|| ಶ್ರೀ ರಾಧಾ ಸ್ತೋತ್ರಂ (ಉದ್ಧವ ಕೃತಂ) ||
ವಂದೇ ರಾಧಾಪದಾಂಭೋಜಂ ಬ್ರಹ್ಮಾದಿಸುರವಿಂದತಮ್ |
ಯತ್ಕೀರ್ತಿಃ ಕೀರ್ತನೇನೈವ ಪುನಾತಿ ಭುವನತ್ರಯಮ್ || ೧ ||
ನಮೋ ಗೋಕುಲವಾಸಿನ್ಯೈ ರಾಧಿಕಾಯೈ ನಮೋ ನಮಃ |
ಶತಶೃಂಗನಿವಾಸಿನ್ಯೈ ಚಂದ್ರಾವತ್ಯೈ ನಮೋ ನಮಃ || ೨ ||
ತುಲಸೀವನವಾಸಿನ್ಯ ವೃಂದಾರಣ್ಯೈ ನಮೋ ನಮಃ |
ರಾಸಮಂಡಲವಾಸಿನ್ಯೈ ರಾಸೇಶ್ವರ್ಯೈ ನಮೋ ನಮಃ || ೩ ||
ವಿರಜಾತೀರವಾಸಿನ್ಯೈ ವೃಂದಾಯೈ ಚ ನಮೋ ನಮಃ |
ವೃಂದಾವನವಿಲಾಸಿನ್ಯೈ ಕೃಷ್ಣಾಯೈ ಚ ನಮೋ ನಮಃ || ೪ ||
ನಮಃ ಕೃಷ್ಣಪ್ರಿಯಾಯೈ ಚ ಶಾಂತಾಯೈ ಚ ನಮೋ ನಮಃ |
ಕೃಷ್ಣವಕ್ಷಃಸ್ಥಿತಾಯೈ ಚ ತತ್ಪ್ರಿಯಾಯೈ ನಮೋ ನಮಃ || ೫ ||
ನಮೋ ವೈಕುಂಠವಾಸಿನ್ಯೈ ಮಹಾಲಕ್ಷ್ಮ್ಯೈ ನಮೋ ನಮಃ |
ವಿದ್ಯಾಧಿಷ್ಠಾತೃದೇವ್ಯೈ ಚ ಸರಸ್ವತ್ಯೈ ನಮೋ ನಮಃ || ೬ ||
ಸರ್ವೈಶ್ವರ್ಯಾಧಿದೇವ್ಯೈ ಚ ಕಮಲಾಯೈ ನಮೋ ನಮಃ |
ಪದ್ಮನಾಭಪ್ರಿಯಾಯೈ ಚ ಪದ್ಮಾಯೈ ಚ ನಮೋ ನಮಃ || ೭ ||
ಮಹಾವಿಷ್ಣೋಶ್ಚ ಮಾತ್ರೇ ಚ ಪರಾದ್ಯಾಯೈ ನಮೋ ನಮಃ |
ನಮಃ ಸಿಂಧುಸುತಾಯೈ ಚ ಮರ್ತ್ಯಲಕ್ಷ್ಮ್ಯೈ ನಮೋ ನಮಃ || ೮ ||
ನಾರಾಯಣಪ್ರಿಯಾಯೈ ಚ ನಾರಾಯಣ್ಯೈ ನಮೋ ನಮಃ |
ನಮೋಽಸ್ತು ವಿಷ್ಣುಮಾಯಾಯೈ ವೈಷ್ಣವ್ಯೈ ಚ ನಮೋ ನಮಃ || ೯ ||
ಮಹಾಮಾಯಾಸ್ವರೂಪಾಯೈ ಸಂಪದಾಯೈ ನಮೋ ನಮಃ |
ನಮಃ ಕಳ್ಯಾಣರೂಪಿಣ್ಯೈ ಶುಭಾಯೈ ಚ ನಮೋ ನಮಃ || ೧೦ ||
ಮಾತ್ರೇ ಚತುರ್ಣಾಂ ವೇದಾನಾಂ ಸಾವಿತ್ರ್ಯೈ ಚ ನಮೋ ನಮಃ |
ನಮೋಽಸ್ತು ಬುದ್ಧಿರೂಪಾಯೈ ಜ್ಞಾನದಾಯೈ ನಮೋ ನಮಃ || ೧೧ ||
