ஶ்ரீ யமாஷ்டகம்

|| ஶ்ரீ யமாஷ்டகம் ||

ஸாவித்ர்யுவாச ।
தபஸா த⁴ர்மமாராத்⁴ய புஷ்கரே பா⁴ஸ்கர꞉ புரா ।
த⁴ர்மம் ஸூர்ய꞉ஸுதம் ப்ராப த⁴ர்மராஜம் நமாம்யஹம் ॥ 1 ॥

ஸமதா ஸர்வபூ⁴தேஷு யஸ்ய ஸர்வஸ்ய ஸாக்ஷிண꞉ ।
அதோ யந்நாம ஶமநமிதி தம் ப்ரணமாம்யஹம் ॥ 2 ॥

யேநாந்தஶ்ச க்ருதோ விஶ்வே ஸர்வேஷாம் ஜீவிநாம் பரம் ।
காமாநுரூபம் காலேந தம் க்ருதாந்தம் நமாம்யஹம் ॥ 3 ॥

பி³ப⁴ர்தி த³ண்ட³ம் த³ண்டா³ய பாபிநாம் ஶுத்³தி⁴ஹேதவே ।
நமாமி தம் த³ண்ட³த⁴ரம் ய꞉ ஶாஸ்தா ஸர்வஜீவிநாம் ॥ 4 ॥

விஶ்வம் ச கலயத்யேவ ய꞉ ஸர்வேஷு ச ஸந்ததம் ।
அதீவ து³ர்நிவார்யம் ச தம் காலம் ப்ரணமாம்யஹம் ॥ 5 ॥

தபஸ்வீ ப்³ரஹ்மநிஷ்டோ² ய꞉ ஸம்யமீ ஸஞ்ஜிதேந்த்³ரிய꞉ ।
ஜீவாநாம் கர்மப²லத³ஸ்தம் யமம் ப்ரணமாம்யஹம் ॥ 6 ॥

ஸ்வாத்மாராமஶ்ச ஸர்வஜ்ஞோ மித்ரம் புண்யக்ருதாம் ப⁴வேத் ।
பாபிநாம் க்லேஶதோ³ யஸ்தம் புண்யமித்ரம் நமாம்யஹம் ॥ 7 ॥

யஜ்ஜந்ம ப்³ரஹ்மணோம்(அ)ஶேந ஜ்வலந்தம் ப்³ரஹ்மதேஜஸா ।
யோ த்⁴யாயதி பரம் ப்³ரஹ்ம தமீஶம் ப்ரணமாம்யஹம் ॥ 8 ॥

இத்யுக்த்வா ஸா ச ஸாவித்ரீ ப்ரணநாம யமம் முநே ।
யமஸ்தாம் ஶக்திப⁴ஜநம் கர்மபாகமுவாச ஹ ॥ 9 ॥

இத³ம் யமஷ்டகம் நித்யம் ப்ராதருத்தா²ய ய꞉ படே²த் ।
யமாத்தஸ்ய ப⁴யம் நாஸ்தி ஸர்வபாபாத்ப்ரமுச்யதே ॥ 10 ॥

மஹாபாபீ யதி³ படே²ந்நித்யம் ப⁴க்திஸமந்வித꞉ ।
யம꞉ கரோதி ஸம்ஶுத்³த⁴ம் காயவ்யூஹேந நிஶ்சிதம் ॥ 11 ॥

இதி ஶ்ரீமத்³தே³வீபா⁴க³வதே மஹாபுராணே நவமஸ்கந்தே⁴ ஏகத்ரிம்ஶோ(அ)த்⁴யாய꞉ ।

Found a Mistake or Error? Report it Now