|| અંગારક કવચમ્ ||
ધ્યાનમ્
રક્તાંબરો રક્તવપુઃ કિરીટી ચતુર્ભુજો મેષગમો ગદાભૃત્ ।
ધરાસુતઃ શક્તિધરશ્ચ શૂલી સદા મમ સ્યાદ્વરદઃ પ્રશાંતઃ ॥
અથ અંગારક કવચમ્
અંગારકઃ શિરો રક્ષેત્ મુખં વૈ ધરણીસુતઃ ।
શ્રવૌ રક્તંબરઃ પાતુ નેત્રે મે રક્તલોચનઃ ॥ 1 ॥
નાસાં શક્તિધરઃ પાતુ મુખં મે રક્તલોચનઃ ।
ભુજૌ મે રક્તમાલી ચ હસ્તૌ શક્તિધરસ્તથા ॥2 ॥
વક્ષઃ પાતુ વરાંગશ્ચ હૃદયં પાતુ રોહિતઃ ।
કટિં મે ગ્રહરાજશ્ચ મુખં ચૈવ ધરાસુતઃ ॥ 3 ॥
જાનુજંઘે કુજઃ પાતુ પાદૌ ભક્તપ્રિયઃ સદા ।
સર્વાણ્યન્યાનિ ચાંગાનિ રક્ષેન્મે મેષવાહનઃ ॥ 4 ॥
ફલશ્રુતિઃ
ય ઇદં કવચં દિવ્યં સર્વશત્રુનિવારણમ્ ।
ભૂતપ્રેતપિશાચાનાં નાશનં સર્વસિદ્ધિદમ્ ॥
સર્વરોગહરં ચૈવ સર્વસંપત્પ્રદં શુભમ્ ।
ભુક્તિમુક્તિપ્રદં નૄણાં સર્વસૌભાગ્યવર્ધનમ્ ॥
રોગબંધવિમોક્ષં ચ સત્યમેતન્ન સંશયઃ ॥
॥ ઇતિ શ્રી માર્કંડેયપુરાણે અંગારક કવચં સંપૂર્ણમ્ ॥
Found a Mistake or Error? Report it Now