ನಮೋ ದುರ್ಗವಿನಾಶಿನ್ಯೈ ದುರ್ಗಾದೇವ್ಯೈ ನಮೋ ನಮಃ |
ತೇಜಃಸು ಸರ್ವದೇವಾನಾಂ ಪುರಾ ಕೃತಯುಗೇ ಮುದಾ || ೧೨ ||
ಅಧಿಷ್ಠಾನಕೃತಾಯೈ ಚ ಪ್ರಕೃತ್ಯೈ ಚ ನಮೋ ನಮಃ |
ನಮಸ್ತ್ರಿಪುರಹಾರಿಣ್ಯೈ ತ್ರಿಪುರಾಯೈ ನಮೋ ನಮಃ || ೧೩ ||
ಸುಂದರೀಷು ಚ ರಮ್ಯಾಯೈ ನಿರ್ಗುಣಾಯೈ ನಮೋ ನಮಃ |
ನಮೋ ನಿದ್ರಾಸ್ವರೂಪಾಯೈ ನಿರ್ಗುಣಾಯೈ ನಮೋ ನಮಃ || ೧೪ ||
ನಮೋ ದಕ್ಷಸುತಾಯೈ ಚ ನಮಃ ಸತ್ಯೈ ನಮೋ ನಮಃ |
ನಮಃ ಶೈಲಸುತಾಯೈ ಚ ಪಾರ್ವತ್ಯೈ ಚ ನಮೋ ನಮಃ || ೧೫ ||
ನಮೋ ನಮಸ್ತಪಸ್ವಿನ್ಯೈ ಹ್ಯುಮಾಯೈ ಚ ನಮೋ ನಮಃ |
ನಿರಾಹಾರಸ್ವರೂಪಾಯೈ ಹ್ಯಪರ್ಣಾಯೈ ನಮೋ ನಮಃ || ೧೬ ||
ಗೌರೀಲೌಕವಿಲಾಸಿನ್ಯೈ ನಮೋ ಗೌರ್ಯೈ ನಮೋ ನಮಃ |
ನಮಃ ಕೈಲಾಸವಾಸಿನ್ಯೈ ಮಾಹೇಶ್ವರ್ಯೈಃ ನಮೋ ನಮಃ || ೧೭ ||
ನಿದ್ರಾಯೈ ಚ ದಯಾಯೈ ಚ ಶ್ರದ್ಧಾಯೈ ಚ ನಮೋ ನಮಃ |
ನಮೋ ಧೃತ್ಯೈ ಕ್ಷಮಾಯೈ ಚ ಲಜ್ಜಾಯೈ ಚ ನಮೋ ನಮಃ || ೧೮ ||
ತೃಷ್ಣಾಯೈ ಕ್ಷುತ್ಸ್ವರೂಪಾಯೈ ಸ್ಥಿತಿಕರ್ತ್ರ್ಯೈ ನಮೋ ನಮಃ |
ನಮಃ ಸಂಹಾರರೂಪಿಣ್ಯೈ ಮಹಾಮಾರ್ಯೈ ನಮೋ ನಮಃ || ೧೯ ||
ಭಯಾಯೈ ಚಾಭಯಾಯೈ ಚ ಮುಕ್ತಿದಾಯೈ ನಮೋ ನಮಃ |
ನಮಃ ಸ್ವಧಾಯೈ ಸ್ವಾಹಾಯೈ ಶಾಂತ್ಯೈ ಕಾಂತ್ಯೈ ನಮೋ ನಮಃ || ೨೦ ||
ನಮಸ್ತುಷ್ಟ್ಯೈ ಚ ಪುಷ್ಟ್ಯೈ ಚ ದಯಾಯೈ ಚ ನಮೋ ನಮಃ |
ನಮೋ ನಿದ್ರಾಸ್ವರೂಪಾಯೈ ಶ್ರದ್ಧಾಯೈ ಚ ನಮೋ ನಮಃ || ೨೧ ||
ಕ್ಷುತ್ಪಿಪಾಸಾಸ್ವರೂಪಾಯೈ ಲಜ್ಜಾಯೈ ಚ ನಮೋ ನಮಃ |
ನಮೋ ಧೃತ್ಯೈ ಕ್ಷಮಾಯೈ ಚ ಚೇತನಾಯೈ ನಮೋ ನಮಃ || ೨೨ ||
