|| Sri Veda Vyasa Ashtottara Shatanama Stotram 2 ||
dhyānam –
vyāsāya viṣṇurūpāya vyāsarūpāya viṣṇavē |
namō vai brahmanidhayē vāsiṣṭhāya namō namaḥ || 1 ||
vyāsaṁ vasiṣṭhanaptāraṁ śāktēḥ pautramakalmaṣam |
parāśarātmajaṁ vandē śukatātaṁ tapōnidhim || 2 ||
abhraśyāmaḥ piṅgajaṭābaddhakalāpaḥ
prāṁśurdaṇḍī kr̥ṣṇamr̥gatvakparidhānaḥ |
sarvān lōkān pāvayamānaḥ kavimukhyaḥ
pārāśaryaḥ parvasu rūpaṁ vivr̥ṇōtu || 3 ||
acaturvadanō brahmā dvibāhuraparō hariḥ |
abhālalōcanaḥ śambhurbhagavān bādarāyaṇaḥ || 4 ||
atha stōtram –
nārāyaṇakulōdbhūtō nārāyaṇaparō varaḥ |
nārāyaṇāvatāraśca nārāyaṇavaśaṁvadaḥ || 1 ||
svayambhūvaṁśasambhūtō vasiṣṭhakuladīpakaḥ |
śaktipautraḥ pāpahantā parāśarasutō:’malaḥ || 2 ||
dvaipāyanō mātr̥bhaktaḥ śiṣṭaḥ satyavatīsutaḥ |
svayamudbhūtavēdaśca caturvēdavibhāgakr̥t || 3 ||
mahābhāratakartā ca brahmasūtraprajāpatiḥ |
aṣṭādaśapurāṇānāṁ kartā śyāmaḥ praśiṣyakaḥ || 4 ||
śukatātaḥ piṅgajaṭaḥ prāṁśurdaṇḍī mr̥gājinaḥ |
vaśyavāgjñānadātā ca śaṅkarāyuḥ pradaḥ śuciḥ || 5 ||
mātr̥vākyakarō dharmī karmī tatvārthadarśakaḥ |
sañjayajñānadātā ca pratismr̥tyupadēśakaḥ || 6 ||
tathā dharmōpadēṣṭā ca mr̥tadarśanapaṇḍitaḥ |
vicakṣaṇaḥ prahr̥ṣṭātmā pūrvapūjyaḥ prabhurmuniḥ || 7 ||
vīrō viśrutavijñānaḥ prājñaścājñānanāśanaḥ |
brāhmakr̥tpādmakr̥ddhīrō viṣṇukr̥cchivakr̥ttathā || 8 ||
śrībhāgavatakartā ca bhaviṣyaracanādaraḥ |
nāradākhyasyakartā ca mārkaṇḍēyakarō:’gnikr̥t || 9 ||
brahmavaivartakartā ca liṅgakr̥cca varāhakr̥t |
skāndakartā vāmanakr̥tkūrmakartā ca matsyakr̥t || 10 ||
garuḍākhyasyakartā ca brahmāṇḍākhyapurāṇakr̥t |
kartā cōpapurāṇānāṁ purāṇaḥ puruṣōttamaḥ || 11 ||
kāśivāsī brahmanidhirgītādātā mahāmatiḥ |
sarvajñaḥ sarvasiddhiśca sarvāśāstrapravartakaḥ || 12 ||
sarvāśrayaḥ sarvahitaḥ sarvaḥ sarvaguṇāśrayaḥ |
viśuddhaḥ śuddhikr̥ddakṣō viṣṇubhaktaḥ śivārcakaḥ || 13 ||
dēvībhaktaḥ skandarucirgāṇēśakr̥cca yōgavit |
paulācārya r̥caḥ kartā śākalyāryāstathaiva ca || 14 ||
yajuḥ kartā ca jaiminyācāryāśca sāmakārakaḥ |
sumantvācāryavaryaśca tathaivātharvakārakaḥ || 15 ||
rōmaharṣaṇasūtāryō lōkācāryō mahāmuniḥ |
vyāsakāśīratō viśvapūjyō viśvēśapūjakaḥ ||
śāntāḥ śāntākr̥tiḥ śāntacittaḥ śāntipradastathā || 16 ||
iti śrī vēdavyāsa aṣṭōttaraśatanāma stōtram |
Found a Mistake or Error? Report it Now
