

ōṁ pūrvatō māṁ hariḥ pātu paścāccakrī ca dakṣiṇē |
kr̥ṣṇa uttarataḥ pātu śrīśō viṣṇuśca sarvataḥ ||

ūrdhvamānandakr̥tpātu adhastācchārṅgabhr̥tsadā |
pādau pātu sarōjāṅghriḥ jaṅghē pātu janārdanaḥ ||

jānunī mē jagannāthaḥ ūrū pātu trivikramaḥ |
guhyaṁ pātu hr̥ṣīkēśaḥ pr̥ṣṭhaṁ pātu mamāvyayaḥ ||

pātu nābhiṁ mamānantaḥ kukṣiṁ rākṣasamardanaḥ |
dāmōdarō mē hr̥dayaṁ vakṣaḥ pātu nr̥kēsarī ||

karau mē kāliyārātiḥ bhujau bhaktārtibhañjanaḥ |
kaṇṭhaṁ kālāmbudaśyāmaḥ skandhau mē kaṁsamardanaḥ ||

nārāyaṇō:’vyānnāsāṁ mē karṇau kēśiprabhañjanaḥ |
kapōlē pātu vaikuṇṭhō jihvāṁ pātu dayānidhiḥ ||

āsyaṁ daśāsyahantā:’vyāt nētrē mē harilōcanaḥ | [** padmalōcanaḥ **]
bhruvau mē pātu bhūmīśō lalāṭaṁ mē sadā:’cyutaḥ ||

mukhaṁ mē pātu gōvindaḥ śirō garuḍavāhanaḥ |
māṁ śēṣaśāyī sarvēbhyō vyādhibhyō bhaktavatsalaḥ ||

piśācāgnijvarēbhyō māmāpadbhyō:’vatu vāmanaḥ |
sarvēbhyō duritēbhyaśca pātu māṁ puruṣōttamaḥ ||

idaṁ śrīviṣṇukavacaṁ sarvamaṅgaladāyakam |
sarvarōgapraśamanaṁ sarvaśatruvināśanam ||

iti śrī viṣṇu kavacam |