|| శ్రీ ఆదిత్య ద్వాదశనామ స్తోత్రం ||
ఆదిత్యః ప్రథమం నామం ద్వితీయం తు దివాకరః |
తృతీయం భాస్కరః ప్రోక్తం చతుర్థం తు ప్రభాకరః || ౧ ||
పంచమం తు సహస్రాంశుః షష్ఠం చైవ త్రిలోచనః |
సప్తమం హరిదశ్వశ్చ అష్టమం తు విభావసుః || ౨ ||
నవమం దినకృత్ ప్రోక్తం దశమం ద్వాదశాత్మకః |
ఏకాదశం త్రయీమూర్తిర్ద్వాదశం సూర్య ఏవ చ || ౩ ||
ద్వాదశాదిత్యనామాని ప్రాతః కాలే పఠేన్నరః |
దుఃస్వప్నో నశ్యతే తస్య సర్వదుఃఖం చ నశ్యతి || ౪ ||
దద్రుకుష్ఠహరం చైవ దారిద్ర్యం హరతే ధ్రువమ్ |
సర్వతీర్థకరం చైవ సర్వకామఫలప్రదమ్ || ౫ ||
యః పఠేత్ ప్రాతరుత్థాయ భక్త్యా స్తోత్రమిదం నరః |
సౌఖ్యమాయుస్తథారోగ్యం లభతే మోక్షమేవ చ || ౬ ||
ఇతి శ్రీ ఆదిత్య ద్వాదశనామ స్తోత్రమ్ |
Found a Mistake or Error? Report it Now
