শ্রী অঘোরাষ্টকম্

|| শ্রী অঘোরাষ্টকম্ ||

কালাভ্রোৎপলকালগাত্রমনলজ্বালোর্ধ্বকেশোজ্জ্বলং
দংষ্ট্রাদ্যস্ফুটদোষ্ঠবিম্বমনলজ্বালোগ্রনেত্রত্রয়ম্ ।
রক্তাকোরকরক্তমাল্যরচিতং(রুচিরং)রক্তানুলেপপ্রিয়ং
বন্দেঽভীষ্টফলাপ্তয়েঽঙ্ঘ্রিকমলেঽঘোরাস্ত্রমন্ত্রেশ্বরম্ ॥

জঙ্ঘালম্বিতকিঙ্কিণীমণিগণপ্রালম্বিমালাঞ্চিতং
(দক্ষান্ত্রং)ডমরুং পিশাচমনিশং শূলং চ মূলং করৈঃ ।
ঘণ্টাখেটকপালশূলকয়ুতং বামস্থিতে বিভ্রতং
বন্দেঽভীষ্টফলাপ্তয়েঽঙ্ঘ্রিকমলেঽঘোরাস্ত্রমন্ত্রেশ্বরম্ ॥

নাগেন্দ্রাবৃতমূর্ধ্নিজ(র্ধজ) স্থিত(শ্রুতি)গলশ্রীহস্তপাদাম্বুজং
শ্রীমদ্দোঃকটিকুক্ষিপার্শ্বমভিতো নাগোপবীতাবৃতম্ ।
লূতাবৃশ্চিকরাজরাজিতমহাহারাঙ্কিতোরস্স্থলং
বন্দেঽভীষ্টফলাপ্তয়েঽঙ্ঘ্রিকমলেঽঘোরাস্ত্রমন্ত্রেশ্বরম্ ॥

ধৃত্বা পাশুপতাস্ত্রনাম কৃপয়া যৎকুণ্ডলি(যৎকৃন্ততি)প্রাণিনাং
পাশান্যে ক্ষুরিকাস্ত্রপাশদলিতগ্রন্থিং শিবাস্ত্রাহ্বয়ং (?) ।
বিঘ্নাকাঙ্ক্ষিপদং প্রসাদনিরতং সর্বাপদাং তারকং
বন্দেঽভীষ্টফলাপ্তয়েঽঙ্ঘ্রিকমলেঽঘোরাস্ত্রমন্ত্রেশ্বরম্ ॥

ঘোরাঘোরতরাননং স্ফুটদৃশং সম্প্রস্ফুরচ্ছূলকং
প্রাজ্যাং(জ্যং)নৃত্তসুরূপকং চটচটজ্বালাগ্নিতেজঃকচম্ ।
(জানুভ্যাং)প্রচটৎকৃতা(রিনিকরং)স্ত্রগ্রুণ্ডমালান্বিতং
বন্দেঽভীষ্টফলাপ্তয়েঽঙ্ঘ্রিকমলেঽঘোরাস্ত্রমন্ত্রেশ্বরম্ ॥

ভক্তানিষ্টকদুষ্টসর্পদুরিতপ্রধ্বংসনোদ্যোগয়ুক্
হস্তাগ্রং ফণিবদ্ধহস্তচরণং প্রারব্ধয়াত্রাপরম্ ।
স্বাবৃত্ত্যাস্থিতভীষণাঙ্কনিকরপ্রারব্ধসৌভাগ্যকং ?
বন্দেঽভীষ্টফলাপ্তয়েঽঙ্ঘ্রিকমলেঽঘোরাস্ত্রমন্ত্রেশ্বরম্ ॥

যন্মন্ত্রাক্ষরলাঞ্ছিতাপঘনবন্মর্ত্যাশ্চ(চ্চ) বজ্রার্চিষো
ভূতপ্রেতপিশাচরাক্ষসকলানির্ঘাতপাতা ইব(দিব) ।
উৎসন্নাশ্চ ভবন্তি সর্বদুরিতপ্রোচ্চাটনোৎপাদকং
বন্দেঽভীষ্টফলাপ্তয়েঽঙ্ঘ্রিকমলেঽঘোরাস্ত্রমন্ত্রেশ্বরম্ ॥

যদ্ধ্যানো ধ্রুবপূরুষো(ধ্যানোদ্যতপূরুষো)ষিতগৃহগ্রামস্থিরাস্থায়িনো
ভূতপ্রেতপিশাচরাক্ষসপ্রতিহতা নির্ঘাতপাতা ইব ।
যদ্রূপং বিধিনা স্মরন্ হি বিজয়ী শত্রুক্ষয়ং প্রাপ্নুতে
বন্দেঽভীষ্টফলাপ্তয়েঽঙ্ঘ্রিকমলেঽঘোরাস্ত্রমন্ত্রেশ্বরম্ ॥

॥ ইতি শ্রীঅঘোরাষ্টকং সম্পূর্ণম্ ॥

Read in More Languages:

• hindiश्री रुद्राष्टकम्
• hindiलिङ्गाष्टकम्
• hindiश्री शिवमङ्गलाष्टकम्
• sanskritश्री अघोराष्टकम्
• sanskritश्री अमरनाथाष्टकम्
• assameseশ্ৰী অমৰনাথাষ্টকম্
• bengaliশ্রী অমরনাথাষ্টকম্
• punjabiਸ਼੍ਰੀ ਅਮਰਨਾਥਾਸ਼਼੍ਟਕਮ੍
• malayalamശ്രീ അമരനാഥാഷ്ടകം
• gujaratiશ્રી અમરનાથાષ્ટકમ્
• kannadaಶ್ರೀ ಅಮರನಾಥಾಷ್ಟಕಂ
• teluguశ్రీ అమరనాథాష్టకం
• odiaଶ୍ରୀ ଅମରନାଥାଷ୍ଟକମ୍
• tamilஶ்ரீ அமரநாதா²ஷ்டகம்
• hindiश्री शिवाष्टकम्

Found a Mistake or Error? Report it Now