|| శ్రీ దత్తాష్టకం 2 ||
ఆదౌ బ్రహ్మమునీశ్వరం హరిహరం సత్త్వం రజస్తామసం
బ్రహ్మాండం చ త్రిలోకపావనకరం త్రైమూర్తిరక్షాకరమ్ |
భక్తానామభయార్థరూపసహితం సోఽహం స్వయం భావయన్
సోఽహం దత్తదిగంబరం వసతు మే చిత్తే మహత్సుందరమ్ || ౧ ||
విశ్వం విష్ణుమయం స్వయం శివమయం బ్రహ్మా మునీంద్రామయం
బ్రహ్మేంద్రాదిసురోగణార్చితమయం సత్యం సముద్రామయమ్ |
సప్తం లోకమయం స్వయం జనమయం మధ్యాదివృక్షామయం
సోఽహం దత్తదిగంబరం వసతు మే చిత్తే మహత్సుందరమ్ || ౨ ||
ఆదిత్యాదిగ్రహా స్వధా ఋషిగణం వేదోక్తమార్గే స్వయం
వేదం శాస్త్రపురాణపుణ్యకథితం జ్యోతిస్వరూపం శివమ్ |
ఏవం శాస్త్రస్వరూపయా త్రయగుణైస్త్రైలోక్యరక్షాకరం
సోఽహం దత్తదిగంబరం వసతు మే చిత్తే మహత్సుందరమ్ || ౩ ||
ఉత్పత్తిస్థితినాశకారణకరం కైవల్యమోక్షాకరం
కైలాసాదినివాసినం శశిధరం రుద్రాక్షమాలాగళమ్ |
హస్తే చాప ధనుఃశరాంశ్చ ముసలం ఖట్వాంగచర్మాధరం
సోఽహం దత్తదిగంబరం వసతు మే చిత్తే మహత్సుందరమ్ || ౪ ||
శుద్ధం చిత్తమయం సువర్ణమయదం బుద్ధిం ప్రకాశామయం
భోగ్యం భోగమయం నిరాహతమయం ముక్తిప్రసన్నామయమ్ |
దత్తం దత్తమయం దిగంబరమయం బ్రహ్మాండసాక్షాత్కరం
సోఽహం దత్తదిగంబరం వసతు మే చిత్తే మహత్సుందరమ్ || ౫ ||
సోఽహంరూపమయం పరాత్పరమయం నిఃసంగనిర్లిప్తకం
నిత్యం శుద్ధనిరంజనం నిజగురుం నిత్యోత్సవం మంగళమ్ |
సత్యం జ్ఞానమనంతబ్రహ్మహృదయం వ్యాప్తం పరోదైవతం
సోఽహం దత్తదిగంబరం వసతు మే చిత్తే మహత్సుందరమ్ || ౬ ||
కాషాయం కరదండధారపురుషం రుద్రాక్షమాలాగళం
భస్మోద్ధూళితలోచనం కమలజం కోల్హాపురీభిక్షణమ్ |
కాశీస్నానజపాదికం యతిగురుం తన్మాహురీవాసితం
సోఽహం దత్తదిగంబరం వసతు మే చిత్తే మహత్సుందరమ్ || ౭ ||
కృష్ణాతీరనివాసినం నిజపదం భక్తార్థసిద్ధిప్రదం
ముక్తిం దత్తదిగంబరం యతిగురుం నాస్తీతి లోకాంజనమ్ |
సత్యం సత్యమసత్యలోకమహిమా ప్రాప్తవ్యభాగ్యోదయం
సోఽహం దత్తదిగంబరం వసతు మే చిత్తే మహత్సుందరమ్ || ౮ ||
ఇతి శ్రీమచ్ఛంకరాచార్యవిరచితం శ్రీ దత్తాష్టకమ్ |
Found a Mistake or Error? Report it Now