ಸರ್ವಶಕ್ತಿಸ್ವರೂಪಿಣ್ಯೈ ಸರ್ವಮಾತ್ರೇ ನಮೋ ನಮಃ |
ಅಗ್ನೌ ದಾಹಸ್ವರೂಪಾಯೈ ಭದ್ರಾಯೈ ಚ ನಮೋ ನಮಃ || ೨೩ ||
ಶೋಭಾಯೈ ಪೂರ್ಣಚಂದ್ರೇ ಚ ಶರತ್ಪದ್ಮೇ ನಮೋ ನಮಃ |
ನಾಸ್ತಿ ಭೇದೋ ಯಥಾ ದೇವಿ ದುಗ್ಧಧಾವಲ್ಯಯೋಃ ಸದಾ || ೨೪ ||
ಯಥೈವ ಗಂಧಭೂಮ್ಯೋಶ್ಚ ಯಥೈವ ಜಲಶೈತ್ಯಯೌಃ |
ಯಥೈವ ಶಬ್ದನಭಸೋರ್ಜ್ಯೋತಿಃ ಸೂರ್ಯಕಯೋರ್ಯಥಾ || ೨೫ ||
ಲೋಕೇ ವೇದೇ ಪುರಾಣೇ ಚ ರಾಧಾಮಾಧವಯೋಸ್ತಥಾ |
ಚೇತನಂ ಕುರು ಕಳ್ಯಾಣಿ ದೇಹಿ ಮಾಮುತ್ತರಂ ಸತಿ || ೨೬ ||
ಇತ್ಯುಕ್ತ್ವಾ ಚೋದ್ಧವಸ್ತತ್ರ ಪ್ರಣನಾಮ ಪುನಃ ಪುನಃ |
ಇತ್ಯುದ್ಧವಕೃತಂ ಸ್ತೋತ್ರಂ ಯಃ ಪಠೇದ್ಭಕ್ತಿಪೂರ್ವಕಮ್ || ೨೭ ||
ಇಹ ಲೋಕೇ ಸುಖಂ ಭುಕ್ತ್ವಾ ಯಾತ್ಯಂತೇ ಹರಿಮಂದಿರಮ್ |
ನ ಭವೇದ್ಬಂಧುವಿಚ್ಛೇದೋ ರೋಗಃ ಶೋಕಃ ಸುದಾರುಣಃ || ೨೮ ||
ಪ್ರೋಷಿತಾ ಸ್ತ್ರೀ ಲಭೇತ್ಕಾಂತಂ ಭಾರ್ಯಾಭೇದೀ ಲಭೇತ್ ಪ್ರಿಯಾಮ್ |
ಅಪುತ್ರೋ ಲಭತೇ ಪುತ್ರಾನ್ನಿರ್ಧನೋ ಲಭತೇ ಧನಮ್ || ೨೯ ||
ನಿರ್ಭೂಮಿರ್ಲಭತೇ ಭೂಮಿಂ ಪ್ರಜಾಹೀನೋ ಲಭೇತ್ ಪ್ರಜಾಮ್ |
ರೋಗಾದ್ವಿಮುಚ್ಯತೇ ರೋಗೀ ಬದ್ಧೋ ಮುಚ್ಯೇತ ಬಂಧನಾತ್ || ೩೦ ||
ಭಯಾನ್ಮುಚ್ಯೇತ ಭೀತಸ್ತು ಮುಚ್ಯೇತಾಽಽಪನ್ನ ಆಪದಃ |
ಅಸ್ಪಷ್ಟಕೀರ್ತಿಃ ಸುಯಶಾ ಮೂರ್ಖೋ ಭವತಿ ಪಂಡಿತಃ || ೩೧ ||
ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ಶ್ರೀಕೃಷ್ಣಜನ್ಮಖಂಡೇ ದ್ವಿನವತಿತಮೋಽಧ್ಯಾಯೇ ಉದ್ಧವಕೃತ ಶ್ರೀ ರಾಧಾ ಸ್ತೋತ್ರಮ್ ||
Found a Mistake or Error? Report it Now
