ನರ್ಮದಾ ಕವಚಂ

|| ನರ್ಮದಾ ಕವಚಂ ||

ಓಂ ಲೋಕಸಾಕ್ಷಿ ಜಗನ್ನಾಥ ಸಂಸಾರಾರ್ಣವತಾರಣಂ .
ನರ್ಮದಾಕವಚಂ ಬ್ರೂಹಿ ಸರ್ವಸಿದ್ಧಿಕರಂ ಸದಾ ..

ಶ್ರೀಶಿವ ಉವಾಚ –
ಸಾಧು ತೇ ಪ್ರಭುತಾಯೈ ತ್ವಾಂ ತ್ರಿಷು ಲೋಕೇಷು ದುರ್ಲಭಂ .
ನರ್ಮದಾಕವಚಂ ದೇವಿ ! ಸರ್ವರಕ್ಷಾಕರಂ ಪರಂ ..

ನರ್ಮದಾಕವಚಸ್ಯಾಸ್ಯ ಮಹೇಶಸ್ತು ಋಷಿಸ್ಮೃತಃ .
ಛಂದೋ ವಿರಾಟ್ ಸುವಿಜ್ಞೇಯೋ ವಿನಿಯೋಗಶ್ಚತುರ್ವಿಧೇ ..

ಓಂ ಅಸ್ಯ ಶ್ರೀನರ್ಮದಾಕವಚಸ್ಯ ಮಹೇಶ್ವರ-ಋಷಿಃ .
ವಿರಾಟ್-ಛಂದಃ . ನರ್ಮದಾ ದೇವತಾ . ಹ್ರಾಁ ಬೀಜಂ .
ನಮಃ ಶಕ್ತಿಃ . ನರ್ಮದಾಯೈ ಕೀಲಕಂ .
ಮೋಕ್ಷಾರ್ಥೇ ಜಪೇ ವಿನಿಯೋಗಃ ..

ಅಥ ಕರನ್ಯಾಸಃ –
ಓಂ ಹ್ರಾಂ ಅಂಗುಷ್ಠಾಭ್ಯಾಂ ನಮಃ .
ಓಂ ಹ್ರೀಂ ತರ್ಜನೀಭ್ಯಾಂ ನಮಃ .
ಓಂ ಹ್ರೂಂ ಮಧ್ಯಮಾಭ್ಯಾಂ ನಮಃ .
ಓಂ ಹ್ರೈಂ ಅನಾಮಿಕಾಭ್ಯಾಂ ನಮಃ .
ಓಂ ಹ್ರೌಂ ಕನಿಷ್ಠಿಕಾಭ್ಯಾಂ ನಮಃ .
ಓಂ ಹ್ರಃ ಕರತಲಕರಪೃಷ್ಠಾಭ್ಯಾಂ ನಮಃ ..

ಅಥ ಹೃದಯಾದಿನ್ಯಾಸಃ –
ಓಂ ಹ್ರಾಂ ಹೃದಯಾಯ ನಮಃ .
ಓಂ ಹ್ರೀಂ ಶಿರಸೇ ಸ್ವಾಹಾ .
ಓಂ ಹ್ರೂಂ ಶಿಖಾಯೈ ವಷಟ್ .
ಓಂ ಹ್ರೈಂ ಕವಚಾಯ ಹುಂ .
ಓಂ ಹ್ರೌಂ ನೇತ್ರತ್ರಯಾಯ ವೌಷಟ್ .
ಓಂ ಹ್ರಃ ಅಸ್ತ್ರಾಯ ಫಟ .
ಓಂ ಭೂರ್ಭುವಸ್ಸ್ವರೋಮಿತಿ ದಿಗ್ಬಂಧಃ ..

ಅಥ ಧ್ಯಾನಂ –
ಓಂ ನರ್ಮದಾಯೈ ನಮಃ ಪ್ರಾತರ್ನರ್ಮದಾಯೈ ನಮೋ ನಿಶಿ .
ನಮಸ್ತೇ ನರ್ಮದ ದೇವಿ ತ್ರಾಹಿ ಮಾಂ ಭವಸಾಗರಾತ್ ..

