|| ದುರ್ಗಾ ನಮಸ್ಕಾರ ಸ್ತೋತ್ರ ||
ನಮಸ್ತೇ ಹೇ ಸ್ವಸ್ತಿಪ್ರದವರದಹಸ್ತೇ ಸುಹಸಿತೇ
ಮಹಾಸಿಂಹಾಸೀನೇ ದರದುರಿತಸಂಹಾರಣರತೇ .
ಸುಮಾರ್ಗೇ ಮಾಂ ದುರ್ಗೇ ಜನನಿ ತವ ಭರ್ಗಾನ್ವಿತಕೃಪಾ
ದಹಂತೀ ದುಶ್ಚಿಂತಾಂ ದಿಶತು ವಿಲಸಂತೀ ಪ್ರತಿದಿಶಂ ..
ಅನನ್ಯಾ ಗೌರೀ ತ್ವಂ ಹಿಮಗಿರಿ-ಸುಕನ್ಯಾ ಸುಮಹಿತಾ
ಪರಾಂಬಾ ಹೇರಂಬಾಕಲಿತಮುಖಬಿಂಬಾ ಮಧುಮತೀ .
ಸ್ವಭಾವೈರ್ಭವ್ಯಾ ತ್ವಂ ಮುನಿಮನುಜಸೇವ್ಯಾ ಜನಹಿತಾ
ಮಮಾಂತಃಸಂತಾಪಂ ಹೃದಯಗತಪಾಪಂ ಹರ ಶಿವೇ ..
ಅಪರ್ಣಾ ತ್ವಂ ಸ್ವರ್ಣಾಧಿಕಮಧುರವರ್ಣಾ ಸುನಯನಾ
ಸುಹಾಸ್ಯಾ ಸಲ್ಲಾಸ್ಯಾ ಭುವನಸಮುಪಾಸ್ಯಾ ಸುಲಪನಾ .
ಜಗದ್ಧಾತ್ರೀ ಪಾತ್ರೀ ಪ್ರಗತಿಶುಭದಾತ್ರೀ ಭಗವತೀ
ಪ್ರದೇಹಿ ತ್ವಂ ಹಾರ್ದಂ ಪರಮಸಮುದಾರಂ ಪ್ರಿಯಕರಂ ..
ಧರಾ ದುಷ್ಟೈರ್ಭ್ರಷ್ಟೈಃ ಪರಧನಸುಪುಷ್ಟೈಃ ಕವಲಿತಾ
ದುರಾಚಾರದ್ವಾರಾ ಖಿಲಖಲಬಲೋದ್ವೇಗದಲಿತಾ .
ಮಹಾಕಾಲೀ ತ್ವಂ ವೈ ಕಲುಷಕಷಣಾನಾಂ ಪ್ರಶಮನೀ
ಮಹೇಶಾನೀ ಹಂತ್ರೀ ಮಹಿಷದನುಜಾನಾಂ ವಿಜಯಿನೀ ..
ಇದಾನೀಂ ಮೇದಿನ್ಯಾ ಹೃದಯಮತಿದೀನಂ ಪ್ರತಿದಿನಂ
ವಿಪದ್ಗ್ರಸ್ತಂ ತ್ರಸ್ತಂ ನಿಗದತಿ ಸಮಸ್ತಂ ಜನಪದಂ .
ಮಹಾಶಂಕಾತಂಕೈರ್ವ್ಯಥಿತಪೃಥಿವೀಯಂ ಪ್ರಮಥಿತಾ
ನರಾಣಾಮಾರ್ತ್ತಿಂ ತೇ ಹರತು ರಣಮೂರ್ತ್ತಿಃ ಶರಣದಾ ..
ಸಮಗ್ರೇ ಸಂಸಾರೇ ಪ್ರಸರತು ತವೋಗ್ರಂ ಗುರುತರಂ
ಸ್ವರೂಪಂ ಸಂಹರ್ತ್ತುಂ ದನುಜಕುಲಜಾತಂ ಕಲಿಮಲಂ .
ಪುನಃ ಸೌಮ್ಯಾ ರಮ್ಯಾ ನಿಹಿತಮಮತಾಸ್ನೇಹಸುತನು-
ರ್ಮನೋವ್ಯೋಮ್ನಿ ವ್ಯಾಪ್ತಾ ಜನಯತು ಜನಾನಾಂ ಹೃದಿ ಮುದಂ ..
ಅನಿಂದ್ಯಾ ತ್ವಂ ವಂದ್ಯಾ ಜಗದುರಸಿ ವೃಂದಾರಕಗಣೈಃ
ಪ್ರಶಾಂತೇ ಮೇ ಸ್ವಾಂತೇ ವಿಕಶತು ನಿತಾಂತಂ ತವ ಕಥಾ .
ದಯಾದೃಷ್ಟಿರ್ದೇಯಾ ಸಕಲಮನಸಾಂ ಶೋಕಹರಣೀ
ಸದುಕ್ತ್ಯಾ ಮೇ ಭಕ್ತ್ಯಾ ತವ ಚರಣಪದ್ಮೇ ಪ್ರಣತಯಃ ..
ಭವೇದ್ ಗುರ್ವೀ ಚಾರ್ವೀ ಚಿರದಿವಸಮುರ್ವೀ ಗತಭಯಾ
ಸದನ್ನಾ ಸಂಪನ್ನಾ ಸರಸಸರಣೀ ತೇ ಕರುಣಯಾ .
ಸಮುತ್ಸಾಹಂ ಹಾಸಂ ಪ್ರಿಯದಶಹರಾಪರ್ವಸಹಿತಂ
ಸಪರ್ಯಾ ತೇ ಪರ್ಯಾವರಣಕೃತಕಾರ್ಯಾ ವಿತನುತಾಂ ..
- sanskritदेवी अपराध क्षमापन स्तोत्र हिन्दी अर्थ सहित
- kannadaಶ್ರೀ ದೇವ್ಯಥರ್ವಶೀರ್ಷಂ
- tamilராஜராஜேஸ்வரி ஸ்தோத்திரம்
- malayalamരാജരാജേശ്വരീ സ്തോത്രം
- kannadaರಾಜರಾಜೇಶ್ವರೀ ಸ್ತೋತ್ರ
- hindiराजराजेश्वरी स्तोत्र
- bengaliদুর্গা মানস পূজা ষ্টোরম
- sanskritश्री शान्तादुर्गा देविप्रणति स्तोत्रं
- malayalamദുർഗ്ഗ മാനസ് പൂജ സ്റ്റോരം
- odiaଦୁର୍ଗା ମାନସ ପୂଜା ଷ୍ଟୋଟ୍ରାମ
- punjabiਦੁਰਗਾ ਮਾਨਸ ਪੂਜਾ ਸਟੋਰਮ
- sanskritदुर्गा द्वात्रिंश नाम माला स्तोत्र लाभ सहित
- englishShri Durga Dwatrimsha Naam Mala Stotra
- sanskritश्री कृष्ण कृतं दुर्गा स्तोत्रम्
- sanskritआपदुन्मूलन दुर्गा स्तोत्रम्
Found a Mistake or Error? Report it Now
