|| Sri Gananatha Stotram ||
garbha uvāca |
namastē gaṇanāthāya brahmaṇē brahmarūpiṇē |
anāthānāṁ praṇāthāya vighnēśāya namō namaḥ || 1 ||
jyēṣṭharājāya dēvāya dēvadēvēśamūrtayē |
anādayē parēśāya cādipūjyāya tē namaḥ || 2 ||
sarvapūjyāya sarvēṣāṁ sarvarūpāya tē namaḥ |
sarvādayē parabrahman sarvēśāya namō namaḥ || 3 ||
gajākārasvarūpāya gajākāramayāya tē |
gajamastakadhārāya gajēśāya namō namaḥ || 4 ||
ādimadhyāntabhāvāya svānandapatayē namaḥ |
ādimadhyāntahīnāya tvādimadhyāntagāya tē || 5 ||
siddhibuddhipradātrē ca siddhibuddhivihāriṇē |
siddhibuddhimayāyaiva brahmēśāya namō namaḥ || 6 ||
śivāya śaktayē caiva viṣṇavē bhānurūpiṇē |
māyināṁ māyayā nātha mōhadāya namō namaḥ || 7 ||
kiṁ staumi tvāṁ gaṇādhīśa yatra vēdādayō:’parē |
yōginaḥ śāntimāpannā atastvāṁ praṇamāmyaham || 8 ||
rakṣa māṁ garbhaduḥkhāttvaṁ tvāmēva śaraṇāgatam |
janmamr̥tyuvihīnaṁ vai kuruṣva tē padapriyam || 9 ||
iti śrīmanmudgalē mahāpurāṇē navama khaṇḍē śrī gaṇanātha stōtram ||
Found a Mistake or Error? Report it Now