ಆದೌ ಬ್ರಹ್ಮಾಂಡಖಂಡೇ ತ್ರಿಭುವನವಿವರೇ ಕಲ್ಪದಾ ಸಾ ಕುಮಾರೀ
ಮಧ್ಯಾಹ್ನೇ ಶುದ್ಧರೇವಾ ವಹತಿ ಸುರನದೀ ವೇದಕಂಠೋಪಕಂಠೈಃ .
ಶ್ರೀಕಂಠೇ ಕನ್ಯಾರೂಪಾ ಲಲಿತಶಿವಜಟಾಶಂಕರೀ ಬ್ರಹ್ಮಶಾಂತಿಃ
ಸಾ ದೇವೀ ವೇದಗಂಗಾ ಋಷಿಕುಲತರಿಣೀ ನರ್ಮದಾ ಮಾಂ ಪುನಾತು ..

ಇತಿ ಧ್ಯಾತ್ವಾಽಷ್ಟೋತ್ತರಶತವಾರಂ ಮೂಲಮಂತ್ರಂ ಜಪೇತ್ .
ಓಂ ಹ್ರಾಂ ಹ್ರೀಂ ಹ್ರೂಁ ಹ್ರೈಂ ಹ್ರೌಂ ಹ್ರಃ ನರ್ಮದಾಯೈ ನಮಃ ಇತಿ ಮಂತ್ರಃ .
ಅಥ ನರ್ಮದಾಗಾಯತ್ರೀ –
ಓಂ ರುದ್ರದೇಹಾಯೈ ವಿದ್ಮಹೇ ಮೇಕಲಕನ್ಯಕಾಯೈ ಧೀಮಹಿ .
ತನ್ನೋ ರೇವಾ ಪ್ರಚೋದಯಾತ್ ..

ಓಂ ನರ್ಮದಾಯ ನಮಃ ಸಾಹಂ .
ಇತಿ ಮಂತ್ರಃ . ಓಂ ಹ್ರೀಂ ಶ್ರೀಂ ನರ್ಮದಾಯೈ ಸ್ವಾಹಾ ..

ಅಥ ಕವಚಂ –
ಓಂ ಪೂರ್ವೇ ತು ನರ್ಮದಾ ಪಾತು ಆಗ್ನೇಯಾಂ ಗಿರಿಕನ್ಯಕಾ .
ದಕ್ಷಿಣೇ ಚಂದ್ರತನಯಾ ನೈರೃತ್ಯಾಂ ಮೇಕಲಾತ್ಮಜಾ ..

ರೇವಾ ತು ಪಶ್ಚಿಮೇ ಪಾತು ವಾಯವ್ಯೇ ಹರವಲ್ಲಭಾ .
ಉತ್ತರೇ ಮೇರುತನಯಾ ಈಶಾನ್ಯೇ ಚತುರಂಗಿಣೀ ..

ಊರ್ಧ್ವಂ ಸೋಮೋದ್ಭವಾ ಪಾತು ಅಧೋ ಗಿರಿವರಾತ್ಮಜಾ .
ಗಿರಿಜಾ ಪಾತು ಮೇ ಶಿರಸಿ ಮಸ್ತಕೇ ಶೈಲವಾಸಿನೀ ..

ಊರ್ಧ್ವಗಾ ನಾಸಿಕಾಂ ಪಾತು ಭೃಕುಟೀ ಜಲವಾಹಿನೀ .
ಕರ್ಣಯೋಃ ಕಾಮದಾ ಪಾತು ಕಪಾಲೇ ಚಾಮರೇಶ್ವರೀ ..

ನೇತ್ರೇ ಮಂದಾಕಿನೀ ರಕ್ಷೇತ್ ಪವಿತ್ರಾ ಚಾಧರೋಷ್ಟಕೇ .
ದಶನಾನ್ ಕೇಶವೀ ರಕ್ಷೇತ್ ಜಿಹ್ವಾಂ ಮೇ ವಾಗ್ವಿಲಾಸಿನೀ ..

