श्रीकृष्णरक्षाकवचम्

|| श्रीकृष्णरक्षाकवचम् ||

गोप्य ऊचुः
श्रीकृष्णस्ते शिरः पातु वैकुण्ठः कण्ठमेव हि ।
श्वेतद्वीपपतिः कर्णौ नासिकां यज्ञरूपधृक् ॥ १॥

नृसिंहो नेत्रयुग्मं च जिह्वां दशरथात्मजः ।
अधराववतां ते तु नरनाराणावृषी ॥ २॥

कपोलौ पातु ते साक्षात्सनकाद्याः कला हरेः ।
भालं ते श्वेतवाराहो नारदो भ्रूलतेऽवतु ॥ ३॥

चिबुकं कपिलः पातु दत्तात्रेय उरोऽवतु ।
स्कन्धौ द्वावृषभः पातु करौ मत्स्यः प्रपातु ते ॥ ४॥

दोर्दण्डं सततं रक्षेत्पृथुः पृथुलविक्रमः ।
उदरं कमठः पातु नाभिं धन्वन्तरिश्च ते ॥ ५॥

मोहिनी गुह्यदेशं च कटिं ते वामनोऽवतु ।
पृष्ठं परशुरामश्च तवोरू बादरायणः ॥ ६॥

बलो जानुद्वयं पातु जङ्घे बुद्धः प्रपातु ते ।
पादौ पातु सगुल्फौ च कल्किर्धर्मपतिः प्रभुः ॥ ७॥

सर्वरक्षाकरं दिव्यं श्रीकृष्णकवचं परम् ।
इदं भगवता दत्तं ब्रह्मणे नाभिपङ्कजे ॥ ८॥

ब्रह्मणा शम्भवे दत्तं शम्भुर्दुर्वाससे ददौ ।
दुर्वासाः श्रीयशोमत्यै प्रादाच्छ्रीनन्दमन्दिरे ॥ ९॥

अनेन रक्षां कृत्वास्य गोपीभिः श्रीयशोमती ।

इति गर्गसंहितायां गोलोकखण्डे त्रयोदशाध्यान्तर्गतं
गोपीभिः कृतं श्रीकृष्णरक्षाकवचम् ।

• sanskritश्री कृष्ण नाम कवचम्
• hindiश्री कृष्ण रक्षा कवचम्
• englishShri Krishna Nam Kavacham
• sanskritश्रीकृष्णकवचम्
• teluguశ్రీ కృష్ణ కవచం
• sanskritकृष्ण कवचं
• odiaଶ୍ରୀ କୃଷ୍ଣ କଵଚଂ
• marathiकृष्ण कवचं
• kannadaಶ್ರೀ ಕೃಷ್ಣ ಕವಚಂ
• gujaratiકૃષ્ણ કવચં
• hindiश्री कृष्ण कवचम
• bengaliশ্রী কৃষ্ণ কবচং

Found a Mistake or Error? Report it Now