|| Sri Vishnu Ashtottara Shatanama Stotram ||
aṣṭōttaraśataṁ nāmnāṁ viṣṇōratulatējasaḥ |
yasya śravaṇamātrēṇa narō nārāyaṇō bhavēt || 1 ||
viṣṇurjiṣṇurvaṣaṭkārō dēvadēvō vr̥ṣākapiḥ | [*vr̥ṣāpatiḥ*]
dāmōdarō dīnabandhurādidēvō:’ditēstutaḥ || 2 ||
puṇḍarīkaḥ parānandaḥ paramātmā parātparaḥ |
paraśudhārī viśvātmā kr̥ṣṇaḥ kalimalāpahā || 3 ||
kaustubhōdbhāsitōraskō narō nārāyaṇō hariḥ |
harō harapriyaḥ svāmī vaikuṇṭhō viśvatōmukhaḥ || 4 ||
hr̥ṣīkēśō:’pramēyātmā varāhō dharaṇīdharaḥ |
vāmanō vēdavaktā ca vāsudēvaḥ sanātanaḥ || 5 ||
rāmō virāmō virajō rāvaṇārī ramāpatiḥ |
vaikuṇṭhavāsī vasumān dhanadō dharaṇīdharaḥ || 6 ||
dharmēśō dharaṇīnāthō dhyēyō dharmabhr̥tāṁvaraḥ |
sahasraśīrṣā puruṣaḥ sahasrākṣaḥ sahasrapāt || 7 ||
sarvagaḥ sarvavitsarvaḥ śaraṇyaḥ sādhuvallabhaḥ | [*sarvadaḥ*]
kausalyānandanaḥ śrīmān rākṣasaḥkulanāśakaḥ || 8 ||
jagatkartā jagaddhartā jagajjētā janārtihā |
jānakīvallabhō dēvō jayarūpō jalēśvaraḥ || 9 ||
kṣīrābdhivāsī kṣīrābdhitanayāvallabhastathā |
śēṣaśāyī pannagārivāhanō viṣṭaraśravaḥ || 10 ||
mādhavō mathurānāthō mukundō mōhanāśanaḥ |
daityāriḥ puṇḍarīkākṣō hyacyutō madhusūdanaḥ || 11 ||
sōmasūryāgninayanō nr̥siṁhō bhaktavatsalaḥ |
nityō nirāmayaśśuddhō varadēvō jagatprabhuḥ || 12 || [*naradēvō*]
hayagrīvō jitaripurupēndrō rukmiṇīpatiḥ |
sarvadēvamayaḥ śrīśaḥ sarvādhāraḥ sanātanaḥ || 13 ||
saumyaḥ saumyapradaḥ sraṣṭā viṣvaksēnō janārdanaḥ |
yaśōdātanayō yōgī yōgaśāstraparāyaṇaḥ || 14 ||
rudrātmakō rudramūrtiḥ rāghavō madhusūdhanaḥ | [*rudrasūdanaḥ*]
iti tē kathitaṁ divyaṁ nāmnāmaṣṭōttaraṁ śatam || 15 ||
sarvapāpaharaṁ puṇyaṁ divyōratulatējasaḥ |
duḥkhadāridryadaurbhāgyanāśanaṁ sukhavardhanam || 16 ||
sarvasampatkaraṁ saumyaṁ mahāpātakanāśanam |
prātarutthāya vipēndra paṭhēdēkāgramānasaḥ || 17 ||
tasya naśyanti vipadāṁ rāśayaḥ siddhimāpnuyāt || 18 ||
iti śrī viṣṇōḥ aṣṭōttaraśatanāma stōtram ||
Found a Mistake or Error? Report it Now