ಚಿಬೂಕೇ ಪಂಕಜಾಕ್ಷೀ ಚ ಘಂಟಿಕಾ ಧನವರ್ಧಿನೀ .
ಪುತ್ರದಾ ಬಾಹುಮೂಲೇ ಚ ಈಶ್ವರೀ ಬಾಹುಯುಗ್ಮಕೇ ..

ಅಂಗುಲೀಃ ಕಾಮದಾ ಪಾತು ಚೋದರೇ ಜಗದಂಬಿಕಾ .
ಹೃದಯಂ ಚ ಮಹಾಲಕ್ಷ್ಮೀ ಕಟಿತಟೇ ವರಾಶ್ರಮಾ ..

ಮೋಹಿನೀ ಜಂಘಯೋಃ ಪಾತು ಜಠರೇ ಚ ಉರಃಸ್ಥಲೇ .
ಸಹಜಾ ಪಾದಯೋಃ ಪಾತು ಮಂದಲಾ ಪಾದಪೃಷ್ಠಕೇ ..

ಧಾರಾಧರೀ ಧನಂ ರಕ್ಷೇತ್ ಪಶೂನ್ ಮೇ ಭುವನೇಶ್ವರೀ .
ಬುದ್ಧಿ ಮೇ ಮದನಾ ಪಾತು ಮನಸ್ವಿನೀ ಮನೋ ಮಮ ..

ಅಭರ್ಣೇ ಅಂಬಿಕಾ ಪಾತು ವಸ್ತಿಂ ಮೇ ಜಗದೀಶ್ಚರೀ .
ವಾಚಾಂ ಮೇ ಕೌತಕೀ ರಕ್ಷೇತ್ ಕೌಮಾರೀ ಚ ಕುಮಾರಕೇ ..

ಜಲೇ ಶ್ರೀಯಂತ್ರಣೇ ಪಾತು ಮಂತ್ರಣೇ ಮನಮೋಹಿನೀ .
ತಂತ್ರಣೇ ಕುರುಗರ್ಭಾಂ ಚ ಮೋಹನೇ ಮದನಾವಲೀ ..

ಸ್ತಂಭೇ ವೈ ಸ್ತಂಭಿನೀ ರಕ್ಷೇದ್ವಿಸೃಷ್ಟಾ ಸೃಷ್ಟಿಗಾಮಿನೀ .
ಶ್ರೇಷ್ಠಾ ಚೌರೇ ಸದಾ ರಕ್ಷೇತ್ ವಿದ್ವೇಷೇ ವೃಷ್ಟಿಧಾರಿಣೀ ..

ರಾಜದ್ವಾರೇ ಮಹಾಮಾಯಾ ಮೋಹಿನೀ ಶತ್ರುಸಂಗಮೇ .
ಕ್ಷೋಭಣೀ ಪಾತು ಸಂಗ್ರಾಮೇ ಉದ್ಭಟೇ ಭಟಮರ್ದಿನೀ ..

ಮೋಹಿನೀ ಮದನೇ ಪಾತು ಕ್ರೀಡಾಯಾಂ ಚ ವಿಲಾಸಿನೀ .
ಶಯನೇ ಪಾತು ಬಿಂಬೋಷ್ಠೀ ನಿದ್ರಾಯಾಂ ಜಗವಂದಿತಾ ..

ಪೂಜಾಯಾಂ ಸತತಂ ರಕ್ಷೇತ್ ಬಲಾವದ್ ಬ್ರಹ್ಮಚಾರಿಣೀ .
ವಿದ್ಯಾಯಾಂ ಶಾರದಾ ಪಾತು ವಾರ್ತಾಯಾಂ ಚ ಕುಲೇಶ್ವರೀ ..

ಶ್ರಿಯಂ ಮೇ ಶ್ರೀಧರೀ ಪಾತು ದಿಶಾಯಾಂ ವಿದಿಶಾ ತಥಾ .
ಸರ್ವದಾ ಸರ್ವಭಾವೇನ ರಕ್ಷೇದ್ವೈ ಪರಮೇಶ್ವರೀ ..

ಇತೀದಂ ಕವಚಂ ಗುಹ್ಯಂ ಕಸ್ಯಚಿನ್ನ ಪ್ರಕಾಶಿತಂ .
ಸಂಪ್ರತ್ಯೇವ ಮಯಾ ಪ್ರೋಕ್ತಂ ನರ್ಮದಾಕವಚಂ ಯದಿ ..

ಯೇ ಪಠಂತಿ ಮಹಾಪ್ರಾಜ್ಞಾಸ್ತ್ರಿಕಾಲಂ ನರ್ಮದಾತಟೇ .
ತೇ ಲಭಂತೇ ಪರಂ ಸ್ಥಾನಂ ಯತ್ ಸುರೈರಪಿ ದುರ್ಲಭಂ ..

ಗುಹ್ಯಾದ್ ಗುಹ್ಯತರಂ ದೇವಿ ರೇವಾಯಾಃ ಕವಚಂ ಶುಭಂ .
ಧನದಂ ಮೋಕ್ಷದಂ ಜ್ಞಾನಂ ಸಬುದ್ಧಿಮಚಲಾಂ ಶ್ರಿಯಂ ..

ಮಹಾಪುಣ್ಯಾತ್ಮಕಾ ಲೋಕೇ ಭವಂತಿ ಕವಚಾತ್ಮಕೇ .
ಏಕಾದಶ್ಯಾಂ ನಿರಾಹಾರೋ ಬ್ರತಸ್ಥೋ ನರ್ಮದಾತಟೇ ..

ಸಾಯಾಹ್ನೇ ಯೋಗಸಿದ್ಧಿಃ ಸ್ಯಾತ್ ಮನಃ ಸೃಷ್ಟಾರ್ಧರಾತ್ರಕೇ .
ಸಪ್ತಾವೃತ್ತಿಂ ಪಠೇದ್ವಿದಾನ್ ಜ್ಞಾನೋದಯಂ ಸಮಾಲಭೇತ್ ..

ಭೌಮಾರ್ಕೇ ರವಿವಾರೇ ತು ಅರ್ಧರಾತ್ರೇ ಚತುಷ್ಪಥೇ .
ಸಪ್ತಾವೃತ್ತಿಂ ಪಠೇದ್ ದೇವಿ ಸ ಲಭೇದ್ ಬಲಕಾಮಕಂ ..

ಪ್ರಭಾತೇ ಜ್ಞಾನಸಂಪತ್ತಿ ಮಧ್ಯಾಹ್ನೇ ಶತ್ರುಸಂಕಟೇ .
ಶತಾವೃತ್ತಿವಿಶೇಷೇಣ ಮಾಸಮೇಕಂ ಚ ಲಭ್ಯತೇ ..

ಶತ್ರುಭೀತೇ ರಾಜಭಂಗೇ ಅಶ್ವತ್ಥೇ ನರ್ಮದಾತಟೇ .
ಸಹಸ್ತ್ರಾವೃತ್ತಿಪಾಠೇನ ಸಂಸ್ಥಿತಿರ್ವೈ ಭವಿಷ್ಯತಿ ..

ನಾನ್ಯಾ ದೇವಿ ನಾನ್ಯಾ ದೇವಿ ನಾನ್ಯಾ ದೇವಿ ಮಹೀತಲೇ .
ನ ನರ್ಮದಾಸಮಾ ಪುಣ್ಯಾ ವಸುಧಾಯಾಂ ವರಾನನೇ ..

ಯಂ ಯಂ ವಾಂಛಯತಿ ಕಾಮಂ ಯಃ ಪಠೇತ್ ಕವಚಂ ಶುಭಂ .
ತಂ ತಂ ಪ್ರಾಪ್ನೋತಿ ವೈ ಸರ್ವಂ ನರ್ಮದಾಯಾಃ ಪ್ರಸಾದತಃ ..

Found a Mistake or Error? Report it Now